GORGY RULA
Totoo kaya itong nasagap ng PEP Troika mula sa umpukan ng advertisers na tinanggihan daw ni Sarah Geronimo ang endorsement ng isang food chain dahil hindi na siya kumakain doon?
Ayon sa kuwentong nakarating sa amin, wala raw nagawa ang Viva — na humahawak sa kanyang career — sa desisyon ng Popstar Royalty na tanggihan ang malaking offer ng isang sikat na food chain.
Matagal na raw kasing hindi kumakain ng karne si Sarah, na isa nang pescatarian tulad ng mister nitong si Matteo Guidicelli.
Ang mga pescatarian ay tanging gulay, isda, at seafood ang kinakain. Hindi sila kumakain ng karne.
Read: Mel Tiangco recalls heartbreak after Magpakailanman was axed in 2007
Dahil siyempre dapat may “truth in advertising,” hindi na siya puwedeng magkunwaring sarap na sarap siya sa chicken gayong hindi na pala niya ito kinakain.
Ang laking kadatungan ang pinakawalan dahil sa panibagong lifestyle nito.
NADINE LUSTRE REPORTEDLY REJECTS TO ENDORSE SOFTDRINKS
Hindi lang pala si Sarah. Pati raw si Nadine Lustre.
Isang sikat na softdrinks daw ang tinanggihan ni Nadine na i-endorse dahil din sa kanyang pagiging pescatarian.
At least, nagpakatotoo lang sila at hindi siguro nila maatim i-endorse gayung hindi naman nila ito sinusuportahan. Tama naman!
Read: Kim Chiu shuts down Kimerald reunion fantasy after fans' relapse
JERRY OLEA
Kaya nga naloloka raw ang taga-Viva dahil hindi biro ang malaking halagang pinakawalan nila.
Totoo bang worth PHP10M daw ang inaalok ng sikat na softdrinks, pero inayawan daw ito ni Nadine Lustre?
Hindi raw siya naniniwala sa produkto, kaya kahit malaki ang offer, “Sorry po talaga!”
NOEL FERRER
Ow, pinatutunayan lang nito na hindi pera o bayong lahat ng desisyon.
Ito’y naaayon talaga sa lifestyle at paninindigan nina Sarah at Nadine.
Income lost ito, pero at least better na rin ito kaysa sa ibang tumatanggap ng endorsement na hindi naman talaga nila ginagamit at tinatangkilik.
End point is, mapupunta itong grasya ng endorsement na ito sa tamang tao…. Sino kaya?
Read: Miss Guadeloupe hits back at Raul Rocha’s reason for Miss Côte d’Ivoire’s Miss Universe 2025 loss