GORGY RULA
Ngayong 2026 ay nakatakda nang gibain ang naibentang bahagi ng ABS-CBN Compound sa Quezon City.
Kasama sa gigibain ang Dolphy Theater, ang teatro na ipinangalan sa yumaong Comedy King na si Dolphy at madalas pagdausan ng events ng Kapamilya network.
Ayon sa isa sa mga anak ni Dolphy na si Eric Quizon, aware ang kanilang buong pamilya na mawawala na ang Dolphy Theater.
“I know by August. Yeah! I was told. Wala na, naibenta na, e. So, gigibain talaga yun,” sabi ni Eric nang humarap sa ilang entertainment media sa grand opening ng JuanMeds Pharmacy sa Lemon Square, EDSA, Quezon City, noong Huwebes, February 12, 2026.
Read: Eric Quizon, baka "mag-walling" sa ide-demolish na Dolphy Theater
THE DOLPHY THEATER INSIGNIA
Sa pagkakaalam ni Eric ay magtatayo pa rin ng Dolphy Theater sa ABS-CBN Soundstage sa San Jose del Monte, Bulacan.
Aniya, “Alam ko kung may plans sila na ilipat yung theater doon. Kasi, dine-develop pa rin naman talaga nila yun.”
Gusto raw sanang hingin ni Direk Eric ang insignia na nakalagay sa labas ng Dolphy Theater kung saan may mukha ng namayapang Comedy King.
“Yung insignia, the signage? Hinihingi ko kay Tita Cory [Vidanes]. Sabi niya, ‘Tingnan natin, Eric, kasi baka gagamitin din namin yan.’
“They might put up another Dolphy Theater in Bulacan. So, may ganun naman sila.
“Sabi ko, 'Pagka ano, ha? Akin na lang yan,'” dagdag ni Eric.
Ang actor-director ang kinuhang endorser ng JuanMeds, kung saan nagustuhan daw niya ang tema na Pundasyon ng Tiwala ay Malasakit.
Meron silang riders na magde-deliver ng mga gamot na puwedeng orderin online.
Read: Eric Quizon reveals how adopted sister waived her 50% inheritance
NOEL FERRER
Ayon pa kay Eric Quizon, itutuloy pa rin nila ang matagal nang nakaplanong museum para sa kanilang ama.
“Kasi, meron kaming plano na magkaroon ng museum sa Calatagan [Batangas]. Basta soon! Most likely this year,” sambit niya.
Bakit sa Calatagan na sasadyain mo ang pagpunta roon?
“Kasi nandun yung property namin… para merong tour, di ba?
“Parang educational tour siya. We have a property there na merong space para makapagpatayo ng museum,” paliwanag ni Eric.
Makakatulong din daw na kasama sa itu-tour doon sa Calatagan.
“Nakaplano na siya. Kumpleto na siya. It’s just... construction na lang,” aniya.
Read: Veteran actress Vangie Labalan passes away at 83
JERRY OLEA
Kasama ni Eric Quizon sa grand opening ng JuanMeds Pharmacy ang chairman nitong si Rico Fernando M. Chico, na dati ring taga-ABS CBN.
Sabi ni Eric, malaki talaga ang bahagi ng ABS-CBN sa kanyang showbiz career.
Lahad niya: “I started my television career with them. My first television show was Loveli-Ness. I co-hosted with Alma [Moreno].
“In fact actually, this year… I started in the industry in 1986. I was 19. So this year is actually my 40th year in the industry. Forty years!”
Utang daw ni Eric sa ABS-CBN ang pagiging direktor niya, dahil doon siya nahasa sa pagdidirek.
Marami raw siyang hindi makakalimutan sa naturang network.
“Fond memories, marami. Ahhh, ABS-CBN also gave me my first game show. It lasted for almost eight years, Ready, Get Set, Go!.
“ABS is the one who gave me my first… it gave me the chance as a director.
“So my first directorial job was for Maalaala Mo Kaya, and then eventually, I was doing Maalaala, Once Upon A Time, and Star Drama.
“So, kumbaga, nag-switch talaga yung career ko from being just an actor, but to a director as well.
“To a point na puro pagdidirek na lang yung ginagawa ko,” saad ni Eric, na kasama sa pelikulang Until She Remembers na magso-showing sa local cinemas sa Pebrero 25.
Read: That's My Bae Kenneth Medrano diagnosed with testicular cancer; seeks help for surgery