GORGY RULA:
Umatras si National Artist Nora Aunor sa pagtabo bilang second nominee ng People’s Champ Guardians Party-list.
Tinanggap ng party-list ang withdrawal ni Ate Guy.
Read: Nora Aunor, Abby Viduya, Aljur Abrenica tatakbo rin sa 2025
Ipinagbigay-alam ng kampo ni Ate Guy sa COMELEC ang desisyon niya sa pamamagitan ng pagpapdala ng sulat mula kay Carlos Ambayec, ang secretary general ng People’s Champ Guardians Party-list.
NORA AUNOR PARTY-LIST ACCEPTS HER WITHDRAWAL
Nakasaad sa sulat ang pag-withdraw ng premyadong aktres.
Sabi rito: “On January 8, 2025, Said Nominee Nora Villamayor sent us a notarized letter signifying her withdrawal as second nominee of this Party list.
"Among other reasons said nominee raised her state of health. Same letter was received by your office January 14, 2025.
“It took us time to decide on the matter, as discussions with Nora Villamayor were made.
"We tried to exhaust and explore adoption of further possible medical remedies just to ensure the safe medical condition especially during the campaign period."
Binanggit din sa sulat na mas binigyang-halaga ng partido ang kalusugan ni Ate Guy, kaya tinanggap ng partido ang withdrawal nito.
NORA AUNOR HEADLINES UPCOMING MOVIE MANANAMBAL
Pero bukod sa kalusugan ni Ate Guy, magso-showing na sa February 19, Miyerkukes, ang pelikula niyang Mananambal.
Kung tuloy pa ang pagtakbo niya sa party-list, ikaka-disqualify pa niya itong pagpapalabas ng pelikula nila ni Bianca Umali.
Pero ang kalusugan ng original superstar ang mas concern ng patirdo kaya tinanggap ang withdrawal ng National Artist.
Sabi pa sa sulat: “On February 8, 2025, our Board of Trustees and the key election officers of our organization convened and made a unanimous position that a person’s physical and mental well-being is more valuable than any possessions or political aspirations.
"With great respect, we prioritized Nora’s health above our political considerations.
"Given the premises, the PEOPLE’S CHAMP GUARDIAN’S PARTY LIST, on February 8, 2025 accepted and affirmed the withdrawal of Ms. Nora C. Villamayor for all intents and purposes."
NOEL FERRER:
At least, nagpapakatotoo lang ang ating National Artist na Superstar tungkol sa kanyang estado at kalagayan.
Mas honorable pa rin na course of action ang pagwi-withdraw sa halalan. Di tulad ng iba na halos di na makaisip at makagalaw nang maayos, e, sugod pa rin nang sugod sa pagsali sa pagkuha ng posisyon sa gobyerno.
We wish our dear Ate Guy the best! Gusto natin siyang makitang ok at maligaya! Ipinagdarasal natin iyan!
Read: Nora Aunor, absent sa presscon ng pinagbibidahang pelikula
JERRY OLEA:
Hindi nakadalo ang 71-anyos na si Ate Guy sa presscon ng horror movie na Mananambal, kung saan healer ang papel niya.
Dahil din ba iyon sa health reason? Kung gayon, makabubuting umatras siya bilang second nominee ng nasabing party-list.
Samantala, si Star for All Seasons Vilma Santos-Recto na 71-anyos din ay kandidato muli sa pagka-governor ng lalawigan ng Batangas.
Katuwang niya bilang vice governor ang panganay na si Luis “Lucky” Manzano.
Ang kanilang tandem, ViLucky! Ang bunso ni Ate Vi na si Ryan Christian Recto ay kandidato naman para congressman sa ikaanim na distrito ng Batangas.
Pinangunahan nina Ate Vi, Lucky at Ryan ang ribbon-cutting ceremony ng 3rd Barako Fest noong Pebrero 13, Huwebes, sa Manila-Batangas Bypass Road, Lipa City, Batangas.
Noong Valentine’s Day, na ikalawang araw ng Barako Fest, present na si SenCongSec Ralph G. Recto.
Tila walang kapaguran si Ate Vi sa aktibidades ng Barako Fest, huh?!
This falls under promotional material for a candidate running in the 2025 election.