JERRY OLEA:
Nagbasa sina Gina Alajar, Judy Ann Santos, Aicelle Santos, Agot Isidro at Allen Dizon ng excerpts sa ilang script ni National Artist Ricky Lee sa Cinemalaya filmfest last year sa CCP.
Kaugnay iyon sa book launch ng dalawang volume ng Mga Screenplay ni Ricky Lee. Nasa Volume 1 ang Brutal, Moral, at Karnal. Nasa Volume 2 ang Himala, Cain at Abel, at Salome.
Sa ongoing Cinemalaya XIX: ilumiNasyon naman ilulunsad ang bagong nobela ni Ricky Lee na Lahat Ng B (Karugtong ng ‘Para Kay B’) — sa Agosto 9, 2023, Miyerkules ng 6:00 p.m., sa Cinema Palma (Meeting Room 5) ng PICC.
Magbabasa ng excerpts ng nasabing nobela sina Dolly de Leon, Agot Isidro, Lance Reblando, at Jessa Espina. Magpe-perform si Bayang Barrios.
Take note na si Ricky Lee ang sumulat ng screenplay ng bagong Vivamax movie ni Direk Mac Alejandre, ang Call Me Alma na magpi-premiere sa Cinemalaya 2023!
Read: Cinemalaya 2023 opening night, box-office success!
Ang screening nito ay sa Agosto 10, Huwebes ng 9:00 p.m., sa Cinema Felipe (Meeting Room 4) ng PICC.
Ito ang kauna-unahang Vivamax movie na magpe-premiere sa Cinemalaya. May pa-cocktails kaya ang Vivamax?
Nasa cast ng Call Me Alma sina Azi Acosta, Jaclyn Jose, Mon Confiado, Gold Aceron, Soliman Cruz, Josef Elizalde, Aiko Garcia, at Richard Solano.
1999 ang setting ng Call Me Alma. Nalalapit noon ang bagong siglo at milenyo.
“Parang katapusan ng mundo. Eksakto rin namang… actually, kuwento siya ng mag-ina,” sambit ni Sir Ricky nang saglit naming makatsikahan nitong Agosto 6, Linggo, sa PICC Executive Lounge.
Na-postpone ang libreng scriptwriting workshop ni Sir Ricky dahil nagkasakit siya.
“Itutuloy ko na ngayong either October or November. Face to face siya, so 30 lang ang workshoppers,” sabi ng multi-awarded writer.
Nitong Linggo ay nanood si Sir Ricky sa 3:00 p.m. performance ng theatrical play na The Reconciliation Dinner sa PETA Theater Center, saka nag-segue sa PICC para sa 9:00 p.m. gala ng Cinemalaya film na Rookie.
Masigla ang art community nitong nakaraang weekend, sa teatro man o sa premiere indie filmfest ng bansa.
Napangiti si Sir Ricky, “I feel na ang suwerte ko naman, nasa gitna ako ng maraming mga taong gustong manood ng pelikula at gustong manood ng stage play sa panahong ito.”
NOEL FERRER:
Una, masaya tayo at maayos na ang kalusugan ng ating National Artist na si Sir Ricky Lee.
Ikalawa, balik ang kanyang energy sa pag-attend ng mga industry events tulad ng Cinemalaya kung saan halos lahat ng kasali ay naturuan niya.
Ikatlo, nakapanood din siya ng The Reconciliation Dinner at nagustuhan niya ito.
Pinuri niya si Direk Floy Quintos at ang grupo, at pinag-usapan nila ni Direk Mac Alejandre na kunin si Phi Palmos bilang artista ng kanilang mga materyal. Panahon nga ngayon ni Phi na isa sa mga talents ko.
Read: The Reconciliation Dinner sa PETA, star-studded ang supporers this weekend
Ang maganda ay napag-usapan naman nina Sir Ricky at Phi ang pag-adapt ng isang markadong pelikula at role ng isang babae, na puwedeng gawin ni Sir Ricky na bading character na.
Nahulaan niyo na ba kung anong obra itong niluluto at mina-manifest nating mangyari para kay Phi? Exciting!
Basta, Sir Ricky is not one to rest on his laurels. He has a Vivamax movie. He will soon start his F2F Workshop. Ang saya!
Basta, huwag nang sakit-sakit ulit!!! Dasal-dasal tayo!!!
GORGY RULA:
Abala si Direk Mac Alejandre sa post production ng Call Me Alma, pero nagkasama sila ni Ricky Lee sa pagtatanghal ng The Reconciliation Dinner noong Linggo ng 3:00 p.m. sa PETA Theater Center.
Kinumusta ng PEP Troika kay Direk Mac ang akting ni Azi Acosta sa Call Me Alma. Naka-deliver ba si Azi sa mga eksena niya with Jaclyn Jose, Mon Confiado, Gold Aceron, and Soliman Cruz na pawang award-winning?
Tugon ni Direk Mac via Messenger, “Mahusay si Azi. At Jaclyn was very helpful. Mabait si Jaclyn at iba pang co stars ni Azi. Very supportive at generous sila.”
Siyanga pala, available ang mga libro ni Sir Ricky sa CCP Cinemalaya Shop na nakapuwesto sa PICC Executive Lounge.
Siyempre, handa si Sir Ricky na mag-book signing pagkatapos ng programa sa book launch ng Lahat ng B.
