GORGY RULA
Isang makahulugang “Secret!” ang sagot ni Kylie Padilla nang kinumusta ng PEP Troika ang kanyang lovelife.
Nakatsikahan ng PEP Troika ang Kapuso actress sa look test ng bagong pelikulang gagawin niya sa Mavx Productions, ang The Lotto Winner, na ididirek ni RC delos Reyes.
Read: Kylie Padilla confirms new relationship: "I'm taken."
Nilinaw naming romantic relationship ang tinutukoy namin, kaya huwag niya kaming sagutin na sa mga anak niya at trabaho ang kanyang puso.
Pero tawa lang nang tawa si Kylie at hindi niya kami sinagot.
Mga project daw niya ang nagbibigay ng inspirasyon sa kanya ngayon.
“Mga project ko, yun na lang. Pero honest, ang nagpapasaya sa akin ngayon is my project and my kids talaga,” napangiti niyang pakli.
Read: Kylie Padilla, apektado ng pagkasunog ng isang ina at 3 anak
KYLIE ON CO-PARENTING WITH ALJUR
Ayon kay Kylie, okay sila ngayon ng kanyang estranged husband na si Aljur Abrenica, at maayos daw ang co-parenting nila sa dalawa nilang anak.
Saad niya: “Family, okay ako. Kasi nakahanap na kami ng magandang flow, kaming dalawa ni AJ [Aljur].
“Co-parenting wise, we’re in a good place, and my kids are in a good place. Yun nga lang, hindi pa nga nila matanggap na nagwo-work ako.
"Nalulungkot pa rin sila pag alam nilang magtatrabaho ako. But, babawi naman ako when I have time.”
Nagulat si Kylie nang humirit ako ng tanong kung okay ba ang mga anak niya sa kapatid nila. Ang napapabalitang anak nina Aljur at AJ Raval ang aking tinutukoy.
Hinampas ako ni Kylie na natawa at nakaturo pa sa akin na parang gusto ko pa raw siyang ipahamak.
“Di ko alam yan! Ilalagay mo pa ako sa…anyway…
“Basta okay sila.
"Balita ko naman na maalaga din naman si AJ. So. happy ako dun,” maingat na pahayag ni Kylie.
Mag-uusap daw sana sila ni AJ, pero hindi ito natuloy.
“Ahh, we tried, but then na-realize namin na hindi na muna kailangan i-push yung… oo, wala pa naman dun, e,” sabi pa ni Kylie.
Read: Kylie Padilla admits she never really wanted to get married
JERRY OLEA
Masaya raw si Kylie Padilla ngayon dahil ang gaganda ng projects na napupunta sa kanya.
Matagal na raw naikuwento sa kanya ng taga-Mavx Productions itong The Lotto Winner, at sinabing gusto niya itong gawin.
“Actually, nabanggit na itong project na ito nung nag-shoot pa kami sa Switzerland. 'Oh my God, gusto ko siya. Ako na yan, ha?'
“Ayun nga, they kept their promise,” saad ni Kylie.
MAY ALBERT NA, MAY GABBY PA
Ang unang pelikulang ginawa ni Kylie sa Mavx Productions ay ang Unravel, kung saan kasama niya si Gerald Anderson. Kinunan iyon sa Switzerland.
Ang isa pang ikinaka-excitte ni Kylie sa The Lotto Winner ay si Albert Martinez ang kasama niya.
May ginagawa ring drama series ngayon si Kylie sa GMA-7, ang My Father’s Wife, kasama naman si Gabby Concepcion.
Kaya may Albert na siya, may Gabby pa.
Sina Albert at Gabby ang dalawa sa pinakasikat na matinee idols noong dekada '80, at pareho na ngayong award-winning actors.
Saad ni Kylie: “Alam kong marami akong matututunan sa craft kaya na-appreciate ko yung mga project na dumadating sa akin.
“It’s good for me as an artist. It’s like I can use it to heal things. Some things inside in myself na hindi ko magagawa in real life.
“So, it’s a nice way to heal myself. If I’m talking selfishly.
"Kasi, outside of me naman, maganda talaga yung mga project. Maganda ‘tong My Father’s Wife, maganda rin itong The Lotto Winner.
"Maraming makaka-relate sa story na ito.”
Read: How Kylie Padilla battles self-doubt as a single mom
NOEL FERRER
Doon pa lang sa look test ng The Lotto Winner nagkakilala sina Albert Martinez at Kylie Padilla.
Kaya nagpakitang-gilas talaga ang Kapuso actress nang sinubukan nila ang isang mahalagang eksena ng naturang film project.
“Ang ganda ng chemistry namin,” bulalas ni Kylie.
“May connection na kami agad when we’re doing the shoot kanina. So, wow, faney!
"So, excited ako, because ibig sabihin nun, dito pa lang in our shoot here, maganda na yung magiging pelikula namin.
“Dun mo malalaman sa first day pa lang, if magiging maganda at kung meron talagang makikita sa screen.
"So, I’m really really excited,” dagdag ni Kylie.
ALBERT, INAMING DI KILALA SI KYLIE
Na-impress naman si Albert sa Kapuso actress.
Sabi ng veteran actor: “I was so impressed a while ago. Kasi, we did the parang audition scenes, and we got parang emotional about it.
"Dun pa lang, I said, 'Wow! It’s been, you know, good project.'”
Pero nakakatuwa ang kuwento ni Albert nang nagkakilala sila ni Kylie sa look test.
Doon pa lang daw sila nagkakilala at walang kaide-ideya si Albert kung sino si Kylie Padilla.
“Honestly, I’m not really into showbiz. I don’t know much people.
"Coz, the last Kylie I worked with was another Kylie [Verzosa]. So, I’m so confused when I saw Kylie.
“But, of course, I have to research to find out who Kylie is. She’s the daughter pala of Robin [Padilla]. So, ahh okay. Ngayon ko lang nalaman.
“I have a different world. I’m in this industry but I’m not in it at the same time,” napapangiting pahayag ni Albert.
Read: Kylie Padilla reflects on breakup with husband Aljur Abrenica: "I have been so afraid of life."