GORGY RULA
Hulyo 15, 2026, Miyerkules, nag-open sa local cinemas ang epic fantasy na The Odyssey.
Makalipas ang dalawang linggo, nag-open naman sa ating mga sinehan noong Hulyo 29 ang Spider-Brand New Day.
Buong buwan ng Hulyo 2026 na walang bagong pelikulang Pinoy sa local cinemas.
Five weeks na tagtuyot. First time iyon sa kasaysayan.
Ayon sa Box Office Mojo, umabot na sa $2.04B ang worldwide gross ng Spider-Man: Brand New Day, samantalang yung The Odyssey ay naka-$1.302B.
Ang “Odyssey-Man” ang pinakamalakas so far this year.
Ang tatlo pang Hollywood tentpole na lumampas sa $1B-milestone ay Toy Story 5 with $1.116B, Michael with $1.016B, at The Super-Mario Galaxy Movie with $1.013B.
SPIDER-MAN AND THE ODYSSEY AT PH BOX OFFICE
Ayon naman sa source ng PEP Troika, sa Pilipinas ay malapit nang maka-PHP1.3B ang Spider-Man: Brand New Day, samantalang yung The Odyssey ay humigit-kumulang PHP400M.
Marami raw sa foreign films na ipinalabas sa Pilipinas ang mahihina rin. Ibig sabihin, nasa content talaga.
Read: Joey Reyes reacts to Spider-Man, The Odyssey box-office success
NOEL FERRER
Noong Agosto 5, 2026 ay ipinalabas na sa ating mga sinehan ang horror movie na Rosario, na ang original playdate ay Abril 22.
Agosto 6-18 ang Cinemalaya 22: Reel Reflections. Labintatlong araw ito.
Ang opening film na Enjoy Your Stay ay ipinalabas noong Agosto 6, Huwebes ng gabi, sa prime venue ng filmfest na Shangri-La Plaza, Mandaluyong City.
Ipinalabas ang siyam na full-length films at dalawang set ng short films ng Cinemalaya 2026 sa apat na sinehan ng Shangri-La Plaza; apat na sinehan ng Gateway Cineplex 18, Cubao, Quezon City; at sa select Ayala Malls (Ayala Malls Manila Bay, Glorietta, Ayala Malls Circuit, Market! Market!, at Trinoma) mula Agosto 7, Biyernes hanggang Agosto 16, Linggo.
Noong Agosto 17, Lunes ay yung Top 4 sa takilya na lang ang ipinalabas — 2 Valid IDs, Status: Rejected, Mag-iina, at Tayo Lang Ang Nakakaalam.
At noong huling araw ng filmfest, Agosto 18, Martes, ay ipinalabas ang award-winning films.
Kabilang dito ang tatlong full-length films na 2 Valid IDs, Status: Rejected, at Mag-iina, na may ka-back-to-back sa apat na short films na Para-paraan, Elenita Elena Elaine, Silkscreen, The River Flows in Different Places.
Ang lima pang full-length films sa Cinemalaya 2026 ay A.ni.mal, Hand of God, Tirik, Kaka Sa Yawan, at Ganggang.
Ngayong Agosto 20, Huwebes, ay ibinalita ni Ferdy Lapuz sa Facebook na status: accepted agad-agad ang Status: Rejected sa isang prestigious festival.
Coming soon ang international premiere ng 69-anyos na si Virginia Divinagracia (karakter ni Ruby Ruiz)!
Abangan natin kung rarampa rin sa ibang bansa ang magsasakang si Maria Sylvia, yung karakter ni Marietta Subong o Pokwang sa 2 Valid IDs.
Tabla sina Marietta at Ruby bilang best actress sa katatapos na Cinemalaya.
Read: Pokwang and Ruby Ruiz: Cinemalaya 2026’s "Nora-Vilma"
JERRY OLEA
Noong Agosto 12, 2026, Miyerkules ay walang pelikulang Pinoy na nag-open sa local cinemas.
Sa halip, pitong foreign films ang ipinalabas.
Ang mga ito ay The End of Oak Street, Just Javier, Blue Lock, Nimrods: A Green Day Comedy, The Devil Beneath, KATSEYE: Wild Hearts, at ang Chinese film na Dear You na so far ay $290M na ang global gross ayon sa Box Office Mojo.
Noong Agosto 19, Miyerkules, ay dalawang Pinoy movies ang nag-open sa ating mga sinehan — ang HB2ME nina Elijah Canlas at John Arcilla, at ang Senior Moments nina Tessie Tomas, Noel Trinidad, at Nova Villa.
Apat na foreign films ang kasabay ng mga ito — Insidious: Out of the Further, Kung Fu Soccer, The End of Days, at Sacrifice.
Ayon sa source ng PEP Troika, yung midnight screening pa lang ng Insidious: Out of the Further ay naka-PHP21M na.
Deklara ng Columbia Pictures, ang Insidious: Out of the Further na ang may hawak ng record bilang "biggest opening day all time for horror in the Philippines." Naka-PHP51.8 sa unang araw ng showing nito.
Bukas, Agosto 21, Biyernes, ihahayag ng Film Academy of the Philippines (FAP) ang walong Pinoy films na na-shortlist para maging aspiring entry ng bansa sa 99th Academy Awards o Oscars na gaganapin sa Marso 14, 2027 sa Dolby Theater sa Hollywood, Los Angeles, CA, USA.
Sa first week of September naman nakatakdang i-announce kung alin ang napili ng selection committee.
Read: Teachers slam Claire Castro’s remarks on teachers after deadly Ateneo shooting
NEXT ATTRACTION
Sa Agosto 26 ang showing ng pelikulang Filipiñana ni Jorrybell Agoto, at Ang Pinakamasarap na Pares sa Balat ng Lupa nina Pepe Herrera at Jerald Napoles.
Ipagdiriwang ang 6th Philippine Film Industry Month (PFIM) sa Setyembre, at punong-abala rito ang Film Development Council of the Philippines (FDCP).
Ang tema ay “50 Years of the Second Golden Age of Philippine Cinema.”
Opening film ng 6th PFIM ang Tinimbang Ka Nguni’t Kulang (1974) ni National Artist Lino Brocka, samantalang closing film ang Sister Stella L. (1984) ni Mike de Leon.
Nasa September 2 playdate ang Saving Cherry, samantalang nakapuwesto sa September 9 ang Poon, at Life After You.
Nasa September 16 playdate ang EDJOP at Silenced Nights, samantalang nasa September 23 ang Plump Blossom at Forgotten Island.
September 30 ang playdate ng Always Yours, Never Mine nina Joshua Garcia at Julia Barretto.
Samantala, Oktubre 7 ang playdate ng Mantsa nina Pilar Pilapil, Gelli de Belen, Khai Flores, at Shira Tweg.
3rd PUREGOLD CINEPANALO FESTIVAL
Setyembre 23-Oktubre 4 ang 3rd Puregold CinePanalo Festival sa Gateway Cineplex 18, Ayala Malls Feliz, TriNoma, Fairview Terraces, Ayala Malls Circuit, Ayala Malls Manila Bay, at Market! Market!.
Ang pitong full-length films na kalahok dito:
APOL OF MY AI nina Zanjoe Marudo, Rochelle Pangilinan, Zion Cruz, Mads Nicolas, at Kat Galang
BEAST nina John Arcilla, Ruslan Jacob, Candy Pangilinan, at Karl Medina
MONO NO AWARE nina juan karlos, Perry Dizon, at Momoko Kobayashi
MULTWOH: PATAY NA PATAY SA 'YO nina Sassa Gurl, Joao Constancia, John Lapus, Iyah Mina, at Phi Palmos
PATAY GUTOM nina Khalil Ramos, Ian Pangilinan, Agot Isidro, at Cris Villanueva
STUCK ON YOU nina River Joseph at Xyriel Manabat
WANTAWSAN nina Joross Gamboa, Rita Daniela, Zion Cruz, at Alwyn Uytingco
MMFF 2026
Sa Setyembre 30, Miyerkules ng 5:00 P.M. ang deadline ng finished film submission para sa MMFF 2026.
Ang unang apat na pelikulang pumasok sa MMFF 2026 ay napili base sa script.
Ang mga ito ay The Greatest Showdown, Amir, Haunted Carnival, at 2nd Miracle in Cell No. 7.
AWARS SEASON
Sa Oktubre 25 ang 42nd PMPC Star Awards for Movies, samantalang sa Oktubre 27 ang 74th Awards Night ng FAMAS.
Nawa’y hindi makasabay ng alinman sa dalawang ito ang 50th Gawad Urian na sa Oktubre rin nakatakda, at gaganapin muli sa De La Salle University sa Taft Ave., Manila.
Yung pagpaparangal ng AKTOR-League of Filipino Actors sa mga artista ay nakatakda sa Nobyembre.
Ang pagbabalik ng Luna Awards ng Film Academy of the Philippines ay nakatakda sa unang linggo ng Disyembre.
UPCOMING MOVIES
Malamang na Nobyembre ang playdate ng pelikulang Remember nina Dingdong Dantes at Marian Rivera.
Disyembre 16 magpapasiklab sa local cinemas ang dalawang tentpole na Avengers: Doomsday at Dune: Part Three.
Ang Avengers: Doomsday ay sequel sa Avengers: Endgame (2019).
Ito ang ika-39 pelikula sa Marvel Cinematic Universe (MCU).
May predictions na lalampasan ng Avengers: Doomsday ang kinita ng Spider-Man: Brand New Day.
Kung magkakatotoo iyon, first time sa kasaysayan na dalawang pelikulang ipinalabas sa isang taon ang lalampas sa $2B ang worldwide gross.
Ayon sa Box Office Mojo, so far ay walong pelikula pa lamang ang lumampas sa $2B ang worldwide gross, at wala pang naka-$3B.
Avatar, $2.924B, ini-release noong 2009
Avengers: Endgame, $2.799B, ini-release noong 2019
Avatar: The Way of Water, $2.334B, ini-release noong 2022
Ne Zha 2, $2.271B, ini-release noong 2025
Titanic, $2.265B, ini-release noong 1997
Star Wars: Episode VII - The Force Awakens, $2.071B, ini-release noong 2015
Avengers: Infinity War, $2.052B, ini-release noong 2018
Spider-Man: Brand New Day, $2.04B, ini-release ngayong 2026
Read: Martin del Rosario, Bituin Escalante, child stars shine at Cinemalaya 2026