JERRY OLEA
Gustong bumalik ni Michael Sager sa afternoon drama na Abot-Kamay Na Pangarap, kahit isang episode lang bago ito magwakas.
Read: Sparkle artist Michael Sager moves up to leading-man status via Shining Inheritance
“Kasi, grabe, na-miss ko yung magtrabaho sa environment, sa set na ganun,” sambit ni Michael noong Enero 29, 2024, Lunes, sa Tapabar cafe, Mother Ignacia Avenue, Quezon City.
Nakabardagulan niya roon sina Jillian Ward, Ken Chan, Raheel Bhyria, at Jeff Moses.
“Lagi kaming nag-aanuhan dun na, ‘Sa akin si Jill!’ ‘Hindi! Sa akin si Analyn!’ Ganun-ganun talaga, and na-miss ko yung fun moments na ganun, na parang brothers,” pagtatapat ni Michael.
Bakit natanggal siya sa Abot-Kamay Na Pangarap?
“Nawala na po yung character ko dun because of conflict sa Shining Inheritance,” tugon ng Kapuso actor, who’s turning 21 tomorrow, February 5, Monday.
“Kaya siya biglang nawala, because kailangan ko na pong mag-start for Shining Inheritance. Pero sana, makabalik si Mico para makapag-goodbye naman siya.”
Mico ang karakter ni Michael sa Abot-Kamay Na Pangarap. Isa siya sa mga love interest ni Analyn, na karakter ng bidang si Jillian Ward.
Nabuo ang MarSue tandem nina Michael Sager at Zephanie sa Sparkle U. Pahinga muna ang tambalan nila, dahil si Kate Valdez naman ang kapareha ni Michael sa Shining Inheritance.
OK siyempre kay Michael na mag-partner sila muli ni Zephanie in the future.
Read: Zephanie at Michael Sager, parehong career muna bago love life
Ani Michael, “If given the opportunity, I’m willing. Masaya lang talaga pag magtrabaho kasama si Zeph.
“And of course, at the same time, I also want to explore, and if exploring means I get to work with her in another genre or anything, that will be nice din.”
View this post on Instagram
NOEL FERRER
Halfway through na ang taping ng Shining Inheritance, kung saan tampok sina Michael Sager, Kate Valdez, Paul Salas, Kyline Alcantara, at Coney Reyes.
Kumusta so far ang pakikipag-work ni Michael with Kate?
“Me and Kate, when we first did our screen test, tawa lang kami nang tawa. Yun yung first ano ko, tawa lang kami nang tawa,” pagsisiwalat ni Michael.
“And we just hoped for the best sa screen test but we didn’t know na kami yung final na maka-cast.
“And then nung mga first days sa taping, medyo ano pa kami, medyo getting to know each other pa.
“But we did a workshop before para mas ano kami. Pero yung isang scene namin na medyo kilig scene, dun ko naramdaman na, ‘Puwede to! Magaang katrabaho.’ Magaling din siya, e. May nakukuha ako sa kanya.
“And I ask her, kasi alam kong super matagal na siya sa industry, ako bago lang. So I ask her, ‘Kate, OK ba yun? OK ba yung ginawa nating eksena? OK ba sa yo?’
“Sabi niya, oo, nagustuhan niya. Sabi ko, ‘Thank you,’ kasi after nun, parang kinilig ako! Kasi coming from her, na OK pala yung eksena, I was able to somehow provide what she needed for that scene.
“I was just very happy.”
Marami na silang na-shoot ni Kate na kilig scenes, at meron ding away scenes.
“Yung story po nito, para kaming aso’t pusa, laging nag-aaway. But yung away nila minsan, medyo intense din,” sabi ni Michael.
“Pero makikita naman natin yung pag-develop nila sa isa’t isa.”
GORGY RULA
Ipinagdiwang ni Michael Sager ang kanyang 21st birthday sa All-Out Sundays ngayong Linggo, February 4.
Dumating ang magulang niya galing Canada para maki-celebrate sa kanyang kaarawan.
Ipagdiriwang nila ito sa Tahanang Pinakamasaya bukas at curious ako kung ano kaya ang birthday message ni Cassy Legaspi sa kanya.
Natutukso na kasi silang dalawa, pero tahimik lang sila sa isyung ligawan. Hindi kaya sila na at mas pinili nilang manahimik para hindi na magulo?
Read: Cassy Legaspi nililigawan na ni Michael Sager?
View this post on Instagram
Malamang nag-aalburoto na riyan ang fans ng tambalan nila nina Cassy at Darren. Marami kasi ang naniniwalang magkaibigan lang talaga ang CasRen.
Malamang, nagngingitngit din ang supporters nina Michael at Zephanie.
Sa totoo lang, talagang pinagtambal silang dalawa dahil pareho silang nasa kuwadra ng Cornerstone Entertainment.
Pero sa tingin kasi namin, nagkakadebelopan talaga sina Michael at Cassy. Kaya abangan na lang natin kung magkakaaminan ba.