GORGY RULA
Isa si Vice Ganda sa dumalo sa LoveLaban sa Diliman noong Sabado, Hunyo 28, 2025.
Nagbigay ng mensahe ang Unkabogable Star sa LGBTQIA+ community.
Mensahe ni Vice: “Kaya nandidito ako mag-perform o hindi, kasi yung presensiya ng bawat isa sa atin ay napakahalaga.
“Kaya ang aking panalangin, at ang aking hiling sa lahat natin na bahagi ng komunidad na ito… let’s all make sure that we are seen. Please be seen.
“We have to be heard. So, please be heard.
"Kailangan nating lumabas, makita at mabilang, dahil ang bilang natin ay kapangyarihan.
"Mauunawaan niyo ba yun?
“Sana alam niyo kung gaano kamakapangyarihan ang bilang nating lahat ngayon, at ito ay nakikita ng buong mundo.
“At ang bilang na ito ay magdidikta ng kapangyarihan. At yung kapangyarihan na yun ay pag-aari natin.
“Kaya angkinin ninyo ang kapangyarihan ng bilang nating lahat.”
Read: Si Xian Lim ba ang tinutukoy ni Vice Ganda sa queerbaiting issue?
RICKY REYES AND RENEE SALUD ON SOGIE BILL
Pero mas pinik-ap ng netizens ang pahayag ni Vice na tingin ng karamihan ay patutsada niya sa mga pahayag ng veteran hairdresser na si Ricky Reyes at fashion designer na si Renee Salud sa vlog ni Toni Gonzaga.
Napag-usapan kasi rito ang SOGIE (Sexual Orientation and Gender Identity Expression) Bill, na kumikilala sa fundamental rights ng bawat tao anuman ang sexual orientation at gender identity nito.
Ayon kay Mother Ricky, isa siya sa kumontra rito.
Lahad ng kilalang hairdresser: “Ako rin ang nagpatigil ng SOGIE Bill nung sinabi ko, 'Maski anong gawin niyo sa mga bakla, bakla pa rin yan.'
“'Gilingin mo man yan, ang labas niyan, baklang hamburger, walang pagbabago.'”
Ayon naman kay Mama Renee: “Sige, bigyan ng karapatan. Bigyan ng puwang sila sa lipunan.
"Kaso lamang, the problem with some gays, they ask for too much. Masyadong entitled.”
Sumingit si Mama Ricky: “Tama na yung tino-tolerate ang mga bading. That is more than acceptance. Yan ang sinasabi ko, toleration is more than acceptance.
“Because ang kaharap mo, hindi pare-pareho. Lahat ng tao… hindi lahat yan, tanggap ang bading.
"Ibagay mo ang sarili mo sa tamang sitwasyon.”
Read: 8th EDDYS: Alden Richards, Arjo Atayde magkatunggali for best actor
DID VICE GANDA TAKE A SWIPE AT RICKY AND RENEE?
Sa LoveLaban sa Diliman ay nagbitaw ng ganitong pahayag si Vice: “Hindi porke’t matanda ka na at may pera ka na ay iiwanan mo yung mga tulad mo na hindi nakakakuha ng pribilehiyong nakukuha mo.
“Dahil ang pribilehiyo ngayon ay hindi dapat maging pribilehiyo mo lang— dapat maging karapatan yan ng bawat isa.”
Kina Ricky at Renee kaya itong tinutumbok ni Vice?
NOEL FERRER
SHO KOMORI'S OPEN LETTER
Ako, I want lang to put forward yung open letter ng trans fashion photographer na si Sho Komori kina Ricky Reyes, Renee Salud, at Toni Gonzaga, na shinare ng marami nating kasamahan sa industriya.
Nakasaad dito: “An Open Letter to Ricky Reyes, Renee Salud — and yes, even you, Toni Gonzaga
“I watched your recent interview and I need to say this — not with hate, but with heartbreak, and a whole lot of honesty:
“What the hell was that?
“This could’ve been a Pride Month moment that celebrated growth, empowered our youth, and reflected how far we’ve come. But instead, it became a platform for outdated advice, internalized homophobia, and dangerous romanticization of suffering.
“Let’s unpack.
“Ricky Reyes, you said: ‘Naranasan kong ibitin ng patiwarik, ikulong sa hawla ng manok, apuyan sa ilalim. Pero para sa akin, tough love yun. Ganyan noon.’
“Tough love? No. That’s abuse. The fact that you carry this trauma and still frame it as necessary shows how deep the pain runs — and how much of it you’ve normalized. But the damage gets worse when you pass this mindset on to others.
“You said: ‘Bakla akong magmahal’ all the way daw, pag nakakita ng lalake na sasamahan ka, kahit manood lang ng sine, pag kumita ka ng 1000, yung 800 ibigay mo, tapos yung 200, itabi mo para sa yo at sa pamilya mo, ganyan ba?
“Imbes na pag kumita ka, gamitin mo for your responsibilities and needs, then kung may sobra, sige, gastusin mo sa jowa? Dahil pag daw yung lalakeng sumasama sa 'yo eh nakatagpo ng babae, out ka na. Hahaha. Dapat daw alam mo kung hanggang saan ka lang?
“So are you implying na tanggapin mo na lang na dahil bakla ka, habang buhay walang magmamahal sa 'yo na walang kapalit na pera? Or dahil yun ang nakagisnan niyo?
“So let me get this straight: you're teaching younger bakla that love means buying scraps of affection — that we should invest in men who will drop us the moment a straight relationship becomes available?
“You're not just setting the bar low. You're burying it.
“When asked about the secret sa long relationship, dapat act like a woman daw. Dapat submissive ka, di ka dapat ‘modern na babae’ kasi pag modern ka, chances are you will lose your husband, kasi you will use all your rights.
“Dapat ganito, dapat ganyan. So para may asawa ka, wala kang rights? Payag lang ng payag? Hindi ba tanga ang tawag dun?
“‘Whatever comes, just take it into your heart’ daw. So kahit iputan ka, take it into your heart kasi ayaw mong iwanan ka eh. Clap clap! Kahit sa babae nakakainsulto, kasi ganun pala yung ‘act like a woman.’
“This isn’t just problematic. It’s dangerous.
“You're basically encouraging people to surrender their dignity in exchange for being kept. You're telling women — and queer people alike — that having rights is the reason they’re alone. That the solution to being loved is to be quiet, soft, and small.
“So if you're disrespected? Betrayed? Iniiputan ka sa ulo? Tanggapin mo sa puso mo?
“All so you don’t get left behind?
“Sorry, but no amount of hairspray can hold that logic in place.
“And let’s not forget this statement: ‘Daanan mo lahat. Kung kailangan umakyat ka sa kisame at pagbagsak mo, naka-shoot ka na, go ahead.’
“You said this without any warnings, any talk of safety, or any concern for the youth who are hearing you say, ‘just go for it’ regardless of the risk. This kind of recklessness, delivered with a smile, is exactly why HIV cases are rising among young people — because they are being told to ‘go ahead’ without the tools or guidance to protect themselves.
“Renee Salud, your turn.
“You said: ‘Learning is continuous sa field namin — beauty and fashion. Dapat nag-e-evolve: ang mundo, ang katawan ng tao, ang taste ng tao, kaya dapat pati ang iyong damit, yung talent mo, na-e-evolve according sa tawag ng panahon.’
“Great! So nasaan ang pag-evolve mo at natutunan mo from the past?
“You talk about starting trends, being trailblazers, and moving with the times. But when it comes to LGBTQIA+ rights, safety, and dignity, you’re stuck in a time warp —romanticizing endurance over liberation.
“Learning is only continuous if you’re actually willing to learn. Otherwise, it's just words you use to sound enlightened while staying in the dark.
“And then, this contradiction came out loud and clear when Ricky said: ‘Being tolerated is more than acceptance. Kasi ang mga taong kaharap mo, hindi lahat ‘yan tanggap ang bading.’
“Excuse me — tolerated is better than accepted? Since when?
“Tolerance is being put up with. Acceptance is being embraced. And what we’re fighting for isn’t even just acceptance anymore — we want respect, recognition, and rights.
“To say that ‘tolerated is more than accepted’ is to tell us to be grateful for the bare minimum.
“And Toni Gonzaga.
“It’s Pride Month. A time to spotlight courage, advocacy, authenticity. And yet, you chose to feature two icons who actively oppose the SOGIE Bill, who promote submissive martyrdom as advice, and who proudly reinforce that the ‘bakla’ will never be truly equal.
“Ricky even said: ‘Ako ang nagpatigil ng SOGIE Bill. Kasi kahit gilingin mo ang bakla, baklang hamburger pa rin yan.’
“So proud of stopping a bill that would’ve protected people from violence, discrimination, and systemic exclusion — just because you don’t see the value of your own humanity beyond what makes others comfortable?
“And on same-sex marriage, the response was: ‘Wag nang pakialaman. Gawa yan ng Diyos.’
“No one is asking to take over your churches. The fight has always been for civil rights: health insurance, shared assets, hospital visitation, adoption. It’s not an attack on your faith — it’s a call for legal equality.
“But instead of clarifying that, you all reinforced the narrative that LGBTQIA+ people should settle for crumbs, for tolerance, for transactional affection, for a quiet life in the margins.
“So here it is.
“Ricky. Renee. Toni.
“You will be held accountable.
“Because it is irresponsible to tell younger bakla to simply endure what you did. Because your platforms are too powerful to be used for romanticized trauma and recycled oppression.
“Because tanggap lang ng tanggap has never saved anyone.
“And because we’re not your baklang hamburger.
“We are whole.
“We are worthy.
“And we’re done shrinking to fit the mold you found safety in.
“Pride is about progress, not nostalgia.
“It’s about resistance, not performance.
“It’s about dignity, not just survival.
“You say you’re proud pioneers in beauty and fashion —
“Then start a trend that actually matters:
“Evolve. Respect. Empower.
“Otherwise, step aside.”
Read: Hubadero 2025 2Q: Male nudity in films, on stage, online
JERRY OLEA
Hiningan ng PEP Troika ng opinyon ang ilan pang kilalang miyembro ng LGBTQIA+ community.
JOEL LAMANGAN
Sabi ni Direk Joel Lamangan, nilinaw naman nina Renee ang isyu ng gay marriage na okay lang kung civil union rights.
Ani Direk Joel: “Ang sabi nila, nina Renee Salud at saka ni Ricky Reyes, ang kasal ay para lang sa babae at sa lalaki. Pero puwede naman mag-union.
“Magkausap, mag-union yung mag-asawa, magkasulatan tungkol sa mga paghahati ng ari-arian.
“Puwede rin naman magpakasal. Pero ibang klaseng kasal, hindi kagaya nung sa simbahan.
“Kasi ang kinikilala lang naman sa simbahan, yung lalaki at babae. Pagdating sa bakla, yung magpapakasal sa simbahan, hindi puwede. Kasi, bawal yun sa simbahan.
“Unless, simbahang itinayo ng mga bakla. Puwede rin doon… may mga simbahang itinayo ng mga bakla, puwede magpakasal doon.
“Pero dun sa totoong simbahan, walang totoong simbahang magkakasal ng dalawang lalaki.”
Dapat tanggapin daw nating hindi pa talaga dito sa ating simbahan. Pero kung gawing legal ang pagsasama ng dalawang miyembro ng LGBTQIA, nasa gobyerno na raw yun.
Saad ni Direk Joel: “Puwede naman i-legal ng gobyerno, kasi sa kasulatan lang naman yun e. Pero pag inilagay mo sa religious dimension, parang bawal yun.
“Yun talaga ay para sa babae at lalaki lang yung tungkol sa mga simbahan. Kung magkakaroon ng ganun, dapat ay ilakad nila sa simbahan.
“Ilakad nila doon sa Vatican. Kasi kung sa gobyerno, puwede naman mag-union yung dalawang lalaki.
“Dapat ilagay sa tamang perspective. Sa puntong relihiyoso. Sa puntong Bibliya, sa puntong mga Katoliko… talagang bawal yun.
“Pero sa puntong union, pagtatagpu-tagpo, sa union, pagkakaisa, sa punto ng gobyerno, yun ay puwede, civil rights puwede,” saad ng premyadong direktor.
RS FRANCISCO
Nakausap din namin ang aktor at negosyanteng si RS Francisco noong Martes, July 1 sa Nominations Announcement ng 8th EDDYS awards na ginanap sa Rampa Club na pag-aari niya.
Sabi ni RS, lahat tayo ay may karapatang magbigay ng sariling opinyon tungkol sa isyung ito. Magkakaiba naman daw tayo ng pananaw at pinaniniwalaan.
Ani RS: “Naniniwala po ako sa both sides. Kasi may kanya-kanya naman tayong mga perspectives. Hindi lang LGBTQIA. Same with hetero relationship.
“May mga ibang tao na hindi talaga naniniwala sa marriage. Merong ibang tao, gusto magpakasal muna. May ibang tao, hindi naniniwala sa pre-marital sex. May ibang tao, okay lang sa kanila.
“It all boils down for me, personal ano lang iyan, personal preference.
“I respect Mama Ricky, Mama Renee. I respect Vice, I respect everyone.
“Lahat naman tayo, nasa panahon na puwede naman tayo magsabi ng ating saloobin.
“In fact, meron din akong mga LGBTQIA stands na takot din akong sabihin kasi baka marami ring hindi mag-agree.
“Pero ako kasi, ito ang preference ko at ito ang pananaw ko. So, ngayon sa mundo natin… dati nga, di ba, LGBT lang, naging LGBTQIA+ which for me, I respect that kung ganun… pero, kunwari sabihin ko ‘I respect,’ tapos sabihin ng ibang tao, ‘Yeah, pero may hangganan.’”
Mas mabuting tanggapin na lang daw ang opinyon at pinaniniwalaan ng lahat, kahit magkakaiba yun.
“Kaya nowadays, medyo ano na rin talaga, e… you have to be a little bit lenient and little bit more understanding of what people believe in.
“Talagang ang sa akin lang, kung ganyan po ang naramdaman ninyo, okay that’s your right.
“Kung ganyan din ang nararamdaman ni Meme Vice, okay that’s her right.
“Kung ganito rin ang naramdaman ko na I just prefer to keep quiet, bahala kayo kung ganun ang ano niyo.
“Ganun lang din ako. Ayoko mag-take ng stand sa mga ganyan.
“Di ba, meron tayong colloquial term na walang basagan ng trip? As long as hindi ka naman nakakasakit ng tao, as long as hindi ka naman nanloloko ng tao, tapos hindi ka naman nananakit at nanggugulang ng tao, kanya-kanyang trip na lang tayo muna,” sabi pa ni RS Francisco.