JERRY OLEA
May skin exposure si Tony Labrusca sa psychological drama thriller na What You Did.
“Doon naman po sa trailer na nilabas namin, I think you’ll get a hint of it,” sabi ng writer-director ng movie na si Joan Lopez-Flores sa mediacon noong Agosto 27, 2024, Miyerkules, sa Pandan Asian Café, Sct. Limbaga St., Quezon City.
“But I want people to see why it’s there, you know — not just the fact that it’s there.
“It’s something na we discussed also when we filmed na inevitably, the character… huwag na, baka mag-spoiler ako. Panoorin niyo na lang po!”
Read: Tony Labrusca on being oversexualized and exploitation in showbiz
Kinumusta ng PEP Troika kay Tony ang pag-shoot ng nasabing eksena.
Napangiti ang hunk actor, “Ako kasi yung type na ayoko ng nasa gitna. It’s either we go all the way or, like… huwag na yung pa-cute na lang.
“So, nung ginawa namin yung scene, sabi ko, ‘Sige, Direk, itodo na natin ito!’ Ha! Ha! Ha! Ha! Ha! OK naman.”
Todo, as in all out?
Pag-amin ni Direk Joan, “Ako actually ang nagho-hold back, e. Kasi, I don’t want the film to be spoken about just because of… oh, my God!”
Singit ni Tony, “Hindi naman, hindi naman! I don’t think so. We did it really well.”
Dagdag ni Direk Joan, “We did it in such a way na it feels palpable. Kumbaga, the scene is powerful enough in that sense, na merong ganung sexy scene.”
MTRCB RATING
May target rating ba sila sa MTRCB?
“Actually, I was hoping for a PG-13. Sana po, mapagbigyan. Hindi ko pa po alam kung ano ang final rating ng MTRCB,” tugon ni Direk Joan.
“We’re on the process of getting the final rating.”
Sambot ni Tony, “Maybe, maybe, like, aside from the sexy scenes, it’s just the themes that the movie deals with might make it a mature movie.”
Napatango si Direk Joan, “It might, yeah. So, baka maging R-16 pala siya.”
Pero hindi siya R-18?
Sey ni Direk Joan, “Feeling ko, hindi naman po. Gusto ko, even the people younger than 18 would be able to appreciate this, e.”
Ang What You Did ay isa sa pitong full-length finalists ng Sinag Maynila 2024 filmfest, na gaganapin sa Setyembre 4-10.
Ang anim pa ay Her Locket, Salome, Maple Leaf Dreams, Talahib, Banjo, at The Gospel of the Beast.
PHP200 ang ticket price ng entries sa 6th edition ng Sinag Maynila, na mapapanood sa Gateway Cineplex 18, Robinsons Galleria, Robinsons Manila, SM Fairview, SM Mall of Asia, SM Manila, SM Megamall, SM North EDSA, SM Southmall, SM Sta. Mesa, at Market Market.
Read: Tony Labrusca grateful for "scary, challenging, rewarding role"
NOEL FERRER
Nae-enjoy ba niya kahit konti na pinapantasya siya o pinagnanasaan?
Napangiti si Tony, “It is flattering. Yes, it is flattering. I mean, that’s why… ahh no, huwag na. Yes, it is flattering! Ha! Ha! Ha!”
Nakakatanggap ba siya ng indecent proposals via socmed?
“I wish I got more actually,” pilyong sagot ng hunk actor.
“No, honestly, it’s just like… it’s whatever, you know. If you get an indecent proposal, it’s up to you if you wanna reply.
“Hindi naman ako nababastusan kahit magkaroon ng indecent proposal.”
Ano ang pinakamalaking offer?
Natatawang tugon ni Tony, “Secret!”
Read: Tony Labrusca on junked sexual harassment case against him
GORGY RULA
Matagal-tagal ding wala tayong balita kay Tony Labrusca. Mabuti at meron siyang pinu-promote para sa Sinag Maynila.
Ang pagkakaalam ko ay meron din siyang gagawing pelikula sa 3:16 Media Network na ididirek ni Joel Lamangan.
Pero teka, tila hindi napo-promote nang mabuti itong Sinag Maynila indie filmfest. Mabuti at masipag ang ibang film producers na i-promote ang entry nila.
So far, ang alam ko pa lang ay kasali itong What You Did ni Tony Labrusca, ang Her Locket ni Rebecca Chuaunsu, ang Talahib, at ang The Gospel of the Beast na napansin na ng mga Manunuri sa nakaraang Urian Awards.
Yung iba, wala akong ideya kung anong klaseng pelikula ang mga ito.