GORGY RULA
Ilang beses nang sinagot ni Andrew E. sa mga interview kung bakit ngayon lang siya nakapag-major concert sa loob ng 34 years na pamamayagpag ng kanyang singing career.
Nakatakda ang concert ni Andrew E na 1 Time For Your Mind sa December 11, 2024 ng 8:00 P.M. sa New Frontier Theater sa Cubao, Quezon City.
Read: Andrew E., 34 taon ang hinintay para sa first major concert
ANDREW E. ON FRANCIS M. AND MICHAEL V.
Nakilala si Andrew E at pinasikat ang rap sa first single niyang "Humanap Ka Ng Panget."
Kahit sinasabing siya ang unang nagpasikat ng pagra-rap, para sa kanya ay si Francis Magalona talaga ang unang nag-introduce ng rapping sa Pilipinas.
“Si Francis M. ang unang naglabas ng album. September of 1990, si Andrew E. ay December of 1990, three months after,” pakli ni Andrew E. nang nakapanayam ng PEP Troika sa DZRH nung nakaraang linggo.
Nung pinasikat ni Andrew E. ang kauna-unahan niyang single na "Humanap Ka Ng Panget," sinagot ito ni Michael V. ng "Maganda Ang Piliin (Ayoko Ng Panget)."
Dito rin nakilala si Michael V dahil sa mga magaganda nitong awitin pagkatapos mag-hit ang "Maganda Ang Piliin."
Napangiti si Andrew E. nang hiningan namin ng reaksiyon sa pagpasok ni Michael V nung kasikatan niya.
Aniya, “Basically ano, nai-adapt ko naman sa buhay ko yan. Itong aking maybahay na si Mylene, ang sinunod ko ay si Michael V. Maganda ang piliin.
“Si Mylene, yung aking maybahay, sinunod naman niya ang payo ko. Humanap ka ng panget. So, yun.”
Para kay Andrew E, hindi niya kakumpitensiya si Michael V. nung panahong yun.
“Kasi nung dumapo na si Michael sa industriya, nasa pag-aartista na ako nun e. You know, my attention and my preparatory inkling for my artistry is already in the movie making. Wala na sa recording at that time dumating siya.
“So, ang palagi kong pinaghahandaan dati is how to act better, how to follow suit with the director, kung papano yung direction niya, kung paano ko pag-aralan ang mga ganito’t ganyan.
“And at the same time yung kapwa artista, minimuwestra ko sa sarili ko kung paano magiging mukhang artista, at maging kilos artista. Something like that, you know.
“So, sa kilos-artista, nadadalian ako. Dun sa mukhang artista, nahihirapan ako, e!” natatawang pahayag ni Andrew E.
Read: Andrew E. cites reasons he is still a hit even with new audience
NOEL FERRER
Hindi madali ang mga pinagdaanan ni Andrew E noong pumasok siya sa music industry dahil ipinakilala niya ang rap na hindi pa alam ng lahat.
“Nung nagra-rap ako nung araw, yun lang po yung bitbit kong talent. Wala po akong bitbit na gandang lalaki, hitsura. Wala po akong you know… hindi po ako mestizo,” lahad ng veteran rapper.
“Hindi po ako ipinanganak na merong magulang na nasa industriya. Wala akong padrino, wala akong lahat, wala akong tulay, wala akong agency. Wala po lahat.
“Ibig ko pong sabihin, salat po ako sa lahat. Ang meron lang po ako ay talent. And at that time, nung 1991 or before 1991, hindi pa po alam ng Pilipino ang rap.
“Kaya imadyinin nyo po, ang tanong ko, paano niyo po ipakilala ang isang bagay na hindi pa nakikita ng karamihan? Ang hirap.”
Pero ngayong ang dami nang sumikat sa pagra-rap, nagpapasalamat siya na hindi na sila gaanong nahirapan dahil alam na ng lahat ang istilo ng awiting pinasikat niya.
“Ang pakiramdam ko po, with all honesty, natutuwa po ako hindi dahil sa dumami ang rapper. Hindi po yun. Madali nang ikatuwa yun, e.
“Yung ginaya po ako ng rapper or sinundan yung yapak ko, hindi po yun. Kasi napakadali i-appreciate yun e.
“Ang ikinatutuwa ko po ay nung panahon na dumami ang rapper ay naging madali nang ipakilala yung sarili nila, in comparison dun sa panahon ko na napakahirap at hirap na hirap akong ipakilala yung sarili ko,” saad ni Andrew E.
Read: Andrew E. weighs in on current generation of Pinoy rappers
By the way, kabilang sa special guests sa 1 Time For Your Mind concert ni Andrew E sina Martin Nievera, Regine Velasquez, Salbakuta, Anygma, at Heaven Peralejo.
Abangan kung makakasalo ni Andrew E. si Heaven sa pagkanta ng "Banyo Queen"!
JERRY OLEA
Sumadsad ang career ni Andrew E sa local showbiz noong 1997. Hindi na siya pinapirma muli ng Viva.
Nagtrabaho siya sa Tokyo, Japan noong 1997-2000, at doon siya na-inspire na buuin ang rap song na "Banyo Queen."
“Yung duration ng entertainer’s visa ko is three months,” pagbabalik-tanaw ni Andrew E. nang makatsikahan namin noong Setyembre 8, 2024 sa Okada Manila.
“So 90 days. Yun lang naman ang allowed. So 90 days, after 90 days, balik ka dito for 5 days, konting bakasyon, puntahan mo ang mga magulang mo, kumustahin mo.
“Then after that, balik-Japan ka.”
Nagkaproblema siya sa finances noon habang nasa Tokyo?
“Noong kick off, siyempre medyo coming from nowhere. Di ba, coming from here, going to there, start from scratch,” pagtatapat ni Andrew E.
“To the extent na ang kaya ko lang kainin dun ay pasta. Kasi pasta ang pinakamura sa Japan. Kasi hindi nila staple food yun, e.
“Ang staple food nila is rice and ramen. At the time, I cannot afford ramen every day. I cannot afford rice and meat every day. I cannot.
“Ang afford ko lang is pasta. So every day akong pasta. Kasi yun ang pinakamura talaga, 900 yen.”
Read: Andrew E. reveals his inspiration for "Banyo Queen"
ANDREW E.'S LIFE IN JAPAN
Mag-isa lang noon si Andrew E sa Japan. Wala siyang girlfriend.
“Single ako. So it’s what you call a solo adventure talaga… nung nagpunta ako ng Japan, alone, lonely, with nobody,” sambit ni Andrew E.
“Pagdating sa condo ko, nobody. I mean, you know hindi ako sanay dun. I mean, di ba, sa Pilipinas, may I say you’re a star.
“You know, pagdating mo sa Pilipinas, nakahain na yung ano mo, whatever. Dun, hindi. Pupunta ka sa convenience store, ikaw ang bibili.
“Tapos pag-uwi mo, kunyari hindi ka pa ready na magluto, walang magluluto sa yo, nakatiwangwang yung food mo.
“And then oo nga, sa kama ko, bundle-bundle ang pera, pero yung lungkot, I mean, you know.
“Sabi ko, ‘Better na ito, kesa sa Philippines na kasama na yung lungkot, kasama pa yung hirap.’”
Dahil sa pagtitiyaga, nagkatotoo kay Andrew ang banter nila — Japan, Japan, sagot sa kahirapan!
Read: Andrew E., nanindigang walang naging girlfriend na artista
ANDREW E. DECIDES TO RETURN TO THE PHILIPPINES
Bakit nag-decide siyang bumalik sa Pilipinas sa halip na mag-settle sa Japan?
“Ahhh you know what, wala akong desisyong bumalik! In fact I was ready to marry somebody who’s Japanese!” bulalas ni Andrew E.
“And I had a girlfriend, Japanese! Staff ng McDonald’s. Siyempre, dadalaw ka sa kanya, so nakapila ka sa ano, di ba, pero may dala kang rose, di ba, or whatever.
“Now, dahil nga yun ang inaasahan mo, so feeling mo, no turning back. Kasi, dito na yung maybe ito yung future mo. So, pagsikapan mo na ito and all that.
“And then the next big thing that came to me was when my shachou said, told me, sa Tagalog, ‘Andrew, nakausap ko yung Sony Japan, they want a meeting with you.’
“Wow! OK, so nag-meeting kami, at naitago ko pa yung tarheta. Yung tarheta, yung calling card ng vice president ng Sony Japan, ang ka-meeting ko.
“They want to buy my song, yung Japanese song, 'Bakajanai.' Gumawa ako ng dalawang Japanese song. They want to buy 'Bakajanai.'
“BUT my preference. Ito pala sa Japan, ang culture preference, ‘Bibilhin ka namin, susuportahan ka namin, gagawin ka naming artist, pero you have to renounce your citizenship.’
“So here’s the deal. Eto ngayon si Andrew E, nag-iisip. Yung shachou ko, tuwang-tuwa. Bale-wala sa kanila yun, e, Japanese sila. Parang, ‘O, ano, OK ba yun?’
“Siyempre tuwang-tuwa siya. Pero ako, ‘You know what, can you give me one week? I wanna go home, uuwi ako ng Pilipinas, magpapaalam ako sa magulang ko, and I’ll tell them about the citizenship change. And then I’ll come back.’
“‘OK, we’ll wait for you. We’ll have a meeting next week.’ So, call na yun, ha? Pati yung promise nila na kapag pumirma ako at nagpa-sign ako, pag nag-sign ako sa kanila, TBS, Tokyo Broadcasting System is ready for my first guesting."
Read: Andrew E., sinagot ang plagiarism issue sa "Humanap Ka ng Panget"
HOW ANDREW E. MET HIS WIFE
Pagpapatuloy ni Andrew E.: “Mukhang eto na yun, eto na yun talaga, yung pinapangarap ko. So uwi ako ngayon. E, meron akong Fedex, di ba? You remember, meron akong Fedex na franchise, di ba, nung panahon na yon.
“So yun ang pinopondohan ko habang nagke-create ako ng ano. Sa magulang ko yun, and tinutulungan ko rin sila.
“Umuwi ako. Lo and behold, customer ko, yung aking asawa. So eto na ngayon, sandali… pero wala akong inisip. Walang inisip, kustomer lang siya.
“Sabi niya, ‘Sir, magkano ho yung Canada?’ Kasi, Fedex, magpapadala siya. Sabi ko, ‘Sige, tatawagan kita pag binebenta na ang Canada.’ ‘Hindi ho, yung magpapadala.’
“‘Ahhh! Sige ganito, akina yung number mo,’ di ba, at the time, uso yung EasyCall? Japan pa lang ang may callphone noon, advanced sila, e.
“So dito, ‘Akina yung EasyCall mo. And then pag OK na, tatawagan kita whatever.’ Ganun, OK na.
“Kasi tomorrow, balik na ako ng Japan. Remember, one week lang ang ibinigay sa akin. So bumalik ako ng Japan. So three months again. 90 days again.
“Pag-uwi ko, I forgot na yung pantalon ko na sinuot ko papuntang Japan, yun din ang pantalon ko pauwi.
“You know di ba, the usual. Di ba, pantalon mo papunta roon. Pagdating mo, hubarin mo na. Then after three months, uuwi ka ulit, di ba, whatever whatever.
“Pero wino-workout na namin yung Japanese song, remember. Paglanding ko dito sa NAIA, tumunog yung beeper ko. Dala ko kasi yung beeper ko sa Japan.
“So trrttt trttt trrrttt! Tumutunog! ‘Ay! Dala ko pala yung beeper ko!’ From Japan, ha, dala ko pauwi. ‘Hi there, this is Mylene, do you remember me?’
“Sino itong Mylene? Siyempre three months, you know. Binigay ang number. Tinawagan ko. ‘Hello, honestly, hindi kita maalala pero remind me.’
“Tapos sinabihan ko, ‘Mamayang gabi, nasa Mars [discotheque sa Makati] ako, magpakita ka sa akin.’
“Nagpunta siya. ‘Ay, oo, naalala na kita, yeah yeah. Kumusta ka?’ ‘Kasama ko ang mga friend ko.’
“Ngayon, umano siya, ‘Pshwshwshh!’ Gumanun siya sa mga friend niya. Sabi ko, ‘Ba’t kaya gumaganun?’
“Parang sabi kasi nung ano, ‘Mylene, umuwi ka naman sa inyo.’”
Sa Boracay?
“Hindi niya sinabi. Kasi hindi ko alam na taga-Boracay siya. Sabi ko, ‘Hindi ka na ba umuuwi sa bahay ninyo?’ ‘Ahh hindi, sa ano yun, sa province namin.’
“‘Saan?’ ‘Sa Boracay.’ ‘Ahhh OK, ganito na lang, kita tayo uli, ganun-ganun. Siguro, mag-lunch tayo.’
“Kasi ang utak ko, nandudun na sa Japan, e. Ginawa ko na yung kanta. Everything, nag-mix na kami and all that.
“While here, eto yung nag-twin situation. Tumawag sa akin ang Sony Philippines. ‘Andrew, nabalitaan ko, wala ka na raw sa Viva.’ Remember, di ba, hindi na nga nag-sign.
“‘Sino ito?’ ‘Si ganito-ganito ng Sony Philippines. Try mo naman kami.’ ‘E, ano, kapatid, nakaano na ako sa Sony Japan. Although Sony Philippines kayo, nakaoo na ako sa Sony Japan.’ ‘Try mo lang kami.’
“At that time, nagawa ko na yung 'Banyo Queen.' So, dinemo ko sa kanila. Eto na ngayon, bumalik na ako ng Japan, tumatawag naman yung local long distance.
“‘Andrew, nagustuhan namin yung kanta. How much?’ Problema. Namimili ako ngayon, ‘Tsaka na! Tsaka na kasi aanuhin ko pa ito.’
“And then here’s the deal. Nanaig yung remembrance ko sa future wife ko. Parang… tawagan ko kaya?
“So naglo-long distance ako. Yung call card, di ba, uso nun, yung call card? Yung tigwa-one thousand yen.
“Nauubos ang pera ko dun. Parang gabi-gabi, tumatawag ako. And then nasa Boracay siya.
“Anyway, suma tutal, ang nanaig, bumalik ako rito para gawin yung song. Hindi ko na cinall yung ano, at nakipag-break na ako sa Japanese girl.”
Naging big hit ang kantang "Banyo Queen."
Nagbunga ng tatlong supling ang pagmamahalan nina Mylene at Andrew E.
Magpe-perform si Andrew E at ang tatlong anak nila ni Mylene sa first ever major concert niyang 1 Time For Your Mind.