Donny, Belle, magkahiwalay pero parehong matagumpay ang projects

JERRY OLEA

Kahit nawalan ng prangkisa ang ABS-CBN Network, nagawa nilang pasikatin ang DonBelle tandem nina Donny Pangilinan at Belle Mariano.

Tatlong teleserye ang tinampukan ng DonBelle — He’s Into Her (2021), Can’t Buy Me Love (2023), at How to Spot A Red Flag (2024).

Nakadalawang pelikula sila, Love is Color Blind (2021) at An Inconvenient Love (2022).

Yung esports drama film na GG: Good Game na pinagbidahan ni Donny ay ligwak sa MMFF 2023, at hindi good ang resulta sa takilya nang ipalabas noong Enero 2024.

Hindi nag-promote si Belle ng indie movie na Huling Sayaw (2023) at kalunus-lunos ang indak niyon sa box office. After How to Spot A Red Flag ay may kani-kanyang project sina Belle at Donny, at parehong matagumpay iyon.

Kasama si Belle sa pelikulang Meet, Greet & Bye na ipinalabas sa mga sinehan umpisa Nobyembre 12, 2025.

Ayon sa ABS-CBN, as of November 21, Friday ay mahigit PHP175M na ang global gross ng nasabing family drama na bida rin sina Joshua Garcia, Piolo Pascual, Maricel Soriano, at Juan Karlos.

Magso-showing na rin ang Meet, Greet & Bye sa Singapore, Hong Kong, at Macau kaya gaya ng nasabi namin before, malamang sa alamang na lumampas sa PHP200M ang worldwide gross nito.

Samantala, noong Nobyembre 21, Biyernes ay nag-streaming na sa Netflix ang Roja na bida sina Donny Pangilinan at Kyle Echarri.

Kasama sa Roja sina Maymay Entrata, Lorna Tolentino, Janice de Belen, Joel Torre, at Raymond Bagatsing.

Ngayong Nobyembre 23, Linggo ay nanguna ang Roja sa talaan ng Top 10 TV Shows ng Netflix Philippines.

Nakakatuwa dahil gawang-Pinoy rin ang number 1 sa talaan ng Top 10 Movies ng Netflix PH, ang Flower Girl ni Sue Ramirez.

The last days before na parehong gawang Pinoy ang topnotcher na pelikula at TV show sa Netflix ay nang umariba ang pelikulang The Delivery Rider ni Baron Geisler at ang What Lies Beneath noong Pebrero 24, 26, at 27.

Kasama sa dalawang project na iyan si Jake Cuenca.

NOEL FERRER

Sa Pinoy Big Brother: Lucky 7 noong Hulyo 11, 2016-Marso 5, 2017, big winner si Maymay Entrata, runner-up si Kisses Delavin. third place si Yong Mohajil, at fourth place si Edward Barber.

Naging magka-loveteam sina Maymay at Edward. Itinambal si Kisses kay Donny Pangilinan.

Eventually ay binuwag ang mga tandem na iyon. At ngayon, sa Roja, magkasama sina Maymay at Donny.

Posible kayang maging magka-tandem in the future sina Edward at Kisses?

Ang logline ng Roja, “As a hostage crisis unfolds at his parents' resort, Liam must team up with his friend-turned-enemy and put aside old grudges to protect their loved ones.”

Eighty (80) episodes ang Roja. Ang last eight episodes nito ay mag-i-streaming sa Marso 2026.

Maliban sa Roja, ang isa pang gawang-Pinoy na nasa Top 10 TV Shows ng Netflix PH ay ang What Lies Beneath kung saan tampok sina Sue Ramirez at Jameson Blake na magkasama rin sa pelikulang Flower Girl.

Nasa What Lies Beneath din sina Janella Salvador, Charlie Dizon, JM de Guzman, Jake Cuenca, at ang daughter ni Janice de Belen na si Kaila Estrada. Isandaang (100) ang episodes ng What Lies Beneath.

Sa Marso 2026 mapapanood ang last three episodes nito. Interesting subaybayan ang puwesto ng Roja at What Lies Beneath sa Top 10 TV Shows.

Sa Nobyembre 27, Huwebes ng 9:00 A.M. ay streaming na sa Netflix ang Season 5 ng Stranger Things. Masusubukan dito ang lakas ng Roja nina Donny at Kyle.

Ang Top 10 TV Shows in the Philippines Today sa Netflix:

1. Roja
2. Dynamite Kiss
3. Last Samurai Standing
4. As You Stood By
5. What Lies Beneath
6. Physical: Asia
7. One Shot with Ed Sheeran
8. My Hero Academia
9. Secrets of the Silent Witch
10. The Beast in Me

GORGY RULA

Three consecutive days nang number 1 ang Flower Girl ni Sue Ramirez sa talaan ng Top 10 TV Movies ng Netflix Philippines, mula Nobyembre 21, Biyernes, hanggang Nobyembre 23, Linggo.

Kasabay ng Flower Girl na nag-streaming ang Honor Thy Father ni John Lloyd Cruz. Three consecutive days na rin itong nasa pampitong puwesto.

Simula Nobyembre 20 ay ligwak na sa Top 10 Movies ng Netflix PH ang The Delivery Rider nina Baron Geisler at Jake Cuenca, at ang Lasting Moments nina Sue Ramirez at JM de Guzman.

Hunyo 10, 2025, nag-umpisa ang Netflix streaming ng KPop Demon Hunters, ang most popular movie sa kasaysayan ng Netflix.

Noong Nobyembre 14, Biyernes naligwak ang KPop Demon Hunters sa listahan ng Top 10 Movies ng Netflix PH. Bumalik ito sa Top 10 list noong Nobyembre 15-17. Nalaglag muli noong Nobyembre 18-21. Bumalik muli kahapon at ngayon.

Sa Nobyembre 26, Miyerkules ay streaming na ang Sunshine ni Maris Racal.

Sa Disyembre 4 ang streaming ng Sana Sinabi Mo ni Juan Karlos. At sa Disyembre 11 ang streaming na horror movie nina Sid Lucero at Bea Binene na Posthouse.

Ang Top 10 TV Movies in the Philippines Today sa Netflix:

1. Flower Girl
2. In Your Dreams
3. The Greatest Showman
4. Champagne Problems
5. 13 Hours
6. Frankenstein
7. Honor Thy Father
8. Big World
9. Kill Bill Vol. 1
10. KPop Demon Hunters