NOEL FERRER
Sa pagtatapos ng 2025, sari-saring listahan ang naglalabasan at merong iba na nagiging award eklat pa nga, seeking legitimacy sa mga choices nila bilang pinakamahusay sa 2025.
Established film festivals like the Metro Manila Film Festival (MMFF), Cinemalaya and QCinema have their own choices.
There are also other film festivals like Sinag Maynila, Cine Panalo, and the new Cine Silip festival with their respective set of winners.
Iba rin ang pamantayan ng ibang award-giving bodies tulad ng Urian, Eddys, FAMAS, Star Awards, pati na ang mga nagbabalik na Luna at MMPress Awards.
Marami ring mga university at academe-based award-giving bodies like the Young Critics Circle, Gawad Tanglaw, PASADO, GEMS, at iba’t ibang school-based organizations.
Meron ding private companies na nagtatago sa pa-awards na gumagamit ng big words na "Global Excellence, Face of Success, Gawa Dangal, Most Influential, at Natatanging Bayani."
Kailangan nilang linawin kung sinu-sino ang kanilang organisasyon, ano ang kanilang hangarin, at paano namimili ng winners para malinaw ang basehan at kredibilidad ng pa-awards.
Kakatwang may magagarbong pa-dinner events, ha, at meron ding social media warriors na basta na lang nag-oopinyon, at iyung ibang walang harbas na nanlalait.
We won’t join that fray.
PEP Troika has established the year-end tradition of listing the most noteworthy film.
For PEP Troika’s Choices, the winners are properly documented and consistently covered throughout the year.
Sana talaga, tulad ng aming ibang piyesa, maging lunsaran ito ng higit pa, at mas masusi pang pagsusuri at pagtatasa ng mga pelikula at iba pang usaping pang -entertainment.
Read: Andrea Brillantes welcomes 2026 with rumored non-showbiz boyfriend
QUEZON
Ang Quezon ay historical film ng direktor na si Jerrold Tarog, at title role si Jericho Rosales.
Ipinalabas sa local cinemas noong Oktubre 15, 2025. Kontrobersyal. Polarizing. Kani-kanya ng sanaysay ang mga tagapagtanggol at kumokontra sa ikatlong pelikula sa bayaniverse ni Direk Jerrold.
Kagaya ng Heneral Luna (2015) at Goyo: Ang Batang Heneral (2018), tampok dito si Mon Confiado bilang Emilio Aguinald at si Arron Villaflor bilang fictional character na si Joven Hernando.
Kayhuhusay ng iba pang nagsiganap dito, kabilang sina Romnick Sarmenta, Karylle, Cris Villanueva, Bodjie Pascua, at Joross Gamboa.
MAGELLAN
Ang Magellan ay historical film ni Lav Diaz, at title role ang Mexican actor na si Gael Garcia Bernal. Ang running time ay 160 minuto.
Nag-world premiere sa 78th Cannes filmfest noong Mayo 18. Ipinalabas sa local cinemas noong Setyembre 10.
Ito ang ipinadala ng Film Academy of the Philippines (FAP) para panlaban sa kategoryang Best International Feature ng 98th Academy Awards o Oscars.
Gaya ng dati, ligwak ito sa shortlist ng 15 pelikula.
Ayon sa pelikula, kathang-isip lamang si Lapu-lapu. Hindi raw siya totoong tao.
BLOOM WHERE YOU ARE PLANTED
Ang Bloom Where You Are Planted ay documentary ng direktor na si Noni Abao. Nanalo itong Best Picture sa 21st Cinemalaya indie film festival noong Oktubre 3-12.
Makadurog-puso ang pagkakalahad ng kuwento ng tatlong land rights activists sa Cagayan Valley.
SUNSHINE
Ang Sunshine ay drama film ni Antoinette Jadaone, at title role si Maris Racal. Ipinalabas sa mga sinehan noong Hulyo 23. Nag-streaming sa Netflix noong Nobyembre 26.
Tinalakay ng pelikula ang abortion. Naikumpara sa Hinugot Sa Langit (1985), na pinagbidahan ni Maricel Soriano at dinirek ni National Artist Ishmael Bernal.
Ang Sunshine ay isa sa pitong pelikulang pinagpilian para ipadala sa kategoryang Best International Feature ng 98th Oscars.
Kasama sa cast sina Jennica Garcia, Elijah Canlas, Meryll Soriano, Xyriel Manabat, Rhed Bustamante, Angie Castrence, Angeli Bayani, at Piolo Pascual.
UNMARRY
Ang Unmarry ay drama film ng direktor na si Jeffrey Jeturian, at bida sina Angelica Panganiban at Zanjoe Marudo.
Second best picture ito sa ongoing 51st Metro Manila Film Festival (MMFF).
Humakot ito ng iba pang parangal para sa best director, best supporting actor (Tom Rodriguez), breakthrough performance (Zac Sibug), best screenplay (Chris Martinez and Therese Cayaba), best editing (Benjo Ferrer), at best float sa MMFF Parade.
Ang husay-husay rito bilang supporting actresses nina Eugene Domingo at Solenn Heussaff.
Co-producer sa pelikula si Luzviminda “Min” Bernardo, mommy ni Kathryn Bernardo.
I’MPERFECT
Ang I'mPerfect ay drama film ni Sigrid Andrea Bernardo, at bida sina Krystel Go at Earl Amaba na parehong may Down Syndrome.
Best picture ito sa MMFF 2025. Wagi si Krystel na best actress sa MMFF 2025; kinabog si Angelica Panganiban ng Unmarry. Nagtamo rin ng jury prize na best ensemble ang cast ng pelikula.
Kasama sa cast members na may Down Syndrome sina Angela Batallones, Carl Garcia, Javi Sarmiento, Jonathan Tilos, Bea Mendoza, Gio Dicen, Richelle Uy, at Royce Rivera.
Kabilang sa mga artistang sumuporta sina Lorna Tolentino, Janice de Belen, Sylvia Sanchez, Zaijian Jaranilla, Joey Marquez, at Tonton Gutierrez.
MANILA’S FINEST
Ang Manila's Finest ay ay crime drama film ni Raymond Red, at bida si Piolo Pascual.
Katabla ng Call Me Mother ang Manila's Finest bilang third best picture ng MMFF 2025.
Most awarded ang pelikula sa 51st MMFF Gabi ng Parangal. Nagwagi ito ng Gatpuno Antonio J. Villegas Cultural Award.
Ang iba pa nitong awards ay best cinematography (Raymond Red), best musical score (Frederik Sandoval and Emerzon Texon), best production design (Digo Ricio), best sound (Roy Santos), best original theme song ("Sandalan" by Vehnee Saturno), at best float.
Ang iba pang cast members ay sina Enrique Gil, Ashtine Olviga, Cedrick Juan, Dylan Menor, Ariel Rivera, Rico Blanco, Joey Marquez, Rica Peralejo, Kiko Estrada, Soliman Cruz, at Jasmine Curtis-Smith.
BAR BOYS: AFTER SCHOOL
Ang Bay Boys: After School ay drama film ni Kip Oebanda, at bida sina Carlo Aquino, Rocco Nacino, Enzo Pineda, at Kean Cipriano.
Isa ito sa walong kalahok ng MMFF 2025. Ito ay nagpanalo kay Odette Khan bilang best supporting actor.
Scene-stealer si Will Ashley, na nominadong best supporting actor. Nominated din si Will bilang best actor para sa isa pang MMFF entry na Love You So Bad.
Si Dustin Yu na lead actor din sa Love You So Bad, at nasa third episode ng Shake, Rattle & Roll: Evil Origins ay hindi nominado sa MMFF.
Nagpakilig sa Bar Boys: After School ang KeKlang tandem nina Kean Cipriano at Klarisse “Klang” de Guzman.
Read: Carla Abellana reacts to Janus del Prado's wedding cake meme
JERRY OLEA
Sisinghap-singhap na nga ba ang pelikulang Pilipino? Nasa transition period ba ang mga manonood, na mas gustong manood online kaysa magsadya sa mga sinehan?
Para sa PEP Troika, kabilang rin sa noteworthy Filipino films ng taong 2025 ang mga sumusunod:
CHILD NO. 82: ANAK NI BOY KANA
Ang Child No. 82 ay fantasy dramedy film ni Tim Rone Villanueva, at ang title role ay si JM Ibarra. Topgrosser sa 21st Cinemalaya noong Oktubre 3-12.
For this movie, waging best supporting actress si Rochelle Pangilinan-Solinap sa Cinemalaya. Aw!
Tampok din dito sina Irma Adlawan, Vhong Navarro, Dexter Doria, at Kai Montinola.
CALL ME MOTHER
Ang Call Me Mother ay comedy drama film ni Jun Robles Lana, bida sina Vice Ganda, Nadine Lustre, at Lucas Andalio.
Topgrosser ito sa 51st MMFF, at katabla ang Manila’s Finest bilang third best picture.
Ikasampung pelikula ito ni Vice Ganda sa MMFF, at nagbigay sa kanya ng first award bilang best actor.
Sinasabing best film ito ni Vice Ganda sa kanyang career. Ito rin ba ang “pinakamahina” sa takilya sa lipon ng mga pelikulang pinagbidahan niya?
HABANG NILALAMON NG HYDRA ANG KASAYSAYAN
Ang Habang Nilalamon ng Hydra Ang Kasaysayan ay existential drama film ni Dustin Celestino. Isa ito sa sampung full length feature films ng Cinemalaya 2025.
Sa awards night ng Cinemalaya ay tinanghal na best actor si Jojit Lorenzo, best actress si Mylene Dizon, at best supporting actor si Nanding Josef sa performance nila sa pelikulang ito.
Ang husay-husay rin dito nina Dolly de Leon at Zanjoe Marudo.
SOME NIGHTS I FEEL LIKE WALKING
Ang Some Nights I Feel Like Walking ay queer drama film ni Petersen Vargas. Bida sina Jomari Angeles, Miguel Odron, Argel Saycon, at Tommy Alejandrino.
Ipinalabas ito sa mga sinehan noong Agosto 27.
Ito ang mahigpit na nakalaban ng Magellan sa balitaktakan ng selection committee kung anong pelikula ang ipapadala para sa Best International Feature ng 98th Oscars.
FOOD DELIVERY: FRESH FROM THE WEST PHILIPPINE SEA
Ang Food Delivery ay documentary film ni Baby Ruth Villarama. Naligwak ito sa second Puregold Cine Panalo Film Festival, pero ipinalabas sa mga sinehan noong Agosto 13.
Isa ito sa pitong pelikulang pinagpilian para ipadala sa kategoryang Best International Feature ng 98th Oscars.
Eligible din ito sa kategoryang Best Documentary Feature Film ng 98th Oscars, ngunit laglag sa shortlist.
TIGKILIWI
Ang Tigkiliwi ay Hiligaynon dramedy ni Tara Illenberger, at isa sa pitong kalahok sa second Puregold Cine Panalo Film Festival noong Marso.
Nagwagi ito ng jury prize, best actress para kay Ruby Ruiz, best actor para kay JP Larroder, best supporting actress para kay Gabby Padilla, best supporting actor para kay Jeffrey Jiruma, best ensemble, at best screenplay.
OLSEN’S DAY
Ang Olsen's Day ay drama film ni JP Habac, at isa sa pitong kalahok sa second Puregold Cine Panalo Film Festival.
Nagwagi ito ng best director para kay JP Habac, best actor para kay Khalil Ramos, at best cinematography para kay Kara Moreno (katabla si Dominic Lat ng Journeyman).
Nagkamit din ng Mowelfund’s Special Citation.
Read: Showbiz personality, nagbilin pag may masamang mangyari sa kanya
GORGY RULA
Ayon sa Merriam Webster Dictionary, ang kahulugan ng adjective na noteworthy ay “worthy of or attracting attention especially because of some special excellence.”
Hindi porke noteworthy ay automatic na “the best.”
May kani-kanyang pamantayan ang bawat kritiko, kibitzer, o award-giving body.
Para sa PEP Troika, kabilang din sa noteworthy Filipino films of 2025 ang mga sumusunod:
SALVAGELAND
Ang Salvageland ay crime drama film ni Lino Cayetano, tampok sina Richard Gomez, Elijah Canlas, Mon Confiado, McCoy de Leon, Cindy Miranda, at Angela Morena.
Ipinalabas ito sa mga sinehan noong Nobyembre 26.
Maganda ang cinematography at may effort para maging gritty ang dating ng pelikula. Hindi man na-achieve ang inaasahang matinding aksyon at tensyon sa kabuuan ng pelikula, malaki ang naitulong ng epektibong pag-arte nina Elijah at Goma.
Sana, masundan pa ng mas magandang material, at pulidong script na ididirek ni Lino Cayetano.
MEET, GREET & BYE
Ang Meet, Greet & Bye ay family drama film ni Cathy Garcia-Sampana. Ipinalabas ito sa mga sinehan noong Nobyembre 12.
Ang huhusay ng limang pangunahing artista, pero umangat nang lubos si Joshua Garcia.
Tampok din dito sina Piolo Pascual, Maricel Soriano, Juan Karlos, at Belle Mariano.
CINEMARTYRS
Ang Cinemartyrs ay drama film na comeback vehicle ng direktor na si Sari Dalena.
Sa Cinemalaya 2025, nagkamit ito ng Special Jury Award, at best director si Sari.
Kasama sa cast sina Lav Diaz at National Artist Kidlat Tahimik. May shining moment si Raquel Villavicencio.
REPUBLIKA NG PIPOLIPINAS
Ang Republika ng Pipolipinas ay mockumentary ng direktor na si Renei Dimla, at bida si Geraldine Villamil bilang presidente ng isang micronation.
Kalahok iti sa Cinemalaya 2025 filmfest. Co-stars sina Alessandra de Rossi, Kakki Teodoro, at Natalie Maligalig.
SALUM
Ang Salum ay Hiligaynon drama film ng direktor na si TM Malones. Isa ito sa pitong kalahok sa second Puregold Cine Panalo Film Festival.
Wagi ng best picture, best production design, best sound design, at best musical scoring.
Bida sina Allen Dizon at Christine Mary Demaisip.
MADAWAG ANG LANDAS PATUNGONG PAG-ASA
Ang Madawag Ang Landas Patungong Pag-asa ay drama film ni Joel Lamangan.
Isa ito sa pitong full-length feature films ng seventh Sinag Maynila film festival noong Setyembre 24-30.
Nanalo ito ng best film, best actress para kay Rita Daniela, best production design, best screenplay, at best music.
DREAMBOI
Ang Dreamboi ay erotic psychological drama ng direktor na si Rodina Singh. Dalawang beses na-X ng MTRCB.
Topgrosser ito sa inagural Cine Silip Film Festival noong Oktubre 22-28.
Humakot ng walong tropeo sa gabi ng parangal, kabilang ang best film, best director, at best supporting actor (Migs Almendras).
May cameo sa Dreamboi si Sassa Gurl, na sa red carpet premiere ng movie ay nagmura sa MTRCB at inokray si MTRCB Chair Lala Sotto.
Nag-sorry kapagkuwan si Sassa Gurl.
Related Stories:
- REVIEW: Rekonek is a pretty fun ride
- REVIEW: Bar Boys: After School is a reunion worth attending
- REVIEW: Love You So Bad, a solid rom-com and not just fan service
- REVIEW: Unmarry is mature, sensitive look at the end of love
- REVIEW: Call Me Mother is Vice Ganda at his best
- REVIEW: Shake, Rattle & Roll: Evil Origins crackles with life and scares
- REVIEW: I’mPerfect, a movie with a massive heart
- REVIEW: Manila's Finest is visceral and deeply affecting