JERRY OLEA:
Nakatrabaho ni Maritess Gutierrez ang yumaong Asia’s Queen of Songs na si Pilita Corrales sa pagko-concert nito. Producer noon si Daisy Romualdez.
Si Maritess ay anak ng yumaong aktres na si Gloria Romero.
Read: Legendary actress Gloria Romero dies at 91
Read: Pilita Corrales dies at 87
“When Tita Daisy used to produce shows in Manila Hotel, ako po yung assistant ng direktor,” lahad ni Maritess.
MARITESS GUTIERREZ ON WORKING WITH PILITA CORRALES
Nakatsikahan namin sandali si Maritess sa wake ni Pilita noong Abril 14, 2025, Lunes, sa The Heritage Park, Fort Bonifacio, Taguig City.
“So I stay with her in stage right or stage, kung saan ako. At saka at one point, binigyan ako ng opportunity ni Tita Daisy na magdirek ng one of her shows sa Manila Hotel.
“So I’ve been dealing with Tita Pilita for the longest time! Plus Jackie is my schoolmate," ani Maritess na tinukoy ang anak ni Pilita na si Jackie Lou Blanco.
Paglalarawan pa niya kay Pilita bilang katrabaho, “So, I know Tita Pilita personally. Walang problema iyan. Andali-dali niyang kausap. Pag may rehearsal, no problem! Such a lady!”
At dagdag pa niya, napaka-professional.
“Super! Super po. Jackie must be so proud,” sabi ni Maritess.
Kagaya ng ina niyang si Gloria at iba pang veteran artists, disiplinado sa oras si Pilita.
Pag-ayon ni Maritess, "I think yun talaga po ang itinuro sa kanila, if ever may nagturo.
"But maybe they’re just very grateful, nakapasok sila sa isang industriya na gustung-gusto nilang pasukan.
"I’m sure Tita Pilita loves to sing just like mom who loved to act po."
MARITESS GUTIERREZ ON PILITA CORRALES: "FUNNY, VERY PROFESSIONAL"
Anong personal anecdote niya with Pilita na hindi niya makakalimutan?
"Si Tita Pilita is ano kasi… Ha! Ha! Ha! She’s very funny! At kapag kinausap mo iyan, ‘Tita Pilita, ganito ang kakantahin.’ ‘Sige, sige!’
"Parang bugoy si Tita Pilita, e! Parang bugoy! Na again, as I’ve said, mabait ang heart. She has a good heart.
"Funny, very funny! And very professional, and I love her talaga!” bulalas ni Maritess.
Sa mga awit ni Pilita, ano ang paborito niya? Ang performance na tumatak sa kanya?
"Ang tumatak talaga sa akin diyan—I’m sorry if I will make a mistake—'Usahay,'" pagtatapat ni Maritess.
"I think she and Jackie. I love that song because it’s parang me and my mama. Parang kanta yata ng mother to a daughter, or vice versa, I’m not sure.
"And all her songs! Tita Pilita! A' Million Thanks,' the liyad... Ang liyad talaga ni Tita Pilita is amazing talaga. Amazing lady! Amazing lady."
Read: Pilita Corrales last moments, inalala nina Jackie Lou at Monching
NOEL FERRER:
Pumanaw si Gloria Romero noong Enero 25, 2025 sa edad na 91.
"Life is never the same without my mom. Every day I visit her in Carmel church, and I cry to her every day," pagsisiwalat ni Maritess Gutierrez.
"Hindi yung OA na cry. It’s maybe tears—tears that I cry because she’s not here, oo. Wala siya sa akin.
"I’m missing her so much, kasi, I’ve been with her for 63 years!"
Pinagpugayan ang movie queen na si Tita Glo sa FDCP Parangal ng Sining 2025 noong Biyernes, Abril 11, sa Seda Vertis North, Quezon City.
Inawit ni Arman Ferrer ang "Manang Biday" at "Tanging Yaman" para kay Tita Glo.
"Maraming salamat po. Maraming salamat po, thank you," sambit ni Maritess.
Ano ang mensahe niya sa mga nagmamahal sa kanyang ina?
"Maraming salamat po. People are still texting me and saying their condolences about my mom," pagmumuwestra ni Maritess ng hands in prayer.
"Maraming salamat po. I will truly appreciate that. Me and my family, well, kami ni Chris, no. Maraming-maraming salamat.
"And even when I go out sa mall or grocery, people still stop by and give their condolences…"
You’ll be surprised, pero isa si Maritess sa kumausap sa amin ni Jackie Lou Blanco na gumawa ng concert bilang tribute na rin sa Asia’s Queen of Songs. Inaayos lang ang mga detalye at, sana, matuloy na yun.
Read: Jackie Lou Blanco, inalala ang payo mula sa ina na si Pilita
GORGY RULA:
Magkasama na sa heaven sina Pilita Corrales at Gloria Romero.
Napangiti si Maritess Gutierrez, "Yes, Mama, oo, magkasama na sila doon. I’m sure it’s fun there coz Tita Pilita is singing to all of them. I’m happy."
Siyanga pala, pinost ni Dranreb Belleza sa Facebook ang impromptu na pag-awit nina Mitch Valdes, Leah Navarro, at Celeste Legaspi para kay Pilita sa wake noong Monday.
Kinanta nila ang "Minsan Ang Minahal Ay Ako," na mula sa musical na Katy.
Ano na lang yung ‘sang sandali Na makatikim ng pagmamahal? / Matapos ang luhang ipinagpalit / Ang sandali, di naman nagtagal /Ang yakap mo'y hahanap-hanapin /Akala ko ang mundo na ay akin / Ngunit hindi pala ganyan / Kay bilis nakalimutan / Na minsan ang minahal ay ako /Ano na lang yung kaunting pasakit / Kung katumbas ay pagmamahal?
Pag-ibig mo ay aking langit / Kahit buhay ko’y handang isugal / Ang himig mo'y aking aawitin / Habang ako'y kakailanganin / At kung ako'y iyong saktan / Ito ma'y gagawing dahilan / Pagkat minsan ang minahal ay ako
Ang lingap mo’y hahanap-hanapin / Sa entabladong minsan ay sa akin /At kung ako ay malimutan / Kahit sa awit ko man lamang iyo sanang matandaan / Bago tuluyang lumisan / Na minsan ang minahal ay ako