JERRY OLEA
Mr. Perfect si Adam de Dios (David Licauco), ang CEO ng isang shipping company. Love coach si Milagros “Mila” Maharlika (Barbie Forteza), na priority ang mga pangarap para sa kanyang parents kaya walang time sa sariling lovelife.
Read: Barbie Forteza denies "carrying" loveteam with David Licauco
Pinagtagpo sila ng tadhana, at nagkasundong ihahanap ni Coach ng love partner si Mr. Perfect.
Nagkakamabutihan na sila, saka naman umentra ang gandara, ismarte, at tila Miss Perfect na si Sophia (Kaila Estrada).
Ganyan ang itinakbo ng kuwento ng first BarDa movie na That Kind of Love, na nag-premiere night nitong Hulyo 4, 2024, Huwebes, sa SM Megamall.
THAT KIND OF LOVE PREMIERE
Hindi magkamayaw ang fans sa pagrampa nina Barbie at David sa red carpet.
Sa pambubuyo ng event host na si DJ Jhai Ho, nag-chant ang fans, “BarDa! BarDa! BarDa!”
Present sa premiere ang co-stars ng BarDa na sina Kaila Estrada, Arlene Muhlach, Divine Aucina, Ivan Carapiet, at ang nagdadalantaong si Jef Gaitan na sinamahan ng asawang si Renz Fernandez.
Dumalo rin sa premiere sina Alice Dixson, Mikee Quintos, Jeric Gonzales at Rabiya Mateo, Gabbi Garcia at Khalil Ramos, Rhian Ramos at Sam Verzosa, Michelle Dee, Martin del Rosario, Eric Ejercito, Nikki Co, Dustin Uy, at Kelvin Miranda na may cameo sa movie.
Tili nang tili ang fans sa mga nakakakilig na eksena nina Barbie at David, pati na sa eksenang topless ang hunk actor.
May kahabaan ang movie, at puwede pa sana iyong i-tighten para mas mabilis ang pacing.
Halatang pinagkagastusan ang pelikula. Hindi tinipid ang maraming location.
Hindi rin babad ang mga eksenang kinunan sa Seoul, South Korea.
Iyong big party sa climax ng movie, supposedly ay sa South Korea ang setting pero napansin ng isang kilalang showbiz personality na ang mga waiter doon ay Pinoy lahat ang hitsura.
Must watch para sa tunay na BarDa supporters ang That Kind of Love directed by Catherine 'CC' O. Camarillo, produced by Pocket Media Productions, Incorporation and Pocket Media Films in cooperation with Happy Infinite Productions, Incorporation.
Released and distributed ng Regal Entertainment, mag-o-open ito nationwide sa Hulyo 10, Miyerkules.
Kasabay nito ang showing ng Marupok A+ (dating Marupok AF) na tampok sina Maris Racal, Royce Cabrera, at EJ Jallorina.
Nasa July 10 playdate din ang mga foreign movies na Longlegs at Fly Me To The Moon.
Read: PEP Best Bets 2024: The New Generation A-Listers
NOEL FERRER
Mensahe ni Barbie Forteza bago mag-umpisa ang premiere screening ng That Kind of Love, “Magandang gabi po sa inyong lahat. Maraming-maraming salamat sa pagpunta kahit napakatrapik at balita ko, umulan pa.
“Maraming-maraming salamat po to our friends from the press, sa atin pong mga nagbibigating mga artista na nandirito po ngayong gabi.
“Maraming-maraming salamat po to GMA, of course, to Sparkle for the support. Maraming-maraming salamat…
“Sana ay ma-in love tayong lahat sa That Kind of Love.”
Pahayag naman ni Direk Catherine Camarillo, “Thank you, thank you sa inyong lahat sa pagpiling sumama sa amin dito ngayong gabi.
“Alam ko pong marami sa inyong abala sa personal nyong buhay pero dinamayan nyo, sinamahan niyo kami.
“I’m so excited to showcase to you yung hard work na binigay ng aking mga artista dito.
“Hindi po kami magiging ganito kasaya at ise-share lahat ito kung wala sa supprta nyo. Mula sa press, mula sa mga fans na nandito, of course our family, our friends are here also.
“My co-producers are here as well. GMA, Sparkle, of course my Star Magic family as well. Thank you so much for being here.
“And salamat po ng marami. Sana tulungan niyo kaming mag-promote ng pelikulang ito.
“Ibalik po natin ang sigla ng industriyang ito. Maraming-maraming salamat po!”
GORGY RULA
Limang pelikula ang nag-open sa local cinemas nitong Hulyo 3, Miyerkules, sa pangunguna ng animated comedy na Despicable Me 4.
Ayon sa sources ng PEP Troika, PHP9.7M ang opening day gross nito sa bansa.
Nakipagsalpukan dito ang horror movie na Kuman Thong: Black Magic Baby, sa direksiyon ni Xian Lim.
Ayon sa isang taga-Viva Films, naka-PHP500K daw ito sa first day.
Take note na wala pang isang buwan ang lumipas nang mag-showing sa mga sinehan ang Playtime kung saan lead actor si Xian, kasama sina Sanya Lopez, Coleen Garcia, at Faye Lorenzo.
Noong Wednesday rin nag-open sa local cinemas ang Whisper, The Promised, at Citizen of a Kind.
Nasa July 17 playdate ang Twisters, Survive, Uranus 2324, at Escape.
DEADPOOL & WOLVERINE
Siyempre pa, andami nang nag-aabang sa July 24 showing ng marvelous film na Deadpool & Wolverine starring Ryan Reynolds and Hugh Jackman.
Tampok din dito si Emma Corin bilang Cassandra Nova, ang mutant na twin sister ni Charles Xavier.
Sa mga dyed-in-the-wool fanatics ng Deadpool films, pleasant surprise for sure ang appearance nina Brianna Hildebrand bilang Negasonic Teenage Warhead, Shioli Kutsuna bilang Yukio, Lewis Tan bilang Shatterstar, at Karan Soni bilang Dopinder.
Nasa Deadpool & Wolverine din sina Aaron Stanford bilang Pyro, Tyler Mane bilang Sabretooth, at Jennifer Garner bilang Elektra Natchios.
Ang unang trailer ng Deadpool & Wolverine na inilabas noong Pebrero 2024 ay humamig ng 365M global views sa loob ng 24 oras.
Kinabog nito ang record ng Spider-Man: No Way Home trailer na naka-355.5M views sa kaparehong time period.
Ang official trailer na ini-release noong Abril 22 ay ginamitan ng Madonna song na "Like A Prayer" (1989).