GORGY RULA
Simple at napaka-intimate ng selebrasyon ng mag-asawang Patrick Garcia at Nikka Martinez na nagdiwang ng kanilang 10th wedding anniversary noong Sabado, March 22, 2025.
Read: Nikka Martinez-Garcia reflects on blessings: "The good always outweighs the challenges."
Nagkaroon sila ng renewal of vows sa The Lind, Boracay.
Isang Christian ceremony ito na dinaluhan ng mga kapamilya at malalapit na kaibigan.
Nandoon siyempre ang Team Kramer ng mag-asawang Cheska at Doug...
...at ilan sa close friends sa showbiz na sina Paolo Contis, Kaye Abad, at Isabel Oli.
Nagkita raw sa okasyon ang mag-ex na Paolo at Isabel, pero hindi na ako sinagot ng aktor nang tinanong ko kung nagkatsikahan ba sila.
Read: Paolo Contis, weekly ka-bonding sina John Lloyd at Patrick
Nag-confirm na darating si John Lloyd Cruz, pero hindi ito nakarating dahil nagkaroon daw sa kanila ng emergency. Hindi naman sinabi kung anong nangyari.
Sa loob ng sampung taong pagsasama nina Patrick at Nikka bilang mag-asawa, nagkaroon sila ng apat na anak.
Kitang-kita ang saya nila, lalo na si Patrick na sumasayaw-sayaw pa pagpasok nito sa lugar kung saan ginanap ang seremonya.
Congratulations sa mag-asawang Patrick at Nikka!
JERRY OLEA
Matagal nang nag-confirm si Paolo na dadalo siya sa renewal of vows nina Patrick at Nikka.
Kaya hindi siya makakadalo sa Star Awards for Television ngayong gabi, March 23, Sunday night, sa Dolphy Theater.
Nagwagi si Paolo bilang Best Actor in a Single Performance kung saan ginampanan niya ang role ng businessman/vlogger at dating manager ni Herlene Budol na si Wilbert Tolentino sa Magpakailanman.
Mukhang may binubuong magandang project ang magkakaibigang Patrick, Paolo, at John Lloyd.
Ayaw nilang sabihin kung pelikula o TV show ito, pero mukhang isang TV show na pagsasamahan nilang tatlo.
Hindi lang namin sure kung kasali rin ba si Kaye Abad na naka-base na sa Cebu.
NOEL FERRER
A-attend din talaga ako dapat sa renewal of vows nina Patrick at Nikka, pero ang dami lang talagang ganap dito, at nagpasabi na ako sa mag-asawa.
Bagama’t na-miss ko ang event, hinding-hindi mawawala ang pagmamahal at paggalang ko sa kanilang dalawa at kung paano nila inayos ang kanilang buhay lalo na ang kanilang pamilya. Nakaka-proud talaga.
Pareho rin silang awarded for their great performance sa kanilang work bilang financial advisers.
At bilang aktor, naghihintay lang kami ni Patrick ng magagandang roles na worth his time para mag-leave sa kanyang day job at iwan ang kanyang pamilya pansamantala, if ever.
Sana, ito na ngang niluluto nilang proyektong magkakaibigan kung sakali.
In the meantime, soon to be released na ang pelikulang ConMom tampok sina Kaye, Paolo, at Patrick, kasama rin si Empoy Marquez. Abangan natin ito!