GORGY RULA
Ipinagtapat ni Dulce sa unang gabi ng birthday concert niyang Wagi! na nagkaroon siya ng breast cancer.
“Three hundred sixty-one days exactly today,” pagsisiwalat ni Dulce noong Hulyo 11, 2025, Biyernes ng gabi, sa BGC Arts Center, Taguig City, bago kantahin ang "Isa Pang Araw."
Aniya pa: “Di ba, 365 days, isang taon? So, 361 days ago, I was… nung unang rehearsal natin, iyak ako nang iyak. Ahhmm, kailangang maubos yung luha ko para tumigil ako.
"Di ba, nakakahiya, kaharap niyo ako, lagi akong umiiyak. Lagi na lang merong hugot na ganun."
DULCE AND HER STRUGGLES OFFSTAGE
Bukod sa health, nagkaroon din siya ng problema sa pera at sa pamilya.
"Naiyak ako kasi biglang naalala ko, I have been diagnosed with an aggressive stage 2 breast cancer last year.
“And I was due for a procedure. Actually, meron nang ginawa. Di ba, may biopsy, ano iyan, PET [Positron Emission Tomography] scan, et cetera.
“E, that time, nag-loan lang ako ng pera pang-enrol ng daughter ko. Pero nagastos ko doon, so, ubos!
“Kasi ano, e, alam niyo na, naitakas yung mga naipon ko. E, sabi ko sa doctor, I know there were concerns, kasi kailangan nang gawin. Kailangan na kasi aggressive.
“Sabi ko, 'Hindi pupuwede.' Sabi niya, ‘Your children are still too young to lose a mother.’
"Sabi ko, ‘Hindi ako mawawala.’ Sabi ko, 'Hindi ako puwedeng tumigil magtrabaho at wala akong pambayad sa operasyon... Puwede bang hulugan dito?’
“E, hindi naman nila alam. So, ahhmm, but, you know, I just leave everything and just surrender everything to the Lord kasi I have to live for my children, you know.
“Ahhh kahit na yung iba kong… yung iba, itinatakwil na ako, pero okay lang kasi may mga bagay na kailangan talagang ayusin sa buhay-buhay ng mga pamilya.
“Kaya wala akong ibang puwedeng kapitan, lapitan kundi ang Panginoong Diyos.
“And kaya, amen, kaya itong song na ito actually very well captures what is inside of me now.”
Ang "Isa Pang Araw" ay komposisyon ni Miguel Mendoza III.
Kinanta ito ni Sarah Geronimo para sa pelikula niyang Miss Granny (2018).
Bahagi ng lyrics ng kanta:
Akala ko hindi na darating ang panahon/
Na liliwanag ang daang nasisilayan ko/
Sa libu-libong taong nangangarap/
Binigyan mo ako ng pagkakataon/
Kung mababago ang landas na tatahakin ko/
Ikaw pa rin ang hahanapin ng puso ko/
Sa bawa’t sandaling kasama kita/
Binigyan mo ng buhay ang aking mundo/
Dumadaan ang araw/
Di mo namalayan, naubusan ka ng oras/
Puwede bang humiling/
Isa pang araw na ikaw lang ang kasama/
Kulang na kulang ang panahon/
Di sapat ang meron tayo ngayon/
Pwede bang humiling, isa pang araw.
JERRY OLEA
Maliban kay Arman Ferrer, panauhin ni Dulce sa Wagi! concert ang daughters niyang sina Jemimah at Jedidah, na sinamahan niya sa pagkanta ng "Gusto Ko Nang Bumitaw."
DULCE AND HER HUGOT
May maikling hugot ulit ang Asia’s Timeless Diva bago niya kantahin ang "Sa Panaginip Ko (I Dreamed A Dream)" with Arman:
“Thank you, Arman. Parang anak ko rin talaga iyan, e.
“Well, if only all sons were like you… si Arman, kamukha ng mama niya, kaya, Lord, I miss my sons, too.
“Pero ganun talaga, things happen. Pero kahit gaano kasakit, tayong mga ina ay ipinagdarasal at ipinagpapasa-Diyos natin ang lahat.
“Lalo na ang ating mga anak. Kasi, itatwa man o ipahiya man nila tayo, tayo, hinding-hindi natin magagawa yun sa kanila, di ba?
“Tayo, parents, kahit ano man iyan, hindi natin bibitawan ang mga anak natin sa ating mga panalangin.
“Kaya kahit gaano pa kasakit ang ginagawa nila, inuunawa na lang natin sila.”
Hindi na nagdetalye pa si Dulce tungkol sa nakatampuhan niyang anak.
Bukod kina Jemimah at Jedidah, mga anak niya sa asawang si Bernard Beltran Cruzata II, may tatlo din siyang anak from her previous marriage to Danny Cruz—sina Daniel, David, and Dana.
Kinanta kapagkuwan ni Dulce ang "Leaves," na komposisyon ni Paulo Benjamin Guico ng Ben & Ben.
Bahagi ng lyrics ng "Leaves":
Leaves will soon grow from the bareness of trees/
And all will be alright in time/
From waves overgrown come the calmest of seas/
And all will be alright in time/
Oh you never really love someone until you learn to forgive…
Ngayong Hulyo 12, Sabado, ang ikalawang gabi ng Wagi! concert ni Dulce, with Homer Flores as musical director, and Rowell Santiago as director.
NOEL FERRER
A little over two hours ang Wagi! concert ni Dulce. Ibang klase siyang mag-perform. Storyteller talaga!
Bahagi ng Facebook post ni Moy Ortiz: “Dulce Wagi! first night performance garners multiple standing ovations (clapping hands emojis)
“Raw emotions. Earnest storytelling. Impeccable musicianship.
"There is absolutely no one like Asia’s Timeless Diva in the history of OPM!”
Ang Facebook post ni Direk Benedict Mique: “Didn't expect it but Dulce's concert last night was incredible!
"A lot of times mapapaluha ka sa performances sa galing at sa emotion. Grabe astig! Actually pwede mo ngang ulitin sa ganda! Watch it!”
Mensahe sa akin ni Direk Chito S. Roño: “I had an awesome time with Dulce wagi concert. Wonderful time like every song was a bravado number.
“No need of gimmicks, no need for dancers, just that amazing voice was enough for the event. Parang Adele lang ang level…”
Pahayag ni National Artist Ricky Lee kaugnay sa Wagi! concert: “Iba talaga si Dulce. Total performance iyong ginagawa niya in the sense na punung-puno ng emosyon.
“Punung-puno ng kuwento. Punung-puno ng koneksyon sa audience ang kanyang show.
“Bawa’t kanta, nabibigyan niya ng kuwento. Para siyang nagkukuwento with every song—galing sa puso.
“Walang kanta na sayang. Walang kanta na walang emosyon.
“At yung energy level niya at yung husay niya at yung vocal range mula sa first song nung kanyang repertoire hanggang sa huli after three or four standing ovations ng audience, hindi pa rin nagbago iyong level ng energy sa kanyang performance.
“So iba talaga si Dulce!”