JERRY OLEA:
Napamura si Mikoy Morales nang tanghalin siyang best actor sa Cinemalaya XIX: ilumiNasyon para sa pelikulang Tether.
Ang awards ceremony ay ginanap nitong Agosto 13, 2023, Linggo ng gabi, sa PICC Lobby.
Read: Mikoy Morales, Pat Tingjuy bag top acting awards in Cinemalaya 2023
“Oh, f*ck!” bulalas ng Kapuso actor pagkarating sa rostrum habang hawak ang tropeyong Balanghai. Nagtawanan ang audience.
Pagpapatuloy ni Mikoy, “Ahh sorry, I’m trying to keep it cool but this really means so much to me kung alam nyo lang.
“It means so much, this community, this industry. And thank you, thank you! Thank you, Direk Gian Arre, our director.
“Rea [Robles], our producer, one-woman team who really tried. Ha! Ha! Ha! Ha!
“Thank you, Missy Maramara, our intimacy facilitator who made everything so safe.
“Thank you kay Ate Ana Feleo, my go-to always, and my family, my friends, my best partner ever Isa and… yun lang!
“Ayoko na! Hindi na! OK na, thank you, thank you so much! Thank you so much!” gumagaralgal na sambit ni Mikoy na napapapikit.
“God!!!”
Magiliw na pinagbigyan ni Mikoy lahad ng nag-request na magpalitrato kasama siya. Hindi niya alintana ang pagod, kahit pa lapot na lapot na siya sa kanyang suot.
Nang sabihin namin kay Mikoy na hindi nahirapan ang mga hurado ng Cinemalaya 2023 sa pagpili ng winners, at halos unanimous lahat ng choices, tila hindi pa makapaniwala ang Kapuso actor.
Read: Highlights and sidelights of Cinemalaya 2023 awards night
“Mahirap lang tanggapin sa akin. Hindi pa nagsi-sink in. It’s overwhelming,” pagmamatuwid ni Mikoy.
“And mahirap talaga tanggapin para sa akin na mangyari ito. Ha! Ha! Ha! Ha! After everything, you know.
“It’s the first time I’ve ever been recognized for anything I’ve done in acting.”
To think na huling nag-shoot ang Tether sa competing films ng 19th Cinemalaya. Parang saling-pusa, nakapasok lang dahil may mga nag-back out.
“Yun nga, e! Yun nga, e! Pressure din sa team namin, e, kasi given the time constraint, it still worked, di ba? Yun.”
Read: Mikoy Morales, naranasang plaster lang ang suot buong araw sa shooting
Naramdaman ba niya ang pressure bago tawagin ang best actor winner dahil andaming magagaling this year?
“Oo! Kaninang umaga pa kami andito. Kasi nanood kami ng Rookie saka ng Iti Mapukpukaw,” lahad ni Mikoy.
“Tapos sabi ko, parang… ‘Puwede ba, pagkatapos ng Iti, uwi na lang tayo?’ Kasi bumabaligtad na yung tiyan ko. Gusto ko nang sumuka!
“Pinu-push lang ako ng partner ko, ni Isa, kanina pa na, ‘Hindi! Hindi! Manood lang tayo.’
“Tapos sinabihan din ako to stay for the team, for the director and the producers. So ahhmm yun… yun…
“Ayun, mukhang may rason naman pala kaya ako napilit mag-stay. And… hay naku! Hay naku! Hindi pa rin ako makapaniwala!”
GORGY RULA:
Nang nakausap namin si Mikoy pagkatapos ng awarding ceremony, hindi pa rin daw siya makapaniwalang siya ang itinanghal na Best Actor.
“Ang naisip ko lang nun, sana tama yung pagkarinig ko, kasi nakatayo na ako, at nakakahiya kung hindi ako yun. Kasi palakad na ako.
"I was really shocked! Hanggang ngayon, hindi pa nagsi-sink in. Naka-function mode lang ako ngayon para enough na makauwi ako sa bahay. Pero mamaya na ako maglulupasay," bulalas ni Mikoy.
Mahalaga kay Mikoy ang Cinemalaya dahil dito siya unang nagkapelikula.
"This community really means a lot to me, dahil nabanggit ko rin kanina sa likod na may first film ever nine years ago was Cinemalaya.
"Almost a decade later, I'm here again and this happens. F*ck! Hindi ko alam. It's too much for me,” saad ng Kapuso actor.
NOEL FERRER:
Saksi ako sa patuloy na pagpupunyagi ni Mikoy na maging mas mahusay pa at magmarka sa ating industriya.
Mapa-comedy o drama ay kaya niya. Entablado man o TV at ngayon ay pelikula, nakita nating kayang-kaya niya. Tapos pati sa music, hindi lang sa composition kundi pati na sa scoring, okay rin siya.
Mahusay na kaklase ko rin siya sa workshop ng National Artist Ricky Lee, kaya mahal namin talaga iyan.
Sana, mabigyan talaga ng halaga ang pagkapanalo niyang ito sa Cinemalaya, at hindi matulad kay Kristoffer Martin na kinilala sa ibang award-giving bodies ang trabaho niya sa Cinemalaya 2012 entry na Oros pero naging so-so lang.
Mikoy is definitely made for bigger stuff. Hindi lang siya sa Tether magaling, pati sa Rookie ay okay rin siya.
The challenge is to make Mikoy truly visible and consistently good (even outstanding) para hindi na siya ever naiisantabi.
At heto ang pahayag ni Mikoy ngayong Agosto 14, Lunes, nang mahimasmasan na siya sa pagkapanalo, “And in the quiet, it sinks in. “Ang hirap tanggapin, sa totoo lang. Nahirapan akong aminin na malaking bagay ito sa akin pero heto, inupo at buong-buong tinatanggap nang walang defense mechanisms -- AKIN.
“Pucha.
“Ito yun. Sa paglutang-lutang sa dagat ng mga hinahanap, hindi naman pala tayo nawawala sa kung saan naman talaga tayo nararapat. Nandito na, eh. Nandito pa.
“THANK YOU’s (ito yung mahaba):
“To our director Gian Arre with whom I have so much more in common with than we already know, for this opportunity and for the very articulate guidance and material.
“Rea, our producer, for powering through all the circumstances.
“Jorry for doing Kate so well, nakakapang-duda na yung buong pagkatao niya.
“Missy Maramara for being our Intimacy Facilitator, who brought in such a game-changing process.
“Ana Feleo, my go-to, who makes loving this craft so easy and feel like home.
“Sparkle: Boss Vic, Jess,
“Aguila: Tita Becky, Kuya Jan, Kat.
“Family, friends.
“And of course my rock, my home, the best partner I could ever ask for, Isa.
“Thank you Cinemalaya for the honor and for this one hell of a reassurance to stay and keep going. Padayon.”