Balota ni Marian Rivera, No. 1 movie sa Netflix

JERRY OLEA

No. 1 ang Balota sa Top 10 Movies in the Philippines Today sa Netflix.

Ang Cinemalaya 2024 entry ni Marian Rivera ang unang Pinoy movie na nanguna sa talaan ng Top 10 Movies ng Netflix PH this year.

Read: Marian Rivera grateful for 4-week run of Balota

Ngayong 2025, ang unang Pinoy film na nag-streaming sa Netflix PH ay ang Cinemalaya 2024 entry nina Jane Oineza at RK Bagatsing na Love Child.

Hindi masyadong love ng Netflix subscribers ang nasabing movie na nag-umpisang mag-streaming noong Enero 2, 2025.

Nag-peak ito sa third place for three consecutive days — Enero 3 hanggang 5 — and afterwards ay ispageting pababa nang pababa na ang rank nito.

Iyong Friendly Fire nina Loisa Andalio, Coleen Garcia, Yves Flores, at Harvey Bautista ay nag-umpisang mag-Netflix streaming noong Enero 23.

Nasa third place ito mula Enero 24 hanggang 31, eight consecutive days. Today ay nasa fourth place na ito.

UPCOMING LOCAL MOVIES ON NETFLIX

Kasado na sa Pebrero 7 ang streaming ng Tamang Panahon ni Alex Calleja.

Sa Pebrero 13 ang streaming ng highest-grossing Filipino film of all time (hindi adjusted sa inflation), ang reunion movie nina Kathryn Bernardo at Alden Richards, ang Hello, Love, Again.

Kasado na sa February 27 streaming ang unang pelikula na bida ang controversial MaThon tandem nina Maris Racal at Anthony Jennings, ang Sosyal Climbers.

Read: Maris Racal-Anthony Jennings movie, diretso sa Netflix

Streaming soon sa Netflix ang Kontrabida Academy nina Eugene Domingo at Barbie Forteza, pati ang One Hit Wonder nina Sue Ramirez at Khalil Ramos.

Ang Top 10 Movies in the Philippines Today sa Netflix:

1. Balota
2. Laura
3. Back in Action
4. Friendly Fire
5. The Sentinel
6. Crawl
7. The Secret Life of Pets 2
8. The Sandcastle
9. Black Sea
10. Faceless

GORGY RULA

Hindi lang dito sa Pilipinas ang streaming ng Balota kundi pati pala sa USA.

Hindi ko lang sure kung worldwide ito, pero natuwa ang mga kaibigan kong fans ni Marian na napanood nila roon ang pelikula ng Kapuso Primetime Queen.

Natuwa sila sa kaguwapuhan doon ni Raheel Bhyria.

Hindi pa naman daw nagna-No. 1 sa Amerika ang Balota, pero dito sa Pilipinas ay inaasahan ang pagna-No. 1 nito agad.

Abangan natin kung gaano ito katagal sa No. 1 slot.

Mag-i-stream din pala sa Netflix sa Amerika ang Hello, Love, Again na magsisimula na sa February 13.

Inaabangan na rin ito ng mga kaibigan kong nakabase sa Amerika. Tiyak na pupuwesto rin ito agad sa No. 1.

Pero pagdating ng February 27, ipalalabas nama ang Sosyal Climbers ng MaThon. Ang lakas ng promo nito.

Kaya ang saya ng mala-film festival sa Netflix ngayong buwan ng Pebrero.

NOEL FERRER

Sa Top 10 TV Shows ng Netflix Philippines ngayong Pebrero 1, Sabado, ay nasa pangalawang puwesto pa rin ang Incognito, kung saan kasama ang MaThon tandem nina Maris Racal at Anthony Jennings.

Babalik pa kaya sa top spot ang Incognito na pinagbibidahan din nina Daniel Padilla, Richard Gutierrez, Baron Geisler, Ian Veneracion, at Kaila Estrada?

Ano na kaya ang puwesto ng Incognito kapag streaming na ang Hello, Love, Again nina Kathryn Bernardo at Alden Richards?

Read: Incognito: kumusta ang premiere sa Netflix?

Kabilang sa mga seryeng mag-uumpisang mag-streaming this February sa Netflix ang Apple Cider Vinegar, Adventures of the Super Monkey: Journey to the West, Inheritance Detective, Surviving Black Hawk Down, American Murder: Gabby Petito, Melo Movie, Zero Day, at Running Point.

Ang Top 10 TV Shows in the Philippines Today sa Netflix:

1. The Trauma Code: Heroes on Call
2. Incognito
3. Sakamoto Days
4. The Night Agent
5. Dr. Stone
6. Squid Game
7. The Recruit
8. Devil’s Diner
9. XO, Kitty 1
10. Four Knights of the Apocalypse: The Seven Deadly Sins