JERRY OLEA: Ano kamo ang feeling ni Maris Racal na wala ni katiting na crush sa kanya si Yves Flores, na love interest niya sa Kapamilya teleseryeng Hanggang Saan?
“Offensive,” nakangiting sambit ni Maris sa finale presscon ng teleserye noong Abril 17, Martes, sa ELJCC Bldg., ABS-CBN Compound, QC.
Natatawang pagpapatuloy ng dalaga matapos humalukipkip, “Yves, hindi mo raw ako crush. OK lang.
“Bahala siya. Di ko rin siya crush! Ha! Ha! Ha! Ha!”
At ang crush niya ay ang ka-love team na si Iñigo Pascual!
“Sinabi ko na dati na crush ko siya.”
Crush pa rin lang? Hindi pa ba nagle-level up sa love ang crush na iyon?
Tumamis ang ngiti ni Maris, “Love is stronger... Basta! Basta, si Iñigo na lang ang tanungin ninyo!”
Mas napapag-usapan na si Maris dahil kay Iñigo, huh?!
“Dati, hindi ako showy sa personal life. Hindi naman namin sinasadya na maging interesado ang ibang tao sa amin.
“So, thankful naman ako.”
Sabi ni Yves, may nilulutong movie para sa kanila ni Iñigo, at waley roon si Maris.
Napangiti muli ang dalaga, “E, di sila ang mag-love... Ha! Ha! Ha! Meron din naman kaming gagawin ni Iñigo, kaya OK lang.”
GORGY RULA: Naku! Tigilan muna 'yang pa-cute na 'yan.
Mag-focus muna siguro sa craft niya bilang artista. Maayos ba ang acting niya?
Dahil milya-milya ang galing ni Joshua Garcia sa mga kabataang artista ngayon. Magaling siya talaga.
'Yang loveteam-loveteam ek-ek na 'yan, siguro alamin muna ni Maris kung anong tipo ng lalaki (lalaki daw, o!) itong inili-link sa kanya.
NOEL FERRER: Sobrang in love ni Maris kay Iñigo kaya medyo kailangang mag-back off na si Yves at tanggaping baka hindi siya pang-love team.
Mag-concentrate na lang siya on character roles kasi magaling naman siyang umarte.
And for Maris and Iñigo, tama si Tito Gorgy, work on your craft.
Since singers din kayo, make a mark there, kasi 'yan ang kaibahan niyo sa existing love teams.
Pero teka, love team nga ba sila o simply mag-lovers?
Aminin natin, merong mag-lovers na hindi nagta-translate to bankable love teams, ha.
Best na individually, bankable at recognized sila.