JERRY OLEA
Tapos na si Jake Cuenca sa era na nilulunod sa alak ang lungkot o depression.
“Parang I think, parang sabi ko, this time around, parang I was able to really put that behind me na,” sambit ni Jake sa chikahan nitong Oktubre 26, 2024, Sabado sa Supersam restaurant, Sct. Rallos St., Quezon City.
“Yung I can confidently say now na hindi na ako iinom ever for the rest of my life. And then parang, because parang of the outcome, di ba?
“Because of kumbaga moving on and making those decisions, nakita mo all these great things happen in your life.
“So parang andun na ako sa this is the right path. This is the right decision. It might not be the easiest kasi siyempre you have to keep quiet and behaved, di ba?
“Be patient. Hindi siya madali minsan pero you just have to trust the process. Trust God na ito iyung tamang path.”
Yung pag-iwas sa alak, napag-usapan ba nila ni Baron Geisler na co-star niya sa Netflix original film na The Delivery Rider?
Tumango ang 36-anyos na Kapamilya actor, “Yeah. Actually, well ako naman, with yung journey ni Baron with his sobriety, I wish him all the best.
“Like, good luck and Godspeed! Alam ko kung gaano kahirap yun, and I don’t fault people for making mistakes kasi, if you fall off or merong mangyari sa yo.
“Kasi I can tell you now, e. Na quitting alcohol was the most difficult thing I ever had to do. Talagang ang hirap!
“It’s hard and then you go through a problem and then you wanna drink din, alam mo yun.
“And then you have to really parang go through obstacles to confidently say na, ‘OK, hindi na ako iinom.’
“I’ve put in so many years na I can confidently say, ‘Hindi na ako iinom.’ But like a year is not even enough to say that.
“Parang two years you’re just getting the confidence to say it. On the third year mo masasabi na, ‘OK, I can live without ever drinking again.’
“So kay Baron, it’s a long road ahead. And for whatever his accomplishments, sobriety, congratulations and Godspeed!
“And good luck, mahirap talaga siya.”
Nagkasama rin sina Jake at Baron sa Kapamilya primetime series na The Iron Heart (Nobyembre 2022-Oktubre 2023), sa direksyon nina Richard Arellano, Lester Pimentel Ong, Wang Yan Bin, at Ian Loreños.
NOEL FERRER
Sabi ni Baron Geisler, swak sa Kapaskuhan at Bagong Taon ang istorya ng action movie nila ni Jake Cuenca na The Delivery Rider.
“Yeah, yeah, yeah. I hope na actually, kung maging Christmas [offering] ito, perfect!” bulalas ni Jake.
“Talaga if you ask me, may mga narinig ako, e. They don’t wanna discuss pa the final date pero napanood ko na yung main picture.
“We had to dub it. Napanood ko yung movie. My God! Nakaka-proud yung pelikula!
“Sabi ko naman, lagi kong bubuhatin ang bangko ng Iron Heart. My directors there… they’re the best.
“Even itong susunod nilang show, Incognito with Richard [Gutierrez], Baron, and all of them, good luck and Godspeed sa show nila!
“And I’m so sure it’s gonna be a great show. Kasi those directors for me are the best.
“So exciting itong movie namin ni Baron. And sabi ko nga, at least, pag nakita ng tao itong movie na ito, magtataka ka talaga kung sino yung kontrabida sa pelikula namin.
“Kasi sobrang intense nung movie,” sabi ni Jake, na mafia boss ang karakter sa The Delivery Rider.
Ibang klase si Jake, ano? Ang sarap lang kausap, as in kakaiba na ang pananaw sa kanyang buhay at naging tunay na aktor na talaga ang bokasyon!
Bravo, Jake!
GORGY RULA
Matagal nang magkakilala sina Jake Cuenca at Baron Geisler. Naitawid nila ang grabeng action scenes nila sa The Delivery Rider.
“Working with Baron, I think, at this point in our lives, at this age, it was so much more parang collaborative, I would say,” sabi ni Jake.
“I think parang at our age, siguro with how long we’ve known each other, we’re so much open to each other’s suggestions.
“In fact, like, parang kahit sa fight scenes, we’re really helping each other out, we’re really pushing each other to make the best scenes we could.
“So parang sabi ko nga, my experience working with him in this movie was a really good one upon looking back.
“Sabi ko, ang galing! Kasi if you really think about it, parang kung direktor ka, matatakot ka sa aming dalawa, e! ‘My God, anong mangyayari dito?!’”
Nag-clash ba sila ni Baron nang todo? Nagkasakitan?
“May days and I’m sure, I’m sure natamaan ko din siya! I’m sure. Kasi nakahanda kami,” pagtatapat ni Jake.
“Alam namin na hindi magiging madali yung movie. Alam namin, magiging masakit ito. There’s gonna be accidents.
“Kasi kung ganito kalala yung fight scenes na pinapagawa, imposibleng wala. So may understanding na kami dun.
“May days na umuwi ako na may mga sugat, I’m sure ganun din sa kanya.
“Pero yung feeling na on the way home, kahit may sugat ka, kahit may mga galos ka or scratches, e, satisfied ka. Kasi ang ganda ng eksena!
“And when I look back, pag tinitingnan ko yung sarili ko sa salamin pag-uwi ko na may galos, parang I’m proud of my scars.
“Kasi sabi ko, ‘God, pag napanood nila itong pelikula namin ni Baron, they’re gonna love this movie!’
“So it was worth all the aches and pains, and all the bruises and all the blood shed. It was worth it. Worth it talaga.”
Paano ang turingan nila ni Baron sa shooting?
Napangiti si Jake, “I can share one instance na may scene na nagkaaksidente, natamaan ko siya. So naramdaman mo na, 'Hmmpphh..!' Ganun, hino-hold niya yung patience niya.
“'Tapos nagkataon, yung ako naman ang natamaan niya, 'Hmmpphh..!' Ganun tapos parang binigay na lang namin sarili namin sa eksena.
“And then parang ano nga, parang ang nangyari, after every sequence ng fight, para siyang round ng boxing.
“Pupunta siya sa corner niya. Pupunta ako sa corner ko. Yung fight choreographer, minamasahe siya. Minamasahe rin ako ng choreographer ko.
“Then after every scene, yakap! Parang pagmamahal. Pero dun sa gitna nung eksena, yung laman ng eksena, talagang…
“I mean it really looked like papatayin namin ang isa’t isa.”
Ang main director ng Netflix original film na The Delivery Rider ay si Lester Pimentel Ong. Tumulong si Wang Yan Bin sa ilang fight scenes.