JERRY OLEA:
Nananatiling top-grosser sa takilya ng 50th Metro Manila Film Festival (MMFF) ang “golden movie” ni Vice Ganda na And The Breadwinner Is…
Sa awards night noong Disyembre 27, 2024, Biyernes, sa grand ballroom ng Solaire Resort, Parañaque City, ginawaran ang Unkabogable Superstar ng Special Jury Citation.
Ipinagkaloob din sa pelikulang idinirek ni Jun Robles Lana ang Gender Sensitivity Award.
Read: Vice Ganda raves about success of 50th MMFF Gabi ng Parangal
NOEL FERRER:
Rizal Day bukas, Disyembre 30, Lunes. Paggunita ito sa martyrdom ng ating pambansang bayani noong Disyembre 30, 1896 sa Bagumbayan na mas kilala ngayon bilang Luneta o Rizal Park.
Kaugnay rito, mag-i-streaming sa Netflix ang restored version ng MMFF 1998 film na Jose Rizal, na pinagbidahan ni Cesar Montano sa direksyon ni National Artist Marilou Diaz-Abaya.
Ang three-hour epic na Jose Rizal ay sinulat nina National Artist Ricky Lee, Jun Lana, at Peter Ong Lim.
The restoration of Jose Rizal—done by Central Digital Lab and GMA Post Production— is part of GMA Pictures’ tribute to Philippine cinema.
Sa Enero 2, 2025, Huwebes naman ay streaming na sa Netflix ang Cinemalaya 2024 entry nina Jane Oineza at RK Bagatsing na Love Child.
Ang tanong, ilan araw kaya bago mapanood ang mga MMFF 2024 entries sa Netflix o kahit na anong streaming device?
Sana, mabigyan muna ng chance na kumita ang mga pelikula sa sinehan, bago maging available ang mga ito online. Iba pa rin ang sine.
GERRY OLEA
Teka! Ano nga pala ang nangyari sa Christmas movie nina Paolo Contis at Sienna Stevens na Dear Satan aka Dear Santa?
Tinanghal si Sienna na best child performer para sa MMFF 2024 entry na Green Bones.
Ipapalabas pa ba ng Netflix ang Dear Satan aka Dear Santa na iyan?
Don’t tell me na itataon ang streaming niyan sa Semana Santa!!!
GORGY RULA:
Sumabay sa mga sine ng MMFF 2024 itong magagandang panoorin sa Netflix at iba pang streaming service.
Noong Disyembre 26, Huwebes ay nag-streaming na sa Netflix ang second season ng Squid Game, and as expected, umarangkada ito sa Top 10 TV Shows ng Netflix Philippines.
Holiday bukas at sana, lalo pang dumami ang mga tao sa sinehan para panoorin ang mga pelikulang kalahok sa ongoing filmfest.
VICE GANDA MOVIE, MA-BREAK KAYA ANG 2023 MMFF BOX-OFFICE RECORD NG REWIND?
Kung ikumpara kasi sa nakaraang taon, hindi siya ganoon kalakas at nagdududa na kaming hindi maabot ng top-grosser na And The Breadwinner Is… ang box-office record ng Rewind noong 2023.
Ayon sa ilang napagtanungan namin, ang nakuha nilang unofficial box-office results as of Saturday, December 28, naka-PHP165M na raw ang latest movie ni Vice Ganda?
Pero may nakapagsabi rin sa akin na PHP148M daw.
Ganun pa rin daw ang pattern ng iba pang kalahok na sumusunod ang The Kingdom, ang Espantaho, at Uninvited. Pero humahataw na ang Green Bones pagkatapos ng Gabi ng Parangal.
Ang latest na nakuha naming impormasyon, halos 120 cinemas na raw itong Best Picture ng MMFF. Kaya puwedeng malaglag ang ilang pelikula kapag tumaas pa lalo ang kita ng Green Bones.
Ang ibang pelikula naman ay ipinapanalangin na ng mga producers na maibalik man lang ang puhunan nila kahit hindi na kumita nang bonggang-bongga.
Puwede naman talaga maibalik ang puhunan kapag kukunin na ito ng Netflix at iba pang streaming service.
Read: Vice Ganda wins this award at MMFF 2024 Gabi Ng Parangal