JERRY OLEA
Inilunsad ang 2nd Puregold CinePanalo Film Festival noong Hulyo 23, 2024, Martes, sa Gateway Cineplex 18 sa Cubao, Quezon City.
Ipinagmalaki ng festival director na si Direk Chris Cahilig at ng senior marketing manager ng Puregold na si Miss Ivy Piedad na bigger and bolder ang 2nd CinePanalo filmfest na nakatakda sa Marso 14-25, 2025.
Read: 'Pushcart Tales,' 'Under A Piaya Moon,' humakot ng award sa 1st CinePanalo Film Festival
Pitong full-length directors ang tatanggap ng production grant na tatlong milyong piso (P3M), samantalang 25 student short film directors ang magkakamit ng production grant na one hundred and fifty thousand pesos (P150,000).
Kagaya ng inaugural CinePanalo filmfest noong nakaraang Marso, ang tema pa rin ng filmfest ay “Mga Kwentong Panalo ng Buhay.”
Ibig sabihin, ang konsepto ay dapat pampamilya, nakaka-inspire, at wholesome. Matic na rejected iyong mga nasa genre ng horror, fantasy, sex, at suspense.
Keri ang genre na comedy, drama, romance, historical, sports, action, animation, musical, sci-fi, adventure, at maski documentary.
Ang deadline ng pagsusumite ng script para sa full-length films (90-120 minutes) ay Hulyo 30, 2024, Martes ng 11:59 P.M.
Para sa student short films (15-20 minutes), ang deadline ay sa Agosto 15, Huwebes, ng 11:59 P.M.
PRE-READING OF SCRIPTS
As of Tuesday ay 121 scripts ng full-length films na ang naisumite. Inaasahan ng organizers na more or less ay 50 scripts pa ng full-length films ang isa-submit.
Pahayag ni Direk Chris, “May initial kaming pre-reading. Again we pre-read because… for both stundent saka full-length, ha?
“We pre-read because a lot of them have themes na hindi acceptable sa festival. Like, minsan may nagsa-submit ng medyo sexy film, or horror film.
“Or something else na alam mo nang hindi puwede, ini-insist mo pa ring i-submit. Yung mga ganun. So we kinda weed out those na medyo gaagas na masyado ang story.
“Halimbawa last year, meron tayong film na may road trip with a kid. Kapag may mag-submit this year ng road trip with a kid, more likely pasensiya na po, nagamit na iyan last year. So, hindi na siya pasok.
“So right now, we’re really screening each film. Siyempre we also had to make sure that the filmmakers, bago man iyan o luma man iyan, have a good reputation.
“Because we’re talking here of siyempre resources also. We have to make sure that the funds land to the deserving filmmakers.”
Sa Agosto 15 ia-announce ang labinlimang nasa shortlist ng full-length films. Sa Agosto 24 isisiwalat iyong seven winning pitches.
Excited na sabi ni Direk Chris, “And guys, just to give you a little bit of a tease… insanely crazy batch this year.
“Yung 121, you can see so many big names. So many exceptionally promising filmmakers submitting, first-time filmmakers.
“So we’re really hoping to have a really good batch of films this year… talagang pahirapan bago pumasok.”
Read: Hosts ng 'Eat Bulaga!' at 'It’s Showtime,' welcome na welcome sa CinePanalo Film Festival
GORGY RULA
Naghandog ang Puregold ng thanksgiving concert na Nasa Atin Ang Panalo noong Hulyo 12, 2024, Biyernes, sa Araneta Coliseum.
Tampok doon ang SB19, BINI, Flow G at Sunkissed Lola, plus guests Gloc-9 and Skusta Clee.
If ever, puwede bang mai-cast ang BINI o SB19 sa 2nd CinePanalo filmfest?
Sagot ni Miss Ivy Piedad, “Iyan ay napakalaking pangarap din natin. So abangan po natin, tingnan natin what the surprises will be in this year’s festival.”
Sa 121 naisumiteng script na nakalaan sa maraming big stars ang roles, anong assurance na iyong malalaking artistang iyon ang maika-cast sa CinePanalo 2024 filmfest?
Tugon ni Direk Chris, “Actually, wala naman. Kasi ahhh during the feasibility… kasi, di ba, they need to pitch. So sa pitch, doon nila idi-disclose yung talagang agreed na mga cast and crew.
“So nagkakaalaman lang talaga kung sino yung cast and crew during the pitch na, and sometime it even changes. Kasi minsan biglang nagkakaroon ng conflict ng schedule, or something else.
“So very open naman ang CinePanalo for that. Of course sa amin, inasmuch as possible, we want a really beautiful mix of like good casting.
“Siyempre parang dapat bagay sa kanya yung role. Pero bonus actually kung medyo sikat yung artista. Kasi nakakatulong yun sa pelikula.”
SB19 AND BINI AS STARS IN FILMS?
Malaking bagay siyempre kung mai-cast sa festival entry nila ang SB19 or BINI na identified bilang endorsers ng supermarket brand, di ba?
Napangiti si Miss Ivy, “Siguro kagaya ng surpresa ng concert na napagsama sila, di ba? So, siguro ito din yung gugustuhing makita ng fans nila.
“Kasi I think they haven’t been shown in like a film or a series, di ba? So actually, kanina lang po nag-tweet kami na Puregold CinePanalo is rolling on its Year 2.
“Yung mga comment sa amin, ‘Dalhin niyo diyan si SB19!’ ‘Dalhin niyo diyan si BINI,’ ganyan. So tingnan po natin kung ano ang makakaya this year.
“Sana din po, it will be a first for them.”
Read: Karen Davila accused of discrediting SB19 in favor of BINI
PAGTATAG DOCU
Doon sa thanksgiving concert ini-announce na sa Agosto 28 iso-showing sa local cinemas ang Pagtatag! The Documentary ng SB19. Susuportahan nila ang pagpapalabas nito?
Mabilis na tugon ni Miss Ivy, “Yes... Ang support namin, during their block screenings. May mga fan groups na nag-o-organize, like Cagayan chapter, Batangas chapter, ganyan, na may pa-block screening po sila.”
Kumusta ang experience ng pagkuha sa BINIat SB19, na parehong sikat na sikat nowadays?
“Very smooth po sila kausap, and timing was perfect. Like talks with SB19 started 2021,” pagtatapat ni Miss Ivy.
“We started with one pa lang po muna, si Justin de Dios. Isa lang po muna ang endorser namin. Nag-ipon pa po kami. Ha! Ha! Ha!
“Very friendly po sila. Napaka-accomodating… Very humble, very collaborative.
“Like in the recently concluded concert, I think hindi po mama-mount yung ganung show na magkakasama sila together if they weren’t cooperative, and collaborative nga po sa stage at sa paggawa ng concert.”
NOEL FERRER
Originally ay tatlong araw lamang ang inaugural CinePanalo Film Festival sa Gateway mall — Marso 15-17, 2024, Biyernes hanggang Linggo.
Naging limang araw iyon. Na-extend nang na-extend hanggang maging dalawang linggo.
Anim ang full-length films na naglaban-laban, na bawat isa ay may grant na PHP2.5M.
Twenty-five short films ng students ang pinili, na bawa’t isa ay PHP100,000 ang grant.
Bale PP17.5M ang kabuuang grant ng supermarket brand sa filmmakers ng 1st CinePanalo filmfest.
Sa second edition na pito ang full-length films with PHP3M grant each, at 25 short films na P150,000 each ang grant, ang kabuuang grant ay bale P24.75M.
Dumalo sa launch ng 2nd CinePanalo filmfest ang ilan sa mga kalahok sa inaugural edition upang ilahad ang kanilang karanasan.
Um-attend sina Carlo Obispo, VJ Mendoza, Jenievive Adame, Dizelle Masilungan, Marian Jayce Tiongzon, at Joanah Demonteverde.
Nag-video message si Kurt Soberano, ang direktor ng Under A Piaya Moon na tinampukan nina Jeff Moses, Joel Torre, Pau Dimaranan, at Chart Motus.
Kabilang ang Under A Piaya Moon sa mga pelikulang may special screening sa Cinemalaya Bente: Loob Lalim Lakas sa Agosto 2-11, 2024.
Read: Joel Torre, inabot ng 42 taon bago nakagawa muli ng Ilonggo film