JERRY OLEA
Natuloy kahapon, Nobyembre 12, 2025, Martes ng 3:00 P.M., ang dialogue sa pagitan ng Team Dreamboi at MTRCB.
Kaugnay ito sa pagmumura ni Sassa Gurl sa MTRCB sa red-carpet premiere ng pelikulang Dreamboi noong Oktubre 22, Miyerkules sa Market! Market!, Taguig City.
Ang Dreamboi ay isa sa pitong kalahok sa 1st CineSilip Film Festival.
Tampok dito sina Tony Labrusca, EJ Jallorina, Jenn Rosa, Migs Almendras, at Sassa Gurl, sa direksyon ni Rodina Singh.
Dalawang beses itong na-X ng MTRCB.
Read: Dreamboi, dalawang beses na-X ng MTRCB bago nabigyan ng R-18
Sa announcement ng pitong finalists sa Puregold 2026 CinePanalo Film Festival noong Oktubre 25, Sabado, sa Gateway Cineplex 18 sa Cubao, Quezon City, humingi na ng paumanhin si Sassa Gurl sa MTRCB.
Oktubre 27, Lunes, ang awards ceremony ng inaugural CineSilip filmfest. Ginanap iyon sa Viva Cafe sa Cubao, at humakot ng walong tropeo ang Dreamboi.
Wagi ang Dreamboi sa mga kategoryang best film, best director (Rodina Singh), best supporting actor (Migs Almendras), best cinematography (Malay Javier), best editing (Arnex Nicolai), best production design (Chips Dai Abando), best sound (Immanuel Varona & John Buquid), at Audience Choice Award.
Read: CineSilip Film Festival: Highlights and sidelights
MTRCB SUMMONS VIVA FOR A DIALOGUE
Oktubre 31, Biyernes, naglabas ng press release ang MTRCB na ipinatawag ng ahensya ang Viva Communications, Inc. para sa isang dayalog sa Nobyembre 4, Martes kaugnay sa pagmumura ni Sassa Gurl sa Dreamboi premiere.
Oktubre 23 ang petsa ng liham na ipinadala kay Viva President Vincent G. del Rosario, kung saan sinabi ng MTRCB na layunin ng pagpupulong na itaguyod ang pagkakaunawaan at ang pagiging responsable sa mga pampublikong kaganapan.
Noong araw ring iyon ay nag-post si Direk Rodina sa X: “There are 2 kinds of award.
“There’s that award na pinaparangalan ka, and there’s that award na pinapangaralan ka.
“So maaawardan ang ate mo kasi nagalit ang guidance office bakit daw nagmura sa premiere [four crying emojis]
“Lagot nalang talaga hindi talaga pwedeng ibirit ang pahinga haha”
Noong gabing iyon ay nabalitaan naming postponed ang November 4 meeting.
Read: MTRCB, ipinatawag ang Viva dahil sa pagmumura ni Sassa Gurl
GORGY RULA
Pinost ni CineSilip festival director Ronald Arguelles sa Facebook stories niya ang meeting ng Team Dreamboi with MTRCB.
Kasama ni Ronald sa litrato sina MTRCB board member Eloisa Matias, MTRCB Chair Lala Sotto, at Boss Vincent del Rosario Jr. ng Viva.
Present din sa meeting si Direk Rodina pero hindi siya nakasama sa group photos.
Nagkukumahog na kasi si Direk Rodina para humabol sa premiere ng Afam Wives sa Makati City.
Post ni Direk Rodina kagabi sa X: “Andami nangyari today. Una, Premiere night ng AFAM WIVES CLUB! OUR NEW SHOW ON IWANT!
“Second ay naganap na ang dialogue between dreamboi and MTRCB hahaha
“Tapos ngayon papunta nakong airport.”
Hindi naka-attend si Sassa Gurl sa MTRCB dialogue.
Ayon sa source ng PEP Troika, OK si Sassa Gurl noong 1:00 P.M. ang dialogue.
Nang ilipat sa 3:00 P.M. ang dialogue ay hindi na pumuwede si Sassa Gurl.
All’s well that ends well.
Sabi pa ng source ng PEP Troika, super-friendly yung meeting ng Team Dreamboi with MTRCB Chair Lala Sotto and board members.
Facebook friends na sina MTRCB Chair Lala at Direk Rodina!
May special screening ang Dreamboi sa Nobyembre 15, Sabado ng 7:00 P.M. sa Ayala Central Bloc Cebu.
May talkback session dito with Direk Rodina and Tony Labrusca. Sold out ito!
Sa Nobyembre 24, Lunes ng 6:30 P.M., ay may special screening naman sa UP Film Center ang Dreamboi to commemorate Transgender Day of Remembrance.
Read: AJ Raval, umaming lima na ang anak; tatlo kay Aljur Abrenica
NOEL FERRER
Tuluy-tuloy ang mga ganap sa Movie and Television Review and Classification Board (MTRCB) na naka-40 taon na noong nakaraang Oktubre 5.
Pinangunahan ni MTRCB Chairperson at CEO Lala Sotto ang panunumpa sa tungkulin nina Juan “Johnny” Revilla bilang bagong Vice Chairperson at Jose Emeterio “Joey” Romero IV bilang bagong Board Member ng Ahensiya noong Nobyembre 11, Martes, sa Nida Blanca Conference Room ng MTRCB.
Nobyembre 7 nang lagdaan ni Pangulong Ferdinand R. Marcos, Jr. ang appointment papers ng dalawa.
Si Johnny Revilla ay isang respetadong aktor sa pelikula at telebisyon.
Si Joey Romero ay isang direktor sa pelikula at anak ng yumaong Pambansang Alagad ng Sining sa Pelikula na si Eddie Romero.
Bago nito, naging MTRCB Board Member na si Direk Joey noong 2000-2005 at napabalik noong 2011-1018.
Kasalukuyang miyembro si Direk Joey ng Executive Committee ng Metro Manila Film Festival simula 2023 at nagsilbing miyembro ng MTRCB Appeals Committee sa ilalim ng Tanggapan ng Pangulo mula 2024.
Tiwala si Chair Lala na ang dalawa ay makapagbibigay ng malaking kontribusyon sa pagpapatibay ng mandato ng Ahensya.
“Nagpapasalamat tayo sa pagkakahirang nina Vice Chairperson Johnny Revilla at Board Member Direk Joey Romero sa MTRCB.
“Ang kanilang malawak na karanasan sa media, pelikula at serbisyo publiko ay tiyak na magiging mahalagang bahagi sa pagpapatatag ng ating mga programa at adbokasiya para sa Responsableng Panonood,” sabi ni Chair Lala.
Nagpasalamat din si Chair Lala kay dating Vice Chairperson Atty. Paulino Cases Jr. sa kanyang di “matatawarang dedikasyon at serbisyo sa ahensya.”