JERRY OLEA
Gumanap si Ketchup Eusebio bilang anak ni Vilma Santos sa 1993 movie na Dahil Mahal Kita (The Dolzura Cortez Story).
Ngayon lang sila nagkasama uli sa pelikula, sa MMFF 2024 official entry na Uninvited. Hindi sila mag-ina rito. “
Meron akong isang kasalanan sa anak niya,” sambit ni Ketchup sa grand launch ng Uninvited noong Nobyembre 20, 2024, Miyerkules ng gabi, sa Solaire North, Quezon City.
Read: Vilma Santos "binantaan" si Aga Muhlach sa kanilang reunion movie
KETCHUP ON UNINVITED CINEMATOGRAPHY
Kasama si Ketchup sa MMFF 2023 entry na GomBurZa, na pinakamaraming awards sa filmfest last year.
Ito kayang Uninvited ang hahakot ng awards sa golden edition ng MMFF?
Natawa si Ketchup, “Ayokong i-jinx pero we have a lot of faith with the quality ng team na ginawa.
“Not just yung acting pieces but ang ipinagmamalaki namin dito is for me, personally, is the cinematography…
“The party itself is not shot in just one house. So it’s different locations just to create the image of one big mansion.
“So they’re very keen and very meticulous kung ano yung look na gustong gawin just to create that image ng billionaire’s party.
“So they’re very proud na na-pull off ng team.
“And also, for me, for our cinematography team, there’s like this set of new lenses that we’ve used for the film, it’s the first time na-introduce with the help also of our partner CMB…
“It was the first time that’s being used in the Philippine industry.”
Kaabang-abang daw ang anamorphic shots sa Uninvited.
“Kumbaga, pag-uusapan mo yung landscape ng hitsura. Iba yung hibla ng mga shots na ito,” sambit ni Ketchup.
“So aside from the acting, you watch out for those shots. So, we’re very proud of that.”
Maliban kina Vilma at Ketchup, nasa cast ng Uninvited sina Aga Muhlach, Nadine Lustre, RK Bagatsing, Mylene Dizon, Lotlot de Leon, Gabby Padilla, Elijah Canlas, Gio Alvarez, Cholo Barretto, Ron Angeles, Nonie Buencamino, at Tirso Cruz III.
Read: Tirso Cruz III aminadong sensitibo ang paksa ng Uninvited
GORGY RULA
Napapangiti si Ketchup Eusebio na ikinuwento sa PEP Troika na six years old pa lang daw siya noong nakatrabaho niya si Ms. Vilma Santos sa pelikulang Dahil Mahal Kita (The Dolzura Cortez Story) na idinirek ni Laurice Guillen.
Pero hanggang ngayon ay nandiyan pa rin daw ang pangamba kapag nakakaeksena niya ang Star For All Seasons. Aminado siyang nai-starstruck pa rin siya.
“Ayoko po magpa-Take 2, kasi nakakahiya mag-mess up siyempre. So, as much as possible yung sa rehearsal, when we have a very effective and efficient kind of process while we shoot.
“So, everything naman na kailangan i-prepare, na-prepare namin bago namin makukuha yung actual take.
“So, we prepared pretty ano naman, pretty well bago ma-take ang eksena,” napangiting pahayag ni Ketchup.
Read: Vilma, Aga, at Nadine sanib-puwersa sa MMFF 2024 movie Uninvited
IS KETCHUP EXPECTING AN ACTING AWARD?
Isa sa pinakamagagaling na aktor si Ketchup. Hinding-hindi ko makakalimutan performance niya sa Heneral Luna (2015) at Mamang (2018). Kaya malay natin, baka mapansin din siya uli dito sa Uninvited.
Pero ang lakas ng iling ni Ketchup sa tanong kung umaasa ba siyang magka-award dito.
“No! Wala kaming iniisip na… just the mere fact that we’re called to participate in the film, that’s already a win-win for us na.
“So, very grateful din ako na had the chance with friends. That’s also my top priority in picking jobs right now. I really had a very good relationship with Dan [Villegas] and our cinematographers, our producers. So, bonus na lang sa amin yung trabaho.
“It’s more on… kami, ako mas more on hanging out. Every time na may call time okay, kahit ano pinapagawa basta magkasama kayo,” sabi pa ni Ketchup.
Read: Ketchup Eusebio, excited na maging daddy
NOEL FERRER
Nakaka-proud lang na ang mga kasama ni Ate Vi at Aga sa Uninvited ay pawang mga award-winning actors and actresses.
Aside from Ketchup, himself a Gawad Urian Best Supporting Actor awardee, nasa Uninvited si Gabby Padilla na Cinemalaya Best Actress.
Kasama ni Ketchup sa play na Tiny Beautiful Things with Iza Calzado.
Tapos nandyan pa sina Elijah Canlas, Mylene Dizon, at Nadine Lustre na pawang mga Urian Best Actor and Best Actresses din! Powerhouse cast talaga!
I am looking forward to this movie, as much as the other entries din ng 50th MMFF!