JERRY OLEA
Naging tatay ni Elijah Canlas si Aga Muhlach sa teleseryeng Suntok sa Buwan na umere noong Hulyo-Disyembre 2022 sa TV5. Gumanap sila bilang mag-amang boksingero.
Sa pelikulang Salvageland na showing sa local cinemas umpisa Nobyembre 26, 2025, Miyerkules, tatay naman ni Elijah si Richard Gomez. Pumapel sila bilang mag-amang pulis.
Read: Kim Chiu shuts down Kimerald reunion fantasy after fans' relapse
RICHARD GOMEZ ON AGA MUHLACH
Magkaribal sina Aga at Goma bilang heartthrobs noong late ‘80s hanggang ‘90s. Naging magkaibigan sila at nagka-collab pa last year bilang celebrity ambassadors ng isang local tuna brand.
Noong 2019 ay kinilig ang netizens nang magkasama sa prom ang daughter ni Goma na si Juliana, at ang son ni Aga na si Andres.
Sa open forum matapos ang screening ng Salvageland noong Nobyembre 21, Biyernes, sa Fishermall Quezon City, sinabi ni Goma na magka-text sila lagi ni Aga.
Ipinagmalaki raw ni Goma kay Aga na maganda ang pelikula nila ni Elijah. Nagkayayaan pa raw silang gumawa ng movie together.
Pagtatapat ni Goma: “Ganun kami sa cinema, akala niyo magka-rival talaga kami. Pero hindi. Nag-uusap-usap kami. At nagtatawanan kami pag magkakasama kami.”
Sambot ni Elijah: “Yeah, in-invite ko si Kuya Aga a couple of days ago pero nasa dagat siya, e. Alam mo naman yung idol ko na yan, iba yan, e…
“But he promised to watch it and help us promote the film. Hanggang ngayon malakas pa ring sumuporta si Kuya Aga.
“And I’m really honored, and I know of the two, siyempre Richard Gomez, Aga Muhlach. Grabe ang mga pelikula.
“Mga classics. And up until now, di ba? Hindi mo ma-separate yung name nila from each other ga-prolific yung quality ng mga pelikula na ginawa nila.
“And even shows na ginawa nila, sitcoms and all. Ahhh like ingrained na yung legacy nila both.”
Read: Adult content creator Tina Slick, na-trauma sa pang-aabuso ng ex-boyfriend
ELIJAH ON WORKING WITH AGA AND RICHARD
Ipinagpapasalamat ni Elijah sa Panginoon na nabigyan siya ng oportunidad na makatrabaho sina Aga at Goma.
“I’m very honored and when I work, I don’t really think about these things, these intangible things,” sambit ni Elijah.
“Pero siyempre, deep down po sa akin, alam ko kung sino yung mga nakakatrabaho ko.
“And habang nagbabatuhan kami ng linya, mag-iyakan man kami, magsigawan kami, may kilig iyon sa akin. And there’s pressure.
“And I just want to deliver, not let them down because they agreed to work with me. So I don’t wanna let them down.
“And I hope I did not.”
Kasama rin sa Salvageland sina Mon Confiado, Cindy Morena, McCoy de Leon, at Angela Morena, sa direksyon ni Lino Cayetano.
Parehong nasa cast ng MMFF 2024 entry na Uninvited sina Aga at Elijah pero wala silang eksena roon na magkasama.
Streaming na sa Netflix umpisa ngayong Miyerkules ang pelikulang Sunshine ni Maris Racal.
Nasa cast din nito si Elijah, at gumanap dito bilang ama niyang pastor si Piolo Pascual.
Read: Ellen Adarna reveals why she exposed Derek Ramsay’s alleged cheating and abusive behavior
GORGY RULA
Ano ang tawag niya kay Richard Gomez off-cam? Tito Richard? Kuya Goms?
“Cong. Goma, baka mabatukan ako pag tinitu-tito ko siya!” natatawang tugon ni Elijah Canlas.
“Kasi I met Juliana [Gomez] first na rin, nagkasama kami sa isang photo shoot. And nagulat nga ako, naalala pa ni Juliana, but I met her first.
“So puwede nga, Tito nga. Puwedeng Tito. Pero may respeto ako kay Cong. Goma, e. So, maganda yung Cong. Goma.”
Nagkakausap sila kapag break sa shooting?
“Si Cong kasi, hindi matambay sa loob ng tent. Sa labas siya ng tent,” pagsisiwalat ni Elijah.
“Nandoon siya sa labas para open siya, puwede siyang kausapin anytime kahit ng crew. Nandoon lang siya.
“As in walang katabi minsan. Hindi naman marami yung chuwariwap ni Cong. Goma, e. As in literal, siya lang yung nandoon, e.
“So anytime, you can talk to him. Literally he’s open to conversation, advice. Ako, ang dami kong natutunan working with all these guys, especially kay Cong.
“Kasi ako din po, I aspire to try a lot of things in my life. Not just acting but maybe filmmaking. I’m making music.
“I love sports as well, pero ibang level ito siyempre, SEA Games athlete ito.
“Pero knowing that he did all of that, and he succeeded in every single day in one way or another, that just inspires me, you know.
“Na parang hindi yung pagiging bibo ang tawag doon, e. It’s something else. It’s something singular to a person na hindi lahat kayang gawin at hindi lahat, gustong gawin.
“And dahil narinig ko iyon kay Cong. Goma, at nakita ko siya kung paano siya magtrabaho, gaano niya kamahal yung ginagawa niya, gaano siya ka-energetic…
“And dahil nga madaming action scenes. Yung location namin, sa lahar. It was a challenging shoot.
“Pero never kong nakitang nagreklamo itong si Cong. Goma. Never! As in napaka-trouper sa lahat ng bagay na pinapagawa sa amin at ginagawa namin.
“Parang gusto ko lang lagi sine-share, nag-promo kasi ako buong araw, shinare ko sa lahat ng ginagawa ko.
“Na we were eating that one time, na laging may pa-chicken si Cong. Goma. Tapos nabanggit nina Direk Lino na they wanted to watch this play that I was doing, Dagitab.
“Earlier this year pa. Tapos sabi ni Cong. Goma, ‘May ginagawa kang play? Kailan iyan?’ ‘Bukas, Cong.’ ‘Nood kami ni Lucy,’ sabi ni Cong. Goma.
“Sabi ko, baka talksh*t. Baka ano lang, baka ano lang, sabi-sabi lang, di ba? Maraming mga ganyan, e.
“Pero he really showed up. And that means a lot to me, siyempre to an actor like me. And to someone who’s working with him.
“And parang nakaka-two days pa lang tayo, three days at that point. So, yung pressure and yung kaba, parang mas gumaan. Mas na-enjoy din namin yung process.”
Read: Direk Lino Cayetano at Richard Gomez, parehong nagbabalik sa pelikula
NOEL FERRER
Nag-work out si Elijah Canlas para sa karakter niyang pulis sa pelikulang Salvageland.
“Hindi lang halata, nag-work out ako for this! Kasi naalala ko lang, nung look test namin, sabi ko, ‘Shit! Ang payatot ko! Ang liit ko! Hindi ako kapani-paniwalang pulis!’” bulalas ni Elijah.
“So I have to work out… Marunong na naman akong bumaril, so extra training for that. Pero yung motor, yung bike, my mom hates bike, so nag-aral ako. First time kong mag-bike.
“Marunong na ako. Napahiya ako nung first take! Namamatayan ako. Pero natutunan ko naman eventually.”
Kasabay ng Salvageland na nag-open sa mga sinehan ngayong Miyerkules ang animated film na Zootopia 2, at ang horror movies na Keeper, KMJS’ Gabi ng Lagim The Movie, The Ghost Village, at Tharae The Exorcist.
Read: Miss Cote d'Ivoire Olivia Yacé steps down as Miss Universe Africa & Oceania