JERRY OLEA
Ngayong Valentine’s Day 2025, No. 1 ang Hello, Love, Again sa listahan ng Top 10 Movies in the Philippines Today sa Netflix.
Kahapon, Pebrero 13, 2025, nagsimulang mag-streaming ang reunion movie nina Kathryn Bernardo at Alden Richards.
Noong Nobyembre 13, 2024 ipinalabas sa mga sinehan ang nasabing KathDen movie, na kinabog ang Rewind nina Dingdong Dantes at Marian Rivera bilang pinakamalakas na Pinoy movie sa kasaysayan (hindi adjusted sa inflation).
Read: Hello, Love, Again mapapanood na sa Netflix sa February 13
Nasa Top 10 Movies pa rin ng Netflix PH ang Balota ni Marian, na Enero 31 nag-umpisang mag-streaming.
Four consecutive days iyon na topnotcher, mula Pebrero 1 hanggang 4.
Read: Balota ni Marian Rivera, No. 1 movie sa Netflix
Iyong Rewind ng DongYan ay nanguna sa Top 10 Movies ng Netflix PH for seven consecutive days — mula Marso 27, 2024 hanggang Abril 2.
Ang nag-topple dito ay Knights of the Zodiac.
Nanatili sa Top 10 ang Rewind hanggang Abril 16, 2024.
Read: Rewind nina Dingdong Dantes at Marian Rivera, No. 1 na sa Netflix
Tingnan natin kung hanggang kailan No. 1 movie sa Netflix PH ang Hello, Love, Again, at kung gaano ito katagal sa Top 10.
Sa Pebrero 27 ay magpapasiklab na sa Netflix ang unang movie na bida ang MaThon tandem nina Maris Racal at Anthony Jennings, ang Sosyal Climbers.
Itong Hello, Love, Again ang second Pinoy movie na nag-No. 1 sa Netflix PH this year.
Iyong Love Child at Friendly Fire na nag-streaming noong Enero ay parehong sa third place nag-peak.
Noteworthy na sa Top 10 TV Shows ng Netflix PH, No. 1 pa rin ang Tamang Panahon ni Alex Calleja.
Nananatiling No. 2 ang Incognito na pinangungunahan ng ex ni Kathryn na si Daniel Padilla, at tinatampukan din ng controversial MaThon tandem.
Read: Comedy special ni Alex Calleja naungusan ang Incognito sa Netflix
TOP 10 MOVIES
Ang Top 10 Movies in the Philippines Today sa Netflix:
- Hello, Love, Again
- Sumala
- Legion
- Enough
- Brightburn
- The Stepfather
- Balota
- Bogota: City of the Lost
- La Dolce Villa
- Despicable Me 2
NOEL FERRER
Six consecutive days nang nangunguna ang Tamang Panahon ni Alex Calleja sa listahan ng Top 10 TV Shows in the Philippines Today sa Netflix — mula Pebrero 9, 2025, Linggo, hanggang Pebrero 14, Biyernes.
Pebrero 7, Biyernes, nag-umpisang mag-streaming ang 59-minute stand-up comedy special ni Alex.
Pumuwesto ito sa No. 2 noong Pebrero 8, Sabado. The next day ay kinabog na nito ang Incognito.
Itong Tamang Panahon ang second Pinoy stand-up comedy special sa Netflix.
Iyong Red Ollero: Mabuhay Is A Lie (1 hour 2 minutes) ay nag-streaming sa Netflix umpisa Marso 14, 2024.
Nag-debut iyon sa sixth place noong Marso 16, 2024.
The next day ay umangat sa fourth place. At sa kasunod na araw ay nag-peak sa third place.
Eight consecutive days na nasa Top 10 ang Red Ollero: Mabuhay Is A Lie. Afterwards ay nalaglag na ito.
TOP 10 TV SHOWS
Ang Top 10 TV Shows in the Philippines Today sa Netflix:
Tamang Panahon
- Incognito
- The Trauma Code: Heroes On Call
- Sakamoto Days
- Surviving Black Hawk Dawn
- Cassandra
- Solo Leveling
- Hell’s Kitchen
- Single’s Inferno
- Love Scout
GORGY RULA
Nakatulong kaya yung isyu ng “carwash joke” ni Alex Calleja, kaya ang daming na-curious dito sa kanyang Tamang Panahon?
Nakakaintriga ang post ng stand-up comedian sa kanyang Facebook account, kung saan kasama niya ang pinsan niyang si Atty. Howard Calleja.
Nasa caption nito: “I have a friend… and a lawyer cousin!
“Meeting with Atty. Howard Calleja, Senior Managing Partner of Calleja Law. He will be handling my cyber libel case.
“Magpapa-carwash na rin kami after. Walking distance lang eh [smile emoji]”
Read: Alex Calleja, mariing itinangging "ninakaw" ang carwash joke
Pagkalipas ng ilang oras, ang kuha naman nila ni Atty. Lorna Kapunan ang ipinost ni Alex sa kanyang FB account.
Aniya, “I have another friend… Atty. Lorna Kapunan!
“Magkasama nga pala kami sa Face 2 Face and she is also helping sa ating situation.
“Standby for updates sa Tamang Panahon!”
Isang episode lang ang Tamang Panahon ni Alex Calleja, at ewan ko kung may kasunod pa.
Baka mas mapapatagal pa ito sa No. 1 kung may kasunod pa.
Ramdam kong babalik sa No. 1 ang Incognito, dahil mukhang marami pa silang pasabog na mga eksena.
Samantala, nasa No. 3 naman ang K-drama na Trauma Code: Heroes On Call.
Ang daming nagandahan sa seryeng ito. Hindi raw nakaka-bore ang bawat episode.
Kaya ba nitong lagpasan ang Tamang Panahon at Incognito sa Top 10 TV Shows list?