GORGY RULA
Matutuloy na rin ang Sinag Maynila Masterclass, ang workshop ng masters of Philippine Cinema na pangungunahan ng overall mentor na si Brillante Mendoza, ngayong buwan ng Hulyo.
Anim na araw ang Masterclass para sa mga gustong i-flex ang kanilang galing sa larangan ng sining sa pelikula.
Magsisimula na ito sa July 12, 13, 19, 20, 26, at 27 na gaganapin sa Solar Century Tower, Makati City, 9:00 A.M. hanggang 5:00 P.M.
MASTERS OF PHILIPPINE CINEMA
Ang magbabahagi ng kanilang specialty ay sina Carlitos Siguion-Reyna para sa Directing, Zig Dulay sa Scriptwriting, Odie Flores sa Cinematography, Arvin Belarmino sa Visual Storytelling, Ben Padero sa Production Design, Mike Idioma sa Sound, Teresa Barrozo sa Music, Ruby Ruiz sa Acting, at Javier Abola sa Editing.
Read: PBB Celebrity Collab Big Night, nagtala ng pinakamataas na rating
JERRY OLEA
Ilang slots na lamang ang natira, kaya subukan pa kung makahabol sa early bird discount.
Nagkakahalaga ang fee ng PHP25,000 sa buong anim na araw na workshop with free meals.
Sa pagtatapos ng workshop ay required ang workshoppers na gumawa ng short film sa ilalim ng supervision ni Direk Brilllante Mendoza.
May certificate ang graduates ng workshop na may lagda ng lahat na facilitators ng Sinag Maynila founders.
Read: Ama ng mga anak ni Lolit Solis, buhay pa at nasa Amerika
NOEL FERRER
Buti na lang at merong ganitong extension service si Direk Brillante sa mga gustong maging filmmaker.
Sana, magtuluy-tuloy yung ganitong pagpapasa ng kaalaman at sana, maging ang values nito na beyond sa pagkita ng pera.
Dahil higit sa pagiging komersyo, sana’y maihabilin ni Direk Brillante sa mga estudyante niya ang pagmamahal sa sining.