GORGY RULA
Kumuha kami ng update sa reklamong acts of lasciviousness na isinampa ni Rita Daniela laban kay Archie Alemania.
Read: Rita Daniela, sinampahan ng acts of lasciviousness si Archie Alemania
Nagpainterbyu si Rita kay Nelson Canlas para sa 24 Oras.
Pahayag ng Kapuso singer-actress, “I’m really trying my best to be okay because I have to.
“I have to be okay. I have no choice because siyempre, there’s a person who is depending on me. If bibigay ako, mas kawawa si Uno, mas kawawa yung anak ko.”
Isang taong gulang pa lamang ang anak ni Rita na si Uno. Hiwalay na sila ng ama nito, ngunit maayos daw ang kanilang co-parenting.
Read: Rita Daniela speaks up after filing complaint vs Archie Alemania
ARCHIE ALEMANIA, HINDI PA RIN NAGSASALITA
Si Archie naman ay hindi pa rin sumasagot at wala pa rin siyang inilalabas na statement.
May ilang malalapit sa kanya ang nakausap niya, at itinatanggi raw nito ang reklamo sa kanya ni Rita.
May nagsabi rin sa aming pinag-iisipan din umano ni Archie na magsampa ng reklamo laban kay Rita.
Tingnan na lang natin kung ano ang sagot niya sa reklamong ito ni Rita.
Sa December 3 ay magsisimula na ang preliminary investigation ng reklamong inihain ni Rita.
Sabi ni Atty. Maggie Garduque, ang legal counsel ni Rita, hindi pa kailangan doon ang kanyang kliyente kaya hindi pa sila magtatagpo ni Archie.
Si Archie ang inaasahang dadalo dahil kailangan niyang sumpaan ang isusumiteng counter-affidavit sa Prosecutor’s Office ng Bacoor City.
Read: Rita Daniela details text exchange with Archie Alemania
NOEL FERRER
Paano na ang showbiz career nina Rita at Archie?
Ayon sa Kapuso insider na nakausap ng PEP Troika, wala raw ibibigay na show ang GMA Network kay Archie.
Si Rita ay nasa All-Out Sundays. Mabibigyan pa kaya siya ng ibang show?
Iyong album ni Rita, kailan kaya ire-release?
Kailangang magtrabaho nina Rita at Archie para may pantustos sakaling umakyat sa korte ang reklamong ito.
JERRY OLEA
Nalalanghap na natin ang simoy ng Pasko, pero mainit pa ring pinag-uusapan ang mga kasong kinasasangkutan ng mga Kapuso.
Andiyan ang kasong estafa laban sa dating ka-loveteam ni Rita na si Ken Chan, at ang mga usaping kahalayan ng reklamo ni Sandro Muhlach at ng mga dating GMA artists na sina Gerald Santos at Enzo Almario.
Read: Ken Chan breaks silence on syndicated estafa case: "Hindi po ako nanloko ng tao."
Nakakaintriga, at ewan kung “nakakapag-init” ang bagong awit ni Gerald na ang title ay… "Hubad."
Noong Huwebes ng hapon ay naglaro si Enzo sa Quizmosa ng TV5. Winner siya sa game show hosted by Ogie Diaz.
Noong Oktubre pa natin naulinigan na isa raw dating aktor ang may payanig kaugnay sa pang-aabuso sa kanya ng isang malaking personalidad sa showbiz.