GORGY RULA
Dalawang pelikula ni Direk Adolf Alix Jr. ang pasok sa 48th Moscow International Film Festival na nagsimula noong Abril 13, 2026, Lunes, at magtatapos sa Abril 23, Huwebes.
Naimbitahan for world premiere ang mga pelikula niyang Pila at Poon.
Nakatakdang i-screen doon ang Pila bukas, Abril 17, at ang Poon naman ay sa Abril 21.
Hindi lang daw makakadalo si Direk Adolf dahil hindi pa rin natatapos ang giyera sa Middle East.
“Hindi po ako a-attend. Medyo dahil po sa situation ng mga cancellation ng flights.
“May pre-production din po ng digital series that I will do for GMA,” text ni Direk Adolf sa PEP Troika.
JACKY WOO ON DOING PROJECTS IN THE PHILIPPINES
Nakapanayam din namin ang Japanese actor/director/producer na si Jacky Woo noong Linggo, Abril 12, sa set ng ginagawa niyang vertical drama na I’m Living with a Gangster.
Excited daw siya nang natanggap niya ang imbitasyon para sa 48th Moscow International Film Festival.
Gustung-gusto raw sana niyang dumalo pero hindi lang pumuwede sa schedule niya sa Pilipinas at may commitments din daw siya sa Japan.
Si Jacky ang producer ng Pila, at natutuwa raw siya sa mga nagawa niya dito sa Pilipinas.
Director kasi siya sa Japan, at ang dami na pala niyang nagawang pelikula at iba pang content doon.
Pero dito sa Pilipinas ay artista siya, at nagpo-produce na rin ng pelikula.
Ang latest na prinodyus niya ay itong I’m Living with a Gangster.
Masaya raw si Jacky sa ginawa niya sa GMA-7 historical drama na Pulang Araw.
Gustung-gusto niya ang kanyang role bilang Chikara Tanaka, ama ng karakter ni David Licauco.
“Gusto ko makagawa pa kagaya ng sa Pulang-Araw na karakter ko. Maganda, e. Gusto ko makagawa pa ng ganung project,” pakli ni Jacky sa wikang Hapon, na isinalin sa Tagalog ng kanyang interpreter.
Pero gusto raw niyang mag-produce pa ng pelikula o ng content, para kahit paano ay makakatulong siya sa movie workers na hirap nang makahanap ng trabaho.
“Pero pupunta muna ako ng Japan, kasi may gagawin pa akong movie doon na ididirek.
“Gusto ko bumalik pa dito, dahil magagaling ang mga Pinoy na gumawa ng movie dito,” sabi pa ni Jacky Woo.
Read: Actress Sue Prado dies at 44
NOEL FERRER
Ipinagmamalaki ni Jacky Woo ang mga pelikulang nagawa niya, lalo na ang idinirek ni Adolf Alix Jr.
Ginawa ni Jacky ang Death March noong 2013.
Naimbitahan ang pelikula para i-screen sa Un Certain Regard section ng Cannes International Film Festival.
Siya ang nag-produce ng naturang pelikula, at pati na itong Pila na pinagbidahan ni Gina Pareño.
Nagpapasalamat si Jacky at nakatrabaho raw niya si Gina at naidirek siya uli ni Direk Adolf.
“Maraming magagaling na direktor dito, kaya gusto kong gumawa dito. Sobra kong nirerespeto ang mga film workers dito sa Philippines,” sabi pa ni Jacky.
VERTICAL DRAMA
Ngayon ay nakatrabaho niya si Direk Jules Katanyag na nagsulat at nagdirek ng vertical drama na I’m Living with a Gangster.
Nagdidirek kasi si Jacky sa Japan kaya nakikita niya sa mga direktor dito sa Pilipinas na nailalabas daw ang totoong emotions niya.
“Iba-iba ang style e. Japan style at saka rin dito. Pero emotions, same pa rin. Ang gusto mong emotion, editing…
“Itong vertical drama na ito, napalabas ni Direk Jules yung emotion ko. Magaling si Direk Jules,” pinipilit na pagsasalita niya ng Tagalog.
Read: KC Concepcion opens up on blended family reality: I don’t fully belong
JERRY OLEA
Facebook post ni Direk Adolf Alix Jr. noong Abril 7, 2026: “A true icon never stops shining.
“The legendary Gina Pareño makes history with two films premiering at the prestigious Moscow International Film Festival this month, showcasing the incredible talent that has made her a pillar of Philippine Cinema.
“In a stunning display of range, Gina Pareño gives us two hauntingly different portraits of women:
"In PILA (Queue) — shot in one breathtaking, continuous long take, Gina portrays a woman desperately braving the lines of a government agency to secure financial aid for her sick husband and in POON (The Hallowed) — shifting gears into mystery, she plays a formidable matriarch who may be harboring a horrifying secret behind the death of her own husband.
“To witness her command the screen in such diverse roles is a testament to her enduring greatness. Like fine wine, Tita Gina only becomes better, bolder, and brighter with time.
“Salute!”
Maliban kay Gina Pareño, nasa cast ng Poon sina Ronaldo Valdez, Jaclyn Jose, Janice de Belen, Lotlot de Leon, Ara Mina, Bembol Roco, William Lorenzo, Elora Españo, Kristel Moreno, Rico Barrera, Allen Dizon, JC de Vera, Will Ashley, Kelvin Miranda, Joao Constancia, Martin del Rosario, at Jim Pebanco.
Read: Rob Sy breaks silence on bullying allegation against son, complaint filed by Alfred Vargas and wife