GORGY RULA:
Nasa Viva Artists Agency na pala si Albie Casino.
Ito ang unang ibinalita sa amin ni Albie nang nakapanayam namin sa DZRH nung Miyerkules, January 24, 2024, para sa promo ng pelikulang Salawahan na mag-i-streaming na sa Pebrero 2, Biyernes.
READ: Albie Casiño moves to Viva after parting ways with talent manager Leo Dominguez
Idinirek ito ni Jeffrey Hidalgo, mula sa panulat ni Raquel Villavicencio. Nasa cast din ng Salawahan sina Angeli Khang, Sheila Snow, Van Allen Ong, at Itan Rosales.
Ito raw ang unang pelikulang ginawa ni Albie sa Vivamax pagkatapos niyang pumirma nung September 2023.
Maayos daw siyang nagpaalam sa dati niyang manager na si Leo Dominguez pagkatapos nag-expire ang kanyang kontrata.
Excited na raw siya ngayon sa mga naka-line up na gagawin niya sa Viva. Okay lang daw sa kanya na may susunod pa siyang gagawin sa Vivamax na paghuhubarin siya.
Hindi raw isyu sa kanyang malilinya siya sa sexy roles.
“Hindi ko naman kailangan na magpa-sexy. Sexy na talaga ako,” pabirong sagot ni Albie.
Dati raw ay medyo nahihiya pa siyang maghubad. Ngayon ay wala na raw siyang pakialam kahit makitaan pa siya.
“Sa akin naman po kasi, hindi naman talaga tayo, pare-parehas naman kung anong meron tayo diyan, di ba?
“Ako naman, sobrang confident sa sarili ko, like sa katawan ko. Nung una, naninibago ka, may anxieties, may takot ka. Pero after nung second day, kasi, di ba, sa una nagbi-bed scene ka, plaster lang po suot namin dun.
“Nung una, nahihiya ka pa… kukuha ka pa ng towel, tatakip ka. Pero bandang huli na, wala na talaga akong pakialam. Magta-towel ka pa ba, e nakita nyo na lahat to. Ano pang bago diyan!” natatawang sagot ni Albie.
Naunang mag-butt exposure si Albie sa Moonlight Butterfly (2022) na pinagbidahan ni Christine Bermas. Nagpakitang-gilas din siya sa Biyak (2022) nina Angelica Cervantes at Quinn Carillo. Ang Moonlight Butterfly at Salawahan ay parehong idinirek ni Joel Lamangan.
JERRY OLEA:
Tatanggapin ba niya ang isang sexy film na kailangan niyang mag-frontal nudity?
Ani Albie, “Isa lang yung problema ko dun. Alam mo naman, nag-iiba yung ano natin e, yung karga natin kumbaga.
“Maraming variables, di ba? Kung masisigurado ko na maipakita ko yung best ko, okay lang naman,” natatawang sagot ni Albie.
Basta maganda lang daw ang project, bakit hindi? Hindi rin daw siya kokontra kung pagagamitin siya ng prosthetics. Basta wala raw siyang kaartehan pagdating sa trabaho.
May nagtanong pa listener sa DZRH kung dream din ba niyang makatrabaho ulit si Kathryn Bernardo. Nagkasama sila sa Mara Clara, at ilulunsad na sana ang KathBie loveteam, pero hindi na natuloy gawa ng isyu ng aktor kay Andi Eigenmann.
Kapag mabigyan ng pagkakataon, okay naman si Albie na makasama muli si Kathryn sa isang project. Sana, ipa-trending na raw ng mga fans ng aktres.
“Mahal na mahal ko yung trabaho ko. Kaya kahit sino pa ang makatrabaho ko, kahit saan nila ako ilagay. Even if that’s a thesis film ng film student and kung pang-Cannes Film Festival, pareho lang ang effort na ibibigay ko, walang mababago diyan.
“So di ba? If they’ll give me a chance to work with her again, of course tatanggapin ko. Ipa-trend na nila sa X, di ba?”
Siyanga pala, ang current Top 10 movies of the week sa Vivamax ay Pantasya ni Tami, Palipat-lipat, Papalit-palit, Scorpio Nights 3, Sila Ay Akin, Room Service, Karinyo Brutal, Sugar Baby, Manyak, Call Me Alma, at Haliparot.
Streaming soon ang Seksi: Pantasya at Pelikula (Enero 28), Dilig (Enero 30), Salawahan (Pebrero 2), Katas (Pebrero 9), Takas (Pebrero 13), Salitan (Pebrero 16), at Kabit (Pebrero 23).
NOEL FERRER:
Dedma na si Albie sa isyung kinasangkutan niya noon kung saan nag-trending ang isang personal appearance niya na napaka-hyper na kinantahan niya ang mga candidates ng timpalak.
Read: Albie Casiño's performance at Mutya ng Cotabato 2023 goes viral
Unfair daw na pagbintangan siyang lasing noon, dahil hindi raw siya umiinom sa oras ng trabaho.
“We’re all having fun. Dun lang ako na-off na parang… wow, lasing? Chill lang! Sobrang professional kong tao. I would never go to work drunk! I’m just having a good time.
“Kung ganyan ka-boring yung buhay nila na feeling nila kailangan nilang maglasing para mag-enjoy… just on them,” sabi pa ni Albie.
Read: Albie Casiño, hindi umano lasing nang kumanta sa Mutya ng Cotabato 2023