JERRY OLEA
Kasagsagan ng pandemya at tokhang ang setting ng pelikulang Your Mother’s Son, na syinuting ni Direk Jun Robles Lana noong 2021.
Sa umpisa ng pelikula ay naka-DU30 T-shirt si Emman (Kokoy de Santos).
Sinadya ba na ang pangalan ng “nanay” ni Emman ay Sara (Sue Prado)?
“Hindi!” pag-iling ni Direk Jun matapos ang special screening ng Your Mother’s Son noong Marso 21, 2024, Huwebes, sa Cinema 17 ng Gateway mall, Cubao, Quezon City.
“One way to look at it, yung… I mean eskandalo ng pelikulang ito. It should be able to stand on its own merits.
“Pero nung ginagawa ko yung Big Night! [2021], pinag-uusapan na namin ito ni Elmer because, you know, Big Night! is a comedy, it’s about the war on drugs, and, in the end, yung character dun decided to be a part of the syndicate."
Ang Elmer na tinutukoy ng direktor ay ang co-writer niyang si Elmer Gatchalian. Ang Big Night! ay ang 2021 film na pinagbidahan ni Christian Bables.
Read: Christian Bables open-minded sa same-sex relationship
Sa pagpapatuloy ni Direk Jun, “And people were asking, ‘Bakit walang lumaban?’ That’s what was happening in Manila. Dito, this is a different thing.
“But yung naririnig sa radyo habang nag-uusap iyung mag-ina, it is the same radio annoucement that can be heard in the opening of Big Night!.
“So this is happening at the same time. So, you know, there are things that are happening, and there are things that are being decided by certain characters, how to deal with what’s happening.
“At yun ang magkaibang pangyayari sa dalawang magkaibigang karakter sa mundo.”
Ang Your Mother’s Son ang opening film sa ENLIGHTEN: The IdeaFirst Film Festival sa Abril 12 sa Cinema 11 ng Gateway mall.
Tampok din dito sina Miggy Jimenez at Elora Españo, na kagaya nina Sue at Kokoy ay walang kiyeme sa mga maseselang eksena.
Read: Big Night, big winner sa MMFF 2021 Gabi ng Parangal; Christian Bables, first choice bilang Dharna
MTRCB'S RATING FOR Your Mother’s Son
NOEL FERRER
Napakatapang na pelikula ng Your Mother’s Son, na na-X ng Movie and Television Review Classification Board (MTRCB) sa unang review. Sa ikalawang review ay nabigyan na ito ng rating na R-18.
Himutok ni Direk Jun Robles Lana, “When it comes to sex, we don’t want to talk about it. We don’t want to confront it.
“But it’s so part of our lives. It’s how we use power sometimes, di ba? Using sex.
“So para sa akin, parang… ewan ko, maybe we’re just liberated people. Para sa akin, ano ba yung big deal dun? We’re just telling a story.
“We’re just really telling a story, but you know, if they have a problem with that, ikukuwento pa rin namin without compromising our mores and our integrity.”
Itinanggi ni Direk Jun na ang Your Mother’s Son ay homage sa 2001 Mexican film na Y Tu Mama Tambien (And Your Mother Too) na pinagbidahan nina Diego Luna, Gael Garcia Bernal, at Maribel Verdu, sa direksyon ni Alfonso Cuaron.
“Napanood ko ang Y Tu Mama, and it’s one of my favorite movies, pero hindi naman talaga siya homage,” paglilinaw ni Direk Jun.
“It’s just the natural flow of narrative dun sa ginagawa naming kuwento. Ahh and for everybody to feel safe, naka-storyboard naman yung mga love scenes, yung mga sex scenes.
“Naka-storyboard yon, so parang…dumadating nga sa point, ang boring. Boring na kasi as much as possible, ako, ayokong nag-i-storyboard, e.
“Kasi I want to have that moment of discovering something while shooting. Kapag naka-storyboard, masyado nang plakado.
“Pero dito, I wanted everybody to feel safe. So, naka-storyboard. Minsan, ipapakita ko pa yung picture sa kanila. ‘O, eto ang posisyon. Ito ang gagawin natin.’
“So, para lang sure, para everybody feels safe.”
GORGY RULA
Kumusta sina Kokoy de Santos, Sue Prado, Miggy Jimenez, at Elora Españo sa maseselang eksena sa Your Mother’s Son?
Pahayag ni Direk Jun Robles Lana, “Sa kanilang lahat, wala akong problema. Kasi siguro nagkaroon kami ng discussion.
“And even before we shot the film, pumunta na rin kami sa location. Nag-rehease kami. Nag-rehearse kami na basically kinukunan ko ng iPhone ang mga eksena.
“So nagawa na rin namin yung mga eksena na kailangan naming gawin dun sa lugar na yun. So by the time na pumunta na kami, alam na namin yung gagalawan namin.
“Ahhh I mean meron kaming chemistry as a group, pero pag gumagalaw ka kasi sa isang bagong lugar, medyo nanganganay ka.
“Pero hindi na kami nanganay, kasi na-rehearse na namin. They’re all very professional naman, wala akong masabi.”
Malaking bagay ba na bukod sa mahuhusay ang mga artista ay wala silang arte sa mga mapangahas na eksena?
“Ahhh malaking bagay iyon, but more than that, I think, ang… kasi, puwede namang walang kaarte-arte, pero walang talent,” sambit ng multi-awarded scriptwriter-director.
“Yung handa lang maghubad, pero ano ang gagawin ko—maghuhubad—kung wala akong nararamdaman, di ba?
“These are brilliant actors, no question about it. Yung maikukuwento ko lang ito kasi makakapasok ako sa mundong yon, kasi committed yung mga artista mo.
“Pag pinanood mo sila, hindi na sila artista. They become the characters. So yun yung pinakaimportante.
“They’re gifted performers, no question about it. Yun yung una, e. Kung gifted performer ka, iko-convince kita siguro, ‘Puwede ka bang maghubad for this story?’
“Pero kung naghuhubad ka, yun lang ang… hindi kita iko-convince na maging part ng project na ito. Wala akong pakialam sa paghuhubad mo!”