GORGY RULA
Nagkaroon ng media conference para sa second season ng reality show ni Heart Evangelista, ang Heart World, na ginanap sa The Residences at the Westin Manila, Pasig City, noong Miyerkules, February 11, 2026.
Pagbabalik-telebisyon ito ni Heart.
Sobrang tuwa ng actress-fashionista nang nakita ang mga kilala niyang entertainment press. Sobrang na-miss daw niya ang mga kaibigan sa press.
“Alam mo, nami-miss ko kayo! Di ba, natatakot ako?!” bulalas ni Heart.
Hindi kami nakapagtanong kay Heart.
Nasala na ang mga itatanong sa kanya dahil tungkol lang sa bagong show ang pinag-usapan.
Nakabakod ang ilang staff pagkatapos ng question and answer para hindi na ma-interview si Heart.
Lumapit siya sa mesa namin para makipagtsikahan pa, pero hindi rin nagtagal dahil kailangan na raw niyang umalis.
Tila nabitin si Heart kaya nagyaya siyang magkikita-kita pa uli.
“Mag-inuman tayo one time,” pahabol na sabi ni Heart bago ito umalis.
Read: Paulo Avelino turns the tables on alleged home stalkers by posting their photo online
HEART EVANGELISTA AND HER MOTHER
Kasama ni Heart sa mediacon ang kanyang mommy, si Mrs. Cecile Ongpauco.
Sinasamahan na siya ulit ngayon ng kanyang ina, at hanggang sa Paris Fashion Week ay magkasama rin sila.
May special participation daw si Mommy Cecile sa Heart World, at isa raw ito sa kaabang-abang na episode.
Sabi ni Heart, “Well, definitely my mom is gonna give main-character vibe. Kasi, she was a character that I didn’t expect at all.”
Ang mga ina pa rin daw niya ang tinatawagan kapag nasa gitna ng mga pinagdadaanan sa buhay ang mga anak.
“I think may mga pinagdadaanan tayo na, at the end of the day, talagang nanay pa rin ang tatawagan at kakailanganin natin.
“Ngayon na bumalik na siya, there’s just so much to… that you didn’t expect that you will see,” sbai ni Heart tungkol sa kanyang mommy.
Abangan na lang daw ang kaabang-abang na episodes ng Heart World.
Mas open daw siya rito at mala-teleserye rin ang show.
“So much more. Para siyang multiple rollercoaster na masusuka kayo at some point.
“Kulang na lang buksan na at ipakita ko na yung intestines ko!” bulalas ni Heart.
Magsisimula ang Heart World Season 2 sa GMA-7 sa March 7. Mapapanood ito tuwing Sabado, 9:30 ng gabi.
Read: Dawson's Creek star James Van Der Beek dies at 48
NOEL FERRER
Gustung-gusto na raw ni Heart Evangelista bumalik sa pag-arte sa telebisyon o pelikula. Hindi lang daw talaga kakayanin ng schedule niya.
“Kahit miss na miss ko mag-soap, hindi namin masiksik yung soap sa schedule.
“So, bilang parang soap opera naman din yung buhay ko, e, di gawin na nating soap yung buhay ko.
“Ang daming plot twist, my God! I won’t expect that,” napangiting sambit ni Heart.
Kung drama lang daw ang hinahanap natin, tiyak na marami raw kadramahan dito sa Heart World.
“Ang moment ko sa second season kasi, hilung-hilo ako dun sa rollercoaster ride.
“So, medyo nag-let go. But I knew, when we were meeting for this, ‘Kailangan natin ng drama. Kailangan natin ng ganyan.’ E, wala nga akong drama.
“Nagulat sila sa plot twist, ang daming drama. So it’s very interesting this second season,” sabi pa ni Heart.
JERRY OLEA
Umaasa pa rin si Heart Evangelista na makakaarte siya uli. Hindi pa masabi kung isang drama series o pelikula.
“I do miss making movies and telenovelas, which we're still workin on something. We’re still waiting for the right cast. Right, Ms. Annette [Gozon-Valdes]?
“Pero nagmamadali na kami kasi alam ko nga na may shelf life lang ito. So, basta cut off ko 43! 44? 45? Walang cut off!
“Bahala na! Basta meron kaming sort of, like, an unspoken deadline 'til when can we seal that deal. But hopefully!” sabi ni Heart.
Pero sa ngayon ay ma-enjoy raw sana ng followers niya ang Season 2 ng Heart World. Mas marami raw kasing rebelasyon dito.
May binanggit din siyang special guest na kasabayan daw niya. Hindi lang niya binanggit ang pangalan.
Pero ang narinig namin ay si Angelica Panganiban daw ang tinutukoy ni Heart na isa sa special guests niya sa Heart World.
Aniya: “You’ll really see more of who I am, the people around me and even, like, I’m not gonna be gatekeeping my secrets, my work, everything, all the details.
“Mas makikita niyo. Not just me but kunwari those who are curious about… this is a different kind of job, e.”
Sa Pebrero 14, Sabado, Valentine’s Day, ay ika-41 kaarawan ni Heart.
At sa Pebrero 15, Linggo, ay 11th wedding anniversary nila ni Senator Chiz Escudero.
Read: Karla Estrada, inaming hindi pinapanood ni Daniel Padilla si Lella Ford sa PBB