JERRY OLEA
Oktubre 2021 pa syinuting nina Elijah Canlas at Romnick Sarmenta ang pelikulang About Us But Not About Us, na isa sa walong official entries ng 1st Summer Metro Manila Film Festival (Abril 11-18, 2023).
“Sobrang height pa ng pandemic noon,” sambit ni Elijah sa mediacon nitong Pebrero 28, 2023, Martes ng hapon, sa Privato Hotel, Sct. Castor St., Brgy. Laging Handa, Quezon City.
“And the movie is just me and Kuya Romnick sitting down, sa table. Just talking, the whole movie. I don’t wanna spill anything else. It’s a thriller, e, written and directed by Direk Jun Lana.
“Nung nabasa ko yung script na yun, I remember… it just felt so good. Sobrang personal po talaga nung pagkakasulat niya.
“And nung habang idinidirek niya, I remember he was just so attached to the characters. Kasi sinabi niya po sa akin na lahat ng characters na yun, siya daw.
“So I don’t know how much I can say about the movie, but I’m so excited. I’m so grateful na napasama kami sa MMFF summer line-up.
“Honestly I didn’t expect our movie, a movie like that to be included in the MMFF and it’s a good platform to showcase you know this type of story, and this type of filmmaking to the Filipino audience.
“And sana tanggapin ng mga tao nang maayos. Ako, nae-excite ako, hindi ko pa napapanood, e. Pero memorized ko ang script na yun. Kasi parang theater play siya e.
“So, minemorize ko siya even before we started shooting.”
Read: Jun Lana isiniwalat ang "dark past" sa About Us But Not About Us movie
Nagwagi ang About Us But Not About Us bilang best film sa Critic’s Pick competition ng 26th Tallinn Black Nights Film Festival noong nakaraang Nobyembre 2022 sa Estonia.
Sabi-sabi, ang maglalabanan sa awards ng 1st Summer MMFF ay itong About Us But Not About Us at iyong pelikula ni Direk Brillante Mendoza na Apag starring Coco Martin.
Read: Lito Lapid, Julio Diaz, Gladys Reyes balik-pelikula sa Apag ni Brillante Mendoza
Malamang daw na sina Elijah at Coco ang magiging mahigpit na magkalaban sa kategoryang best actor. Ewan kung sa lead or supporting category ipupuwesto si Romnick.
Nasa karera rin ng best actor sa 1st Summer MMFF sina Gerald Anderson (Unravel: A Swiss Side Love Story), Carlo Aquino (Love You Long Time), Enchong Dee (Here Comes The Groom), RK Bagatsing (Kahit Maputi Na Ang Buhok Ko: The Music of Rey Valera), Aljur Abrenica (Single Bells), at Yoo Min-gon (Yung Libro Sa Napanuod Ko).
“Yung About Us But Not About Us is literally one of the hardest roles I’ve ever done,” pahayag ni Elijah.
“Baka nga the hardest. Kasi, yung hiningi niya sa akin emotionally, yung demand. And yung physical transformation din niya.
“Mahirap po talaga siya! Siya yung tipong pinag-aralan ko yung script for over a month. Trying to memorize it, trying to unitize it, trying to make my characters whole.
“Tapos si Kuya Romnick, iba din yung pinakita niya sa About Us honestly. I’ve worked with Kuya Romnick before sa Past, Present, Perfect? (2019) sa iWant, but we didn’t work like this na one-on-one po talaga kami.
“Ang saya kasi nagti-theater din si Kuya Romnick. Tapos parang kami yung nagko-compete but at the same time nagtutulungan dun sa mga acting choices namin, sa mga usapan namin, sa mga ginagawa namin.
“Tapos we were literally… dalawa lang po talaga kami the whole time.”
NOEL FERRER
Dream role ni Elijah na gumanap bilang autistic, at nagampanan niya iyon sa Pinoy version ng South Korean film na Keys to the Heart kung saan co-stars niya sina Zanjoe Marudo at Dolly de Leon.
Read: Star Cinema not the producer of South Korean movie Keys to the Heart's Pinoy version
Nahirapan ba siyang gumanap na autistic?
“Opo, mahirap siya! Super-excited nung sinabi nga po nila na gagawin yung project na yun, and dapat sa Baguio din namin siya isu-shoot,” kuwento ni Elijah.
“Pero biglang sinabi nila, baka sawa na daw ako sa Baguio. Kasi, yung Suntok sa Buwan, sa Baguio na lang kami lagi.
“I only had like two weeks to prepare po, to immerse myself, sa immersions, mga seminars about autism. So nag-cram na rin po ako in terms of preparation.”
Iba ang atake ni Elijah sa Pinoy version ng Keys to the Heart kumpara sa original characterization.
Pag-amin niya, “Kaya nakaka-panic nung time na yun pero sabi nila, nag-deliver naman daw. Sana po pag napanood ninyo.”
Sinu-shoot niya ngayon ang historical film na GomBurZa, kung saan gumaganap siyang Paciano.
All the best, Elijah!!!
GORGY RULA
Sa EliKoy/CaiReel fans na naghihintay sa Season 3 ng Pinoy BL series na Gameboys…
Ang sabi ni Elijah, “Wala pa pong Season 3. May mga plano na po diyan pero feeling ko, matagal-tagal pa.”
Kumusta na sila ni Kokoy de Santos? Nagkakausap pa ba sila?
“Yes! Kagabi lang, nagyaya si Kokoy mag-basketball. Hindi ko lang siya nasipot. Kasi inantok ako, may pinanggalingan pa po ako kahapon e,” sabi ni Elijah.
“Nagre-rest ako dahil galing ako ng shoot for GomBurZa. So nung nagyaya siyang mag-basketball, pinag-isipan ko talaga.
“Kasi nagba-basketball po kami kasama ang dad ko, si Kokoy, yung kuya [Jerom Canlas] ko, saka sina Royce [Cabrera], ganyan.
“Sabay-sabay sana kaming nag-basketball. Kaso hindi ako nakasipot kagabi. OK na OK po kami.”
Read: Gameboys The Movie unang ipalalabas bago ang Season 2
Siyanga pala, kasama na si Elijah sa roster of talents ng Cornerstone Entertainment.
Mina-manage ng nasabing multimedia entertainment industry sina Sam Milby, Piolo Pascual, Erik Santos, John Prats, Yeng Constantino, Moira de la Torre, Julia Montes, Iñigo Pascual, Kris Aquino, Gretchen Ho, Catriona Gray, Arci Muñoz, Empoy Marquez, KZ Tandingan, at iba pa.