GORGY RULA:
Suportado ni Piolo Pascual ang pelikulang Fatherland na pinagbibidahan ng anak niyang si Iñigo Pascual.
Kasama sa cast si Allen Dizon at mga de kalibreng aktres na sina Cherry Pie Picache, Angel Aquino, Mercedes Cabral, at Max Eigenmann.
Kabilang din sa pelikulang ito sina Richard Yap, Jeric Gonzales, Jim Pebanco, Ara Davao, Kazel Kinouchi, Abed Green, Bo Bautista, Rebecca Chuaunsu, Rico Barrera, William Lorenzo, at marami pa.
Showing na sa mga sinehan ang pelikulang ito umpisa Black Saturday, April 19, 2025, at nagkaroon ng celebrity premiere noong Martes, April 22 sa Cinema 11 ng Gateway Mall, Cubao, Quezon City.
Dumalo roon si Piolo kasama ang iba pang taga-Cornerstone na sina Eric Santos, Kyle Echarri, at Darren Espanto.
Nagpapasalamat si Iñigo sa suporta ng kanyang ama.
Proud pa siyang kinuwento sa aming bigay ng daddy niya ang shirt na suot niya sa celebrity premiere.
"My dad bought this. He didn’t buy specifically for the premiere night. He bought it just for me.
"So sabi ko parang perfect way to honor him you know, Fatherland, with the outfit that he bought for me,” napapangiting pakli ni Inigo bago nagsimula ang screening ng pelikula.
Kuwento ng paghahanap ng isang anak sa kanyang ama na hindi niya nakasama sa kanyang paglaki itong Fatherland.
Ang laking challenge daw kay Iñigo ang pelikulang ito dahil karamihan daw sa mga eksena niya ay tahimik ang acting, at halos 70% daw ng pelikulang ito ay umiiyak siya.
Read: Inigo Pascual on meeting Hollywood celebs
INIGO PASCUAL GROWING-UP YEARS
Medyo nakaka-relate raw siya character niya sa pelikulang ito bilang si Alex, anak ni Allen Dizon, na may tatlong karakter sa pelikulang ito.
"There’s a lot of things na parallel sa akin at sa buhay ni Alex,” sabi ni Iñigo.
Marami raw tanong si Inigo noon tungkol sa hiwalayan ng kanyang mga magulang.
Balik-tanaw ng binata: "You know, growing up, I studied in the States and my dad had to be here.
"Dito siya nagtrabaho. And siyempre nung bata ako, tinatanong ko, 'Bakit ako nasa States? Bakit kailangan dito ako mag-aral?
"'Bakit ang daming nagpa-picture sa tatay ko? Bakit ganito ang sitwasyon ko? Bakit magkahiwalay ang magulang ko?'
"And you know, as a kid, ang dami mong tanong.
"So, parang dun ako naka-relate kay Alex na ang dami niyang tanong.
"Gusto niya hanapin yung tatay niya. Bakit hindi niya kilala yung tatay niya? Bakit wala siyang maalala sa tatay niya? Mas intense lang siguro yung kay Alex."
Ngayon, ito ang nasa isip ni Iñigo: "Pero siguro yung natutunan ko lang sa sarili ko, na mahalin mo yung magulang mo.
"Na kahit yung mga taong hindi nila nakilala yung magulang nila, importante na hindi man sila kilalanin, pero mahalin mo dahil wala ka dito kung wala yung magulang mo na nagdala sa iyo dito sa mundo," saad ni Iñigo.
Sinulat ni Roy Iglesias at dinirek ni Joel Lamangan ang Fatherland, na prinodyus ng Bentria Productions at Heaven’s Best Entertainment.
Read: Inigo Pascual recounts how he got his big break in Hollywood TV series, Monarch
JERRY OLEA:
Bumalik si Iñigo Pascual sa Pilipinas mula U.S. para tumulong sa promo ng Fatherland.
Marami naman daw siyang pinagkakaabalahan noong nasa U.S. siya.
May ilang auditions siyang ginawa, at may gagawin siyang pelikula.
Read: Inigo Pascual wows crowd in Florida event
INIGO PASCUAL ARTISTIC SIDE
Pero ang isa sa pinagkakaabalahan niya roon ay ang paggawa ng rugs na siya mismo ang nag-design at gumagawa.
"I’m working on a lot of things… I want to start a business with my art. I make art po, I make rugs, I paint," sambit ng singer-actor.
"I just dive into my artistic side. It’s really weird to talk about it, coz I know it seems like I want to do so many things.
"But that’s the side of me that I just feel like that I have not been able to give so much time towards," sabi ni Iñigo.
Ipinakita niya sa amin sa kanyang cellphone ang mga nagawa niya na ibinebenta niya online.
"I’ve always loved painting. I’ve always loved drawing ang creating art. I do multimedia. I do art between acrylic medium and also incorporating yarn.
"So I make rugs. You guys can check out my rug page. I make rugs. I make it hand-made.
"Tapos yung mga designs ko po yung mga ginagawa ko. Nag-start na po paunti-unti. Online po siya.
"I plan to work on that eventually, and I plan to collab with some brands to put out my designs hopefully.
"And I plan eventually to get in to the apparel world. And eventually to venture into making clothes.
"It’s one of my passions. It’s a lot of work. It’s a lot of work, but it’s something that I’m very passionate with," sabi pa ni Iñigo.
Read: Inigo Pascual apologizes to Maris Racal for breaking her heart
NOEL FERRER:
Masaya si Iñigo Pascual sa takbo ng kanyang career, dahil marami siyang nagagawa na nagagamit niya ang kanyang talento sa pagkanta, pag-arte, at pati itong pagde-design sa bago niyang negosyo.
Saan ba niya gustong mag-focus, sa acting career niya sa U.S. o dito sa Pilipinas?
“Parehas!” bulalas ni Iñigo.
"Siyempre, kahit na dun pa rin… you know, even if I get to do stuff in the States, hindi ko pa rin iwanan yung bansa ko.
"Medyo, it may sound dramatic, pero dito ako nagsimula, dito ang buhay ko and I will always push for the Philippine cinema and the Philippine industry and the Philippine music, OPM, to make it global, you know.
'And I want to be a part of that people that gets to do that, and part of that is to never turn my back on what I have here in the Philippines," sabi pa nito.
May na-release na siyang tatlong kanta noong nakaraang taon.
"It’s called the 'Heartbreak Trilogy.' I had three compositions na phases ng break-up.
"This year, I have not been able to write anything yet. Parang masyado akong nag-focus sa acting side ko, pero that’s my plan for the next coming months," pagtatapos ni Iñigo.