GORGY RULA
Pinag-uusapan pa rin ngayon ang isyu ng sexual harassment na kinasasangkutan ng ilang celebrities na ang iba ay umabot sa demandahan.
Nakaka-relate dito ang dating Kapamilya actor na si Tony Labrusca na inakusahan noon ng sexual harassment.
Read: Makati prosecutor junks physical injuries complaint against Tony Labrusca
Muli namin itong pinag-usapan sa media conference ng kauna-unahan niyang drama series sa GMA-7, ang Binibining Marikit, nitong Lunes, Pebrero 3, 2025.
TONY LABRUSCA ON SEXUAL HARASSMENT IN SHOWBIZ
Aware si Tony sa mga latest issue ng sexual harassment, kaya hiningan namin siya ng reaksiyon tungkol dito.
“Ngayon, times are changing, 'no? Marami din kasing… marami din na, yun nga, marami din na biktima na pinagbintangan din ng sexual harassment.
“Katulad ko na kinasuhan ako na, you know, in the end, kami yung nanalo sa kaso.
“Kaya, I think, 'no, times are changing na. We all have to be extra careful kasi hindi na natin alam kung saan manggagaling yung attacks ng kung sino man, alam mo yun?
“So… and everything is on social media now. Hindi lang nga social media e, may AI pa tayo.
“So, I don’t know. I guess, yeah… mas kailangan din mag-ingat.
“But you know, at the same time, enjoy your life. We only have one life to live. So enjoy.
"Basta lang hindi mo sinasaktan yung sarili mo, wala kang tinapakan na ibang tao, alam mo yun? Enjoy! I think life is meant to be your joy.”
Pero sa panahon ngayon, kailangan daw talagang mag-ingat lalo na sa mga taong pinakikisamahan mo.
“Kailangan din naman, e. Saka, every day pinagpi-pray ko lang, 'Lord, please guide me,' you know. 'Bring the right people to me.'
“Si Lord na ang bahala sa yo, Siya na yung magiging best defender mo,” saad ni Tony.
Read: Tony Labrusca on junked sexual harassment case against him
JERRY OLEA
Napangiti na lang si Tony Labrusca sa mga kuwelang pahayag ni Herlene Budol.
Inamin ni Herlene na siya ang nag-take advantage sa dalawang leading men niya sa Binibining Marikit.
Nakakawindang ang mga pahayag ni Herlene tungkol sa kissing scenes nila ni Tony at ang isa pang leading man niya, ang Thai-Irish model na si Kevin Dasom.
HERLENE ON KISSING SCENES WITH TONY AND KEVIN
Bago nagsimula ang mediacon ay na-interview ni Kuya Lhar Santiago si Herlene.
Masayang ikinuwento ng komedyana na nag-enjoy siya sa kissing scenes niya kina Tony at Kevin.
“Masarap!” mabilis na tugon ni Herlene nang kinumusta ang kissing scene nila ni Tony.
“Sangkabaklaan, sangkababaehan, pangarap malaplap tong Tony Labrusca na 'to!
“Naku! Huwag na tayo magpaliguy-ligoy pa. Sorry po, Madame,” nakatingin siya sa executives ng GMA-7 na tawang-tawa sa mga pinagsasabi niya.
“Excuse po to my mouth! Kasi naman pinairal naman tong kalandian nito,” dagdag ni Herlene.
Pero ang suwerte nga raw niya na ang guguwapo ng mga nakahalikan niya.
“Napakasuwerte ko dito sa Binibining Marikit na to! Ang babango ng hininga.
“Oo naman! ‘Tong toothbrush ko itinabi ko sa pagtulog. Kasi, first kiss ko to, ganun!
“Basta, hindi natin alam kung sino dito ang best kisser. Kasi dalawa sila, nalaplap ko!
“Oo! Professional na professional. Talagang nag-take advantage na lang ako. Pero nagpaalam naman ako.
"‘Ano? I-take advantage na kita, ha? Galingan ko na, kasi ang tagal ko na rin namang walang…’
“Ang bunganga ko talaga!” kuda ni Herlene na sinisita na ang sarili.
Read: Herlene Budol, nagpa-psychiatrist dahil sa isyu nila ni Rob Gomez
NOEL FERRER
Natatawa na lang sina Tony Labrusca at Kevin Dasom sa mga pinagsasabi ni Herlene.
Hiningan ng reaksiyon si Tony sa mga pahayag ng kanyang leading lady.
Ani Tony, “Ang sa akin, lagi kong sinasabi. Ito nga yung gustung-gusto namin kay Herlene, na ganito sa set kaya masaya kami. So, alam mo yun?
“We come on set, we do our best. Pero masaya ako na ganito yung mga vibes namin sa set na masaya lang, we’re there for each other.
“Ayun! Minsan ang hirap na nga ng ginagawa natin, di ba? So, we just have to be there for each other.”
Para kay Tony ba ay good kisser din naman itong si Herlene?
“Good kisser, parang nahihiya lang. Parang feeling ko tuloy ako yung rawrr!” napapangiting sagot ni Tony.
“Rawrr ka naman talaga,” buwelta sa kanya ni Herlene.
Medyo nahiya pa si Kevin nang hiningan siya ng reaksiyon sa mga pinagsasabi ni Herlene. Hindi pa siya nasasanay sa mga ganung kabaklaan sa presscon.
Ang sabi lang ni Kevin, “It’s been amazing working with Herlene and Miss Pokwang, and everyone on set as well.
“I don’t feel like I’m a newcomer here… welcoming me, like I’ve been here for 25 years.”
Sa February 10 na magsisimula ang Binibining Marikit, pagkatapos ng It’s Showtime.
Tingnan natin kung talagang "rawrr" ang kissing scenes ni Herlene kina Tony at Kevin.