GORGY RULA
Nilinaw ni Kuya Mark Lapid na magtatagal pa ang Kapamilya primetime series na Coco Martin’s Sigabo.
Bahagi si Mark sa naturang teleserye na nag-pilot noong Hunyo 22, 2026.
Hanggang kailan kaya ito?
“It depends sa viewers,” pakli ni Mark noong Setyembre 29, 2026 sa Limbaga 77 restaurant, Sct. Limbaga St., Brgy. Laging Handa, Quezon City.
“As long as the viewers… so far, I think, it’s OK.”
Hanggang one year lang daw ang Sigabo?
“Ganun din ang sinabi nila dati. For Probinsyano nga, sabi nila sa amin nung mag-guest kami, two weeks lang.
“Yun lang talaga, two weeks. And then na-extend ng one month.
"Then from one month, I remember that, pumasok kami I think May na yata yon, o July.
“Sabi, puwedeng hanggang August. Sabi namin, OK.
"Tapos naging September. September, naging December na.
“And then hanggang sa umabot na kami ng two years.
"So, I think nag-exit na lang talaga kami kasi humabol si Erpats ng senador. So, kailangan kaming mawala na.
“Yun lang. That’s the only time na nawala kami.”
Matagal pa raw ang Sigabo, sabi ni Mark.
Marami rin daw bagong characters na papasok.
Hindi lang niya masabi kung sino pa ang sasali, pero marami pa raw aabangan sa Sigabo.
LIKE BROTHERS
Ayon kay Mark, eight to ten years na ang magandang samahan nila ni Coco mula FPJ’s Ang Probinsyano hanggang sa Sigabo.
“Parang magkapatid ho kami ni Coco. Yun naman since we started in Ang Probinsyano, di ba?” ani Mark.
“So, nagtutulungan kami. There are things na… not being as an actor. Hindi na yun.
“But yung tulungan namin, malasakit namin, I think pare-parehas lang sa industriya.
“That’s why nung kinausap niya kami to join him in Probinsyano pa lang, when we started ni Erpats [Senator Lito Lapid].
"So, hindi lang naman yung papel ang ginagampanan namin, including sa different scenes na kaya naming tumulong, mapagaan ang isang eksena, especially on the action side, tumutulong kami.
“We don’t ask for any payment for that. Tulong lang kami.
“Hanggang ngayon tumutulong kami. Pag kailangan kami, sasabihan kami, then we go there.”
Talagang malalim ang kanilang samahan, na ang tulong na ibinibigay nila ay walang perang involved.
Nagsimula raw silang tumulong sa FPJ’s Batang Quiapo na wala silang talent fee na inaasahan.
May talent fee pa sila sa FPJ’s Ang Probinsyano, pero sa FPJ’s Batang Quiapo hanggang sa Sigabo ay talagang tumutulong lang daw sila.
“Especially for ABS. So, tinutulungan din namin,” sey ni Mark.
Part sila ng production team ng Sigabo?
Paglilinaw ni Mark: “No, we’re not. Hindi naman. Kumbaga, we’re being asked to help. Kasi, sometimes yung mga eksena na kailangan.
“So yung experience namin and how we execute it ahhh fight scenes, mga sabugan dati, mga ganun.”
Hindi sila investors sa Sigabo. Wala na silang TF, nagdadala pa sila ng pagkain?
“Yung pagkain naman, marami naman yan sa Pampanga. Pinaluluto lang namin sa bahay iyan, e,” pagtatapat ni Mark.
“Minsan hihingi lang kami sa lola namin. Chicharon, mga embutido. Alam niyo naman, Pampanga is very well known for food.
"Lalo na pag may fiesta, andaming tira.”
Read: Dennis Trillo on wife Jennylyn Mercado, family: I’ll protect them at all cost
NOEL FERRER
Ang isa raw talaga sa nagustuhan nila kay Coco Martin ay ang disiplina nito sa trabaho.
Nami-misinterpret lang daw ito minsan, pero pagdating kasi sa trabaho ay istrikto ito.
Ani Mark Lapid: “I think what’s nice about Coco is his passion to help a lot of people in the industry. Pati yung mga manggagawa.
“Minsan kasi nami-misunderstood siya because of his strict... when it comes to work.
“Kasi, kahit ako din naman, I agree with that na parang trabahong ibinigay sa atin, pagbutihan natin, hwuag nating paglaruan.
“Talagang strict siya. I mean talagang professional, yun lang ang masasabi ko. The enthusiasm, passion for the job, for the work, is talagang nandiyan.
“So, minsan kahit delikado na, ginagawa pa rin niya kasi kailangan. So, I mean, just to deliver kung ano yung dapat i-deliver for the viewers.
“But I think the most important thing is the ano.. passion to help. He’s the one who pioneered old actors na wala na sa limelight.
“To be honest, na-appreciate ng mga viewers ngayon yung mga dating bumabalik na ay ang galing pala ni ganito.
“I mean, yes, dati silang mga artista, dating mga award-winning actors din yung mga yun. Of course, they’re good, di ba?
“Pero ngayon lang sila naa-appreciate niyan because now, may social media na, may internet ka, so easy access na dati’y wala,” saad ni Mark.
Abala si KML sa trabaho niya bilang COO ng TIEZA o Tourism Infrastructure and Enterprise Zone Authority, pero nakakapag-taping siya kung weekend.
Kaya wala siya sa grupo ni Coco, at nasa ibang unit siya naka-assign dahil hindi kaya ng schedule niya ang MWF na taping.
Sa Biyernes at Sabado lang siya pupuwede sa may side daw ni Julia Montes.
Read: October 2026 Awards Rush: Golden Screen, Urian, FAMAS, Star Awards, PASADO
JERRY OLEA
Nagdo-double date ba sina Coco Martin, Julia Montes, Tanya Garcia, at Mark Lapid?
“Ahh minsan, may ganun kami. May outing kaming magkakasama,” pag-amin ni Mark.
“But right now, hindi pa kami nakapagkita uli because medyo busy nga. Lalo na sila na ang production ng Sigabo, di ba?
“So, sila na ang nagpo-produce. Medyo busy talaga.”
May time ba siyang gumawa ng pelikula?
Mabilis na sagot ni Mark: “Wala, wala. Parang hindi ko na kaya. Hindi na kaya ng oras. Sa teleserye na lang.”
MARK EXPLAINS WHERE TRAVEL TAX GOES
Puspusan ang trabaho ni Mark sa TIEZA o o Tourism Infrastructure and Enterprise Zone Authority.
“Ang amin, travel tax goes to, let’s say, kamukha niyan, we have some projects na may malalaking issues for sanitation,” lahad niya.
“Like El Nido, Coron, Siargao, Baguio. So yang mga yan, nilalaanan namin ng infrastructure support, let’s yung water system and the sewage treatment facility or STP [Sewage Treatment Plant].
“Ahh, so yan yung mga binibigyan namin ng mga projects. And then, rehabilitation ng Burnham [Park]. Expansion of their water system to cater for tourists and the hotel. Sa electricity.”
Tinututukan din nila ang pag-rehabilitate sa domestic airports, ka-partner ang CAAP o Civil Aviation Authority of the Philippines.
“We’re rehabilitating ten domestic hospitals. No, domestic airports, sorry!” bulalas ni KML.
“Not hospitals. Ten domestic airports, so iyon yung mga ginagawa namin… nasa isip ko kasi, dahil mukhang ospital kasi yung mga domestic airport.
“So, inaayos ho namin siya. So nire-rehab namin. CAAP submitted the ten airports na kailangan.
“So this includes the full rehabilitation of the terminals, and then removing the color-coded scheme. Di ba, red yung si Air Asia, blue si PAL.
“So uniformity with all the domestic terminals, including of course the rest rooms. Those are the priorities. Wheelchairs. Pushcarts. Gang chair. Monitor system.
“Yung mga yon, including conveyor. And then putting up STP on all domestic terminals. So these are some.
“And then yung iba, nilalagyan din namin ng esplanade, boardwalk. Let’s say in Bohol. Alona Beach, we put a seawall.
“And then naglagay din kami ng floating ducks. Kasi ang nangyayari, all boatmen are docking on the shores. So ngayon meron na sila separate.
“And the tourists, hindi na kailangang maglakad sa tubig. So, those are some of the things na ginagawa namin, including minsan pati pagpapailaw doon sa madidilim na tourist areas na walang nai-provide ang DPWH. So, kami na ang pumapasok to provide.”
Bahagi raw ito sa project nilang Institutionalized Leveraging Infrastructure Program on Airport Developlement o ILIPAD.
Ang domestic airports na aayusin nila ay sa Butuan, Zamboanga City, Tuguegarao City, Siargao, Surigao del Norte, Roxas City sa Capiz, Pagadian City, Laoag sa Ilocos Norte, Kalibo sa Aklan, Dumaguete, Negros Oriental, at Calbayog, Samar.
“Yung Caticlan, hindi namin puwede ayusin because it’s privatized. So the Kalibo airport is the one na government,” sambit ni KML.
“Yun ang mga ginagawa namin, including seaports, inaayos din together with PPA [Philippine Ports Authority]. Yun ang mga collaboration namin. Sa kanila kasi yung mandato na yun.
“So, kami yung mga parang tourist facility or waiting center for tourists, passengers, na nagke-cater for ships or anything. So, yun ang mga ginagawa namin.
“Saka daungan para sa scuba diving… sa iba’t ibang dive destinations. Like sa Boracay, Coron, Anilao, Dauin in Negros Oriental, just to name a few.”
Read: Former actor Paulie Yllana opens up about health crisis, financial struggles