JERRY OLEA
Very good ang Top 10 Movies in the Philippines Today sa Netflix.
Opo, Mother Molly! Number 1 ngayong Disyembre 29, Biyernes, ang pelikulang A Very Good Girl nina Kathryn Bernardo at Dolly de Leon sa listahan ng 10 most watched movies sa Netflix PH.
Read: Kathryn Bernardo and Dolly De Leon's striking lines in A Very Good Girl movie
“Dito ba ang sulok kong takda sa ilalim ng araw? Kung saan kaylalim ng luha, ligaya’y kaybabaw…”
Kabilang pa rin sa naturang talaan ang I Love Lizzy nina Carlo Aquino at Barbie Imperial.
Kahapon pa naligwak ang Video City nina Ruru Madrid at Yassi Pressman. Six days iyon sa Top 10 list, mula Disyembre 22 hanggang 27. Nag-peak iyon sa number 2.
Natanggal na rin sa Top 10 ang Kidnap for Romance nina Cristine Reyes at Empoy Marquez. Naka-16 days iyon sa Top 10, pero hindi consecutive. Two days iyong nanguna, noong Disyembre 9 at 10.
Sa Enero 1, Lunes ay streaming na sa Netflix PH ang pelikulang Monday First Screening nina Gina Alajar at Ricky Davao.
Sa Enero 18 naman ang streaming ng Wish You Were The One, na reunion movie ni Bela Padilla at ng MMFF 2023 best supporting actor na si JC Santos.
Ang Top 10 Movies in the Philippines Today sa Netflix — A Very Good Girl, Rebel Moon Part One: A Child of Fire, Scream, The Book of Life, Pretty Woman, Curry & Cyanide: The Jolly Joseph Case, Sing 2, I Love Lizzy, Malbatt Misi Bakara, at Clifford The Big Red Dog.
Samantala, may dalawa pa ring Pinoy series sa listahan ng 10 Most Watched TV Shows sa Netflix PH: ang DonBelle series na Can’t Buy Me Love, at ang Replacing Chef Chico nina Alessandra de Rossi, Sam Milby, at Piolo Pascual.
Ang Top 2 ay parehong gawang-Koreano.
Ang Top 10 TV Shows in the Philippines Today sa Netflix — Gyeongseong Creature, My Demon, Yu Yu Hakusho, Single’s Inferno, Can’t Buy Me Love, Welcome to Samdal-ri, Sweet Home, Zom 100: Bucket List of the Dead, Replacing Chef Chico, at Spy x Family.
NOEL FERRER
Very good timing. Holiday break ngayon at mainit pa rin ang simpatiya ng mga tao para kay Kathryn Bernardo.
Napanood namin ang pelikulang A Very Good Girl sa sinehan at inulit namin bilang pamilya, at ok pa rin siya.
Nakaka-proud at nag-take ng risk si Kathryn sa ganitong klaseng pelikula, at sana patuloy na i-challenge ang sarili na gumawa ng mas magaganda pang pelikula.
Excited ako sa next chapter sa career ni Kathryn bilang aktres at sa panibagong chapter din ng filmmaking ng Star Cinema.
I’m sure dadami pa ang manonood ng pelikulang ito sa Netflix.
GORGY RULA
Expected nang magna-number one trending talaga itong A Very Good Girl dahil super promote din talaga riyan ang KathNiel fans, lalo na ang supporters ni Kathryn.
Trending din ngayon sa X ang hashtag Kathryn na pawang tungkol sa A Very Good Girl ang ipinu-post nila.
Kaya tingnan natin ang power ng mga Kathryn fans kung kaya nilang patagalin ito sa number one trending.
Balak ko talagang panoorin uli itong A Very Good Girl, dahil karamihan sa mga komentong nakukuha ko, mas maganda raw sana kung iba ang gumanap sa role na ibinigay kay Dolly de Leon.
May mga comment ngang mas bagay kung kay Angel Aquino ito ibinigay. Gusto kong panoorin ito uli kung tama sila.
Kaabang-abang ngayon kung ano ang mga pasabog ni Kathryn sa 2024. Wala muna tayong aasahang project na pagsasamahan nila uli ni Daniel Padilla. Unless, magkabalikan sila.
Kung taon ng hiwalayan ang 2023, sana raw magiging taon naman ng balikan ang 2024. Kaya abangan natin iyan!
Read: 8 most painful breakups of reel-and-real couples in showbiz
Pero ang karamihan sa fans ni Kathryn, mas gusto nilang magsama uli sila ni Alden Richards, at gustung-gusto naman ito ng Asia’s Multimedia Star.
Sabi ni Alden nung nakaraang pa-Thanksgiving party niya sa entertainment media: “Ako po, ready naman po anytime, kasi yun nga po ang sinabi ko kay Direk Cathy [Garcia-Sampana] nung kinausap ko, sabi ko, ‘Direk, pag mag-decide kayong part two, ika-cancel ko muna lahat ng schedule. Gawin natin yung part two.’
“But then again, that’s really up to Star Cinema po right now because sila po yung producer and they own the IP rights of the film.”