JERRY OLEA: 4/20 (Abril 20, Biyernes)... international counterculture holiday, kung saan nagtitipon ang mga tao upang ipagdiwang at i-consume ang cannabis.
Back-to-back sa araw na ito ang kasalang BiCol (Billy Crawford & Coleen Garcia sa Balesin Island) at BranJes (Brandon Vera & Jessica Craven sa Guam).
Brandon Vera & Jessica Craven
“OK naman,” simpleng sagot ng Mega-PR na si Bernard Cloma nang kumustahin namin ang wedding nina Mr. & Mrs. Crawford.
Sa kanilang It’s Showtime family, absent sina Karylle at Anne Curtis.
GORGY RULA: Ang ilang detalye na nakuha ko sa kasal nina Brandon Vera at Jessica Craven ay dalawa lang daw ang ninong—si dating Ilocos Sur Governor Chavit Singson at ang manager ng MMA fighter na si Dondon Monteverde.
Simple lang daw ang beach wedding na ginanap sa Meskla On The Cove, 176 Apuguan Way, Tamuning.
Nakakatuwa raw na Pinoy na Pinoy talaga si Brandon na naka-Barong Tagalog pati ang ilang nasa entourage.
Si Sir Noel kaya may sidelights sa BiCol wedding?
NOEL FERRER: Naging laman ng Bridal Fairs sina Billy at Coleen kaya siguro hindi na naging mahirap kumuha ng sponsors at ex deals.
In fairness, maganda ang setup ng wedding, ha. Mamahalin.
At star-studded ang mga bisita: from Megastar Sharon Cuneta, to Gary V and his family, Ogie at Regine Velasquez-Alcasid, pati na ang mga alumni ng ng Your Face Sounds Familiar na sina Karla Estrada, JayR, at marami pang iba.
Tama, kumpleto ang Showtime family, including Kuya Kim Atienza, except for Karylle and Anne Curtis nga.
Pati ang anak ni Kuya Germs na tatay-tatayan ni Billy na si Frederico Moreno ay um-attend din.
Kitang-kita na nagpapayat ang mga ikinasal at napagkatuwaan nga ang hashtag nila na #coleengotthebill.
Kumpleto ang event dahil nandun nga si Bernard Cloma, in all fairness!!!
Kasi naman, hindi mura ang wedding na ito sa Balesin, ha.
Pero whatever the cost, congratulations at best wishes pa rin kina BiCol.