JERRY OLEA
Nakaburol na ang mga labi ni Joey Paras sa St. Peter Chapel Annex, New Bldg., Sct. Chuatoco Street corner Panay Avenue, Quezon City, sa may likod ng Pegasus (Quezon Avenue).
Bukas, Nobyembre 2, 2023, Huwebes ang public viewing.
Read: Joey Paras's last moments revealed; family asks help for hospital and funeral expenses
Ito ang ini-announce ng mga pamangkin ni Joey na sina Jassam Paras Sinchon at Zciara Shayne Sinchon-Fabian sa Facebook ngayong Nobyembre 1, Miyerkules, All Saint’s Day.
Mensahe pa nina Jassam at Zciara para sa mga kapamilya, kamag-anak at kaibigan, “Again, we would like to extend our deepest gratitude for the overwhelming support and appreciation for the kind words, caring thoughts, and prayers that we received from all of you.
“Any help would be highly appreciated. Please be aware that the channels sent to you by our immediate family are the only official accounts that we endorse for help in light of reports of misinformation spreading and scammers taking advantage of this situation
“May we request to include him in your prayers for the eternal repose of his soul.”
Lumabas si Joey sa mga pelikulang Last Supper No. 3 (2009), Babagwa (2013), Bekikang: Ang Nanay Kong Beki (2013), Working Beks (2016), Born Beautiful (2019), at Ayuda Babes (2021), among others.
NOEL FERRER
Pumanaw ang komedyanteng si Joey Paras, 45, noong Oktubre 29, Linggo.
Read: Comedian Joey Paras, pumanaw na; pamilya nananawagan ng tulong
Facebook post nina Jassam at Zciara kamakalawa, “Maraming salamat po sa lahat ng nagpaabot ng donation sa amin. Malaki man o maliit sobra po kaming nagpapasalamat sa tulong.
“Yung iba pong nagsesend nalang bigla ng 50 pesos, 100 pesos na hindi ko na po mga kilala dahil hindi po nagmemessage maraming salamat po,malaking tulong po ito kay Tito Joey Paras.
“Sa ngayon po malaking halaga pa po ang kailangan ng aming pamilya, pambayad po sa Funeral Service ni Tito at iba pa gagastusin para maiburol na po si Tito Joey… Pasensiya na po sa mga hindi ko narereplyan.
“Sa mga gusto pong magpaabot ng tulong mag-PM lang po sa akin. Hindi na po ako magpopost ng gcash ko dito para iwas scam po. Maraming salamat and Godbless po.”
GORGY RULA
Nagluluksa rin ngayon ang kilalang radio broadcaster at kasamahan ko sa DZRH na si Gerry Baja, dahil pumanaw na ang kanyang maybahay na si Anna Rosely B. Baja.
Bukas, November 2, pa magbubukas ang burol sa Room 303 ng St. Peter's Memorial Chapel sa Commonwealth Avenue, Quezon City. Kaya hindi muna napapakinggan at napapanood si Ka Gerry sa araw-araw na programa nila ni Ka Tunying Taberna na Dos Por Dos sa DZRH.
Ang amin pong taus-pusong pakikiramay.