GORGY RULA:
Enero 28, Linggo ang last shooting day ng pelikulang Whispers In the Wind na pinagbibidahan nina Carlo Aquino at Barbie Imperial.
(Whispers in the Wind lead stars Carlo Aquino and Barbie Imperial)
Kinunan ang halos kabuuan ng pelikula sa Iwate, Japan kung saan itong lugar ang sinalanta nang husto nang tinamaan ito ng earthquake at tsunami nung taong 2011.
Nag-shoot sila sa ground zero mismo ng tinamaan ng tsunami doon sa Iwate.
(Carlo, Barbie with the production crew of Whispers in the Wind on location in Iwate, Japan)
Ilang araw ako dito sa Fukuoka, Japan at sasadyain ko sana sila sa location, pero nang tsinek ng producer ng Mavx Productions na si Erwin Blanco, aabutin daw ako ng 19 hours papunta sa kanila.
(Barbie Imperial)
Nagkausap lang kami sa telepono at tuwang-tuwa si Erwin dahil naibigay daw sa kanya ang copyright ng wind phone na doon lang sa Iwate matatagpuan. Ginawa ito ng taga-Iwate na si Itaru Sasaki.
Ipinost sa Facebook account ng Mavx Productions ang paliwanag nitong wind phone, at kung ano ang kaugnayan nito sa kuwento ng kanilang pelikula.
Aniya, “MAVX CEO Erwin Blanco had the priviliege of meeting Itaru Sasaki, the creator of Japan’s famous ‘wind phone,’ an unconnected telephone booth in Otsuchi, Iwate, where visitors can hold one-way conversations with their departed loved ones. It gained significance when it was opened to the public after the 2011 Tohoku earthquake and tsunami that claimed over 15,000 lives.
“Now, the wind phone takes center stage in Mavx Productions, Inc.’s upcoming film, ‘Whispers in The Wind,’ starring Barbie Imperial and Carlo Aquino. The film draws inspiration from the events of the 2011 tragedy.
“During the conversation, Sasaki noted that ‘Whispers In The Wind’ is the first feature film he approved for licensing and use of the wind phone, owing to its compelling script and poignant narrative.”
Na-experience nina Carlo at Barbie ang wind phone at ibabahagi nila ito sa promo nito bago ang showing ng pelikula.
Pero ngayon lang daw ito mapapanood sa pelikula, na sobrang ipinagpapasalamat ni Erwin Blanco na binigyan siya ng copyright na gamitin ang wind phone na likha ni Itaru Sasaki.
May isang Hollywood producer daw noon na gustong gawan ito ng pelikula, pero hindi raw ibinigay ang copyright dahil hindi raw nagustuhan ni Sasaki ang kuwento ng pelikula.
Nagustuhan daw nito ang kuwento, at proud si Erwin dahil sa konsepto niya ito at nabuo na raw nila ang pelikula.
NOEL FERRER:
Ang kuwento ng Whispers In The Wind ay tumatalakay sa pag-move on ng dalawang bidang karakter ng pelikulang ito na ginagampanan ni Carlo Aquino at Barbie Imperial, pagkatapos tinamaan ng matinding tsunami ang Iwate.
Sa istorya, hinahanap ni Carlo ang kanyang ina, na ang buong akala niya ay isa ito sa namatay sa tsunami.
Si Barbie naman ay hinahanap ang kanyang nobyo para mag-sorry dahil hindi niya tinanggap ang marriage proposal, bago sila sinalanta ng tsunami. Na-guilty siya, dahil iniisip niyang baka namatay rin ito sa tsunami.
Pero may twist bago ang ending ng pelikula, na talagang nakakaantig daw ang kuwento.
Si RC delos Reyes ang nagdirek ng pelikula. Pero hindi pa raw nila alam kung isusumite ba nila sa 50th Metro Manila Film Festival o magkakaroon ng theatrical screening o sa streaming na lang.
JERRY OLEA:
Masaya si Erwin Blanco sa kinalabasan ng shooting nila sa Iwate, Japan.
Ang ganda raw ng pasok ng 2024 sa Mavx dahil ginawa nang Netflix Original ang isa pa nilang pelikulang natapos na A Journey nina Paolo Contis, Patrick Garcia at Kaye Abad.
May naka-line up pa silang Fuchsia Libre, Dear Satan, at may isa pang pelikula.
Dagdag na achievement pa sa Mavx nang kinuha raw ng company ng komedyanteng si Kevin Hart ang pelikula nilang Ang Pangarap Kong Oskars o The Oskars Fantasy para i-remake ito sa Hollywood.