JERRY OLEA
Dalawang araw nang number 1 ang Untold (2025) sa Top 10 Movies in the Philippines Today sa Netflix.
Bida sa Regal horror movie na ito si Jodi Sta. Maria, kasama sina Joem Bascon, Juan Karlos Labajo, Gloria Diaz, Mylene Dizon, Sarah Edwards, at Lianne Valentin, sa direksyon ni Derick Cabrido.
Ngayong Agosto 2, 2025, Sabado, ay pasok na rin sa Top 10 Movies ng Netflix Philippines ang Mga Mister ni Rosario (2018), starring Joross Gamboa and Kate Alejandrino, directed by Alpha Habon.
Tatlong 2025 Pinoy movies ang kasado nang mag-streaming ngayong Agosto—ang The Last Goodbye sa Agosto 12, Isolated sa Agosto 14, at One Hit Wonder sa Agosto 21.
Bida sa The Last Goodbye sina Daniela Stranner at Matt Lozano, sa direksiyon ni Noah Tonga.
Tampok sa horror movie na Isolated sina Yassi Pressman at Joel Torre, sa direksiyon ni Benedict Mique.
At magkatambal sa One Hit Wonder sina Sue Ramirez at Khalil Ramos, sa direksiyon ni Marla Ancheta.
Top 10 Movies in the Philippines Today (August 2, 2025)
- Untold
- KPop Demon Hunters
- My Oxford Year
- The Last Voyage of the Demeter
- Flightplan
- Mga Mister ni Rosario
- Happy Gilmore 2
- The Northman
- Monster Island
- The Terminal
Read: GMA Gala 2025 Awards: BreKa wins Couple of The Night
NOEL FERRER
Fourteen consecutive days nang nangunguna ang Pinoy version ng It’s Okay To Not Be Okay sa talaan ng Top 10 TV Shows ng Netflix Philippines—mula Hulyo 20 hanggang Agosto 2, 2025.
Walumpong episode ang nasabing teleserye, kung saan bida sina Joshua Garcia, Anne Curtis, at Carlo Aquino. Sa Nobyembre ang streaming ng huling apat na episode nito.
Samantala, sa Agosto 27 ang streaming ng documentary series na 1 in 7641.
Ang logline nito: “Explore the Philippines' rich history, culture and cuisine through the kaleidoscope of Filipino identity in this documentary series.”
Top 10 TV Shows in the Philippines Today (August 2, 2025)
- It’s Okay To Not Be Okay
- Trigger
- Dan Da Dan
- Kaiju No. 8
- Gachiakuta
- I Was Reincarnated as the 7th Prince so I Can Take My Time Perfecting My Magical Ability
- Unspeakable Sins
- My Melody & Kuromi
- Sakamoto Days
- The Fragrant Flower Blooms With Dignity
Read: Rufa Mae clarifies late husband Trevor did not file for divorce
GORGY RULA
Hindi nakapasok sa Top 10 Movies ng Netflix Philippines ang Thai film na The Red Envelope, na remake ng 2022 Taiwanese supernatural comedy mystery film na Marry My Dead Body.
Isang araw lang sa Top 10 Movies ang Pagtatag! The Documentary ng SB19.
Noong Hulyo 24, pumuwesto iyon sa 5th place. Naligwak iyon the next day, at hindi na bumalik sa Top 10 Movies list.
Abangan natin kung wonderful ang puwesto sa Top 10 Movies ng The Last Goodbye, Isolated, at One Hit Wonder.
Interesting kung hanggang kailan topnotcher sa Top 10 TV Shows ang Pinoy adaptation ng It’s Okay To Not Be Okay.
Sa Agosto 6, Miyerkules ay mag-i-streaming na sa Netflix ang part 1 ng season 2 ng Wednesday. Mula pa noong Hulyo 21, majority ng nasa Top 10 TV Shows ay animated.