JERRY OLEA
Sa huling araw ng Enero 2023, pitong American films ang nasa listahan ng Top 10 Movies in the Philippines Today ng Netflix.
Nasa unang puwesto ang extended version ng Spider-Man: No Way Home, na pinakamalakas na pelikula noong 2021.
Pangalawa sa Top 10 Movies ngayon ng Netflix Philippines ang Malaysian military action film na Air Force The Movie: Danger Close.
Pangatlo ang American black comedy horror film na Bodies Bodies Bodies.
Pang-apat ang Norwegian historical film na Narvik, at panlima ang South Korean sci-film na Jung_E na isinulat at idinirek ni Yeon Sang-ho (nagdirek ng Train to Busan).
Ang iba pang American films sa Top 10 Movies ay ang computer-animated adventure comedy film na The Croods: A New Age, ang rom-com ni Jonah Hill na You People, ang biographical war film na Devotion, ang mystery drama na Where The Crawdads Sing, at ang horror thriller film na The Invitation.
Sa Top 10 TV Shows in the Philippines Today, lima ay mula sa South Korea, dalawa ay mula sa Japan, at tig-iisa ang US, Britain, at Pilipinas.
Ang nanguna sa talaan ay ang Japanese ONA (original net animation) na Record of Ragnarok. Base ito sa manga nina Shinya Umemura at Takumi Fukui.
Pangalawa ang British detective series na Lockwood & Co., na tungkol sa teen-age ghost hunters. Hopefully ay magkaroon ito ng pangalawang season.
Ang pangatlo hanggang pang-anim ay pawang mula sa South Korea — ang part 1 ng The Glory ni Song Hye-kyo, Crash Course in Romance, The Interest of Love, at Alchemy of Souls.
Pampito ang American supernatural comedy horror na Wednesday. Pangwalo ang Japanese sci-fi thriller na Alice in Borderland.
Pansiyam ang reality series na Physical: 100 na kinunan sa South Korea. Naikumpara ito sa Squid Game.
At pansampu ang 2015 remake ng Pangako Sa ‘Yo (The Promise) na pinagbidahan nina Kathryn Bernardo at Daniel Padilla, kasama sina Jodi Sta. Maria, Angelica Panganiban, at Ian Veneracion.
Sa buong buwan ng Enero 2023 ay apat na series ang hindi nalaglag sa Top 10 TV Shows ng Netflix Philippines — The Glory, Alchemy of Souls, Wednesday, at Alice in Borderland.
Naka-12 days sa talaan ang Call Me Tita (2019) kung saan pwetmalu sina JC Santos at Mark McMahon, at may tender kissing scene sina Mylene Dizon at Ice Seguerra.
Iyan lang Call Me Tita at The Promise ang mga Pinoy series na pumasok sa Top 10 TV Shows ng Netflix Philippines this January.
Samantala, ang apat na pelikulang Pinoy na nakapasok sa listahan ng Top 10 Movies ng Netflix Philippines this month ay Clarita (2019) ni Jodi Sta. Maria, Sitsit (2020) nina Jake Cuenca at Ivana Alawi, Whistleblower (2016) nina Nora Aunor at Cherry Pie Picache, at Blackout (2007) nina Robin Padilla at Iza Calzado.
GORGY RULA
Ang Top 10 Movies sa Netflix Philippines noong Enero 1, 2023 ay Glass Onion: A Knives Out Mystery, Matilda the Musical, Clarita, Knives Out, The Roundup, Bullet Train, The Big 4, Troll, Jujutsu Kaisen, at 7 Women & A Murder.
By the end of the month ay ligwak na lahat ng mga ito sa talaan.
Nalalapit na ang streaming sa Netflix Philippines ng mga pelikulang I Do Bidoo Bidoo: Heto nAPO Sila (Pebrero 3), Inang Yaya (Pebrero 10), at An Incovenient Love (Pebrero 23).
Naka-line up na sa “Worth The Wait” section ang Crying Ladies ni Sharon Cuneta, at La Visa Loca ni Robin Padilla.
For sure, papasok sa Top 10 ang movie na pinagbidahan nina Donny Pangilinan at Belle Mariano. Alang-alang sa terrarium?!
Siyempre, abang-abang din tayo sa Ten Little Mistresses na mag-i-streaming sa Pebrero 15 sa Prime Video PH.
Sabik na tayong makilala si Lilith (Eugene Domingo) na always in service kay Valentin (John Arcilla), ang first at d’original kerida na si Magenta (Carmi Martin), ang gold-digger na si Babet (Pokwang), at ang headturner at headstrong na si Helga (Agot Isidro).
Nandiyan din sina Diva (Kris Bernal), Aura (Arci Muñoz), Because (Adrianna So), Sparkle (Kate Alejandrino), Lady G (Christian Bables), Coco (Iana Bernardez), at Moon-Young (Sharlene San Pedro).
Streaming na sa Prime Video PH ang Expensive Candy nina Carlo Aquino at Julia Barretto, Ultimate Oppa ni Bela Padilla, Ang Hupa ni Direk Lav Diaz, Wedding Dress ni Cristine Reyes, at How To Love Mr. Heartless nina Sue Ramirez at Diego Loyzaga.
May Pinoy movies na nag-streaming na sa Netflix Philippines ang nasa Prime Video PH na.
Nitong Enero 29, Linggo, ay nag-umpisa na ang streaming service na Viva Prime. Maraming contents na nasa Vivamax noon ang inilipat dito.
Noong Enero 28, Sabado, ay nag-streaming na sa AQ Prime ang Mang Kanor na title role si Rez Cortez.
Tatlong bagong titles ang naka-schedule na mag-streaming sa AQ Prime this February — Cuatro (Pebrero 14), Losers - 1, Suckers - 0 (Pebrero 21), at Upuan (Pebrero 28).
Tuluy-tuloy ang Vivamax sa pagpapalabas ng mga mapangahas na pelikula.
Ang updated line-up ng forthcoming Vivamax films ay Boso Dos (Pebrero 3), La Querida (Pebrero 10), Lagaslas (Pebrero 17), Suki (Pebrero 24), at Lawa (Marso 3).
Tuwing Sunday naman ay may bagong episode ang serye sa Vivamax.
Nitong Enero 29, Linggo nag-streaming ang Episode 1 (“Cinema Parausan”) ng anthology na Erotica Manila. May tatlong episodes pa ito.
Sa Pebrero 26 naman magpa-pilot ang Stalkers.
Sa dami ng bagong Pinoy contents na available online, paano na ang Pinoy movies na ipinapalabas sa mga sinehan?
Take note na sa Pebrero ay sandamukal din ang mga concert.
Sa Pebrero 15, inaasahan nating magpapayanig sa local cinemas ang marvelous film na Ant-Man and the Wasp: Quantumania.
Makikipagsabong dito ang pelikulang Without You nina David Licauco at Shaira Diaz. E, sa ngayon, ang nagpapakilig sa fans ay ang FiLay tandem nina David at Barbie Forteza sa Kapuso primetime series na Maria Clara at Ibarra.
Sa tingin ninyo, tama ba ang playdate ng Without You?
Sa Pebrero 22 nakatakda namang ipalabas ang Ako Si Ninoy ni JK Labajo, at kasama sa cast nito si Joaquin Domagoso.
Sa Marso 1 nakatakdang magsalpukan ang Oras de Peligro nina Cherry Pie Picache at Allen Dizon, at ang Martyr or Murderer kung saan gumanap na Ninoy Aquino sina Jerome Ponce at Isko Moreno.
Ang tatlong pelikulang ito ay kaugnay sa ika-37 anibersaryo ng EDSA People Power Revolution.
Kumusta na kamo ang Avatar: The Way of Water na hanggang ngayon ay showing pa rin sa mga sinehan ng bayang magiliw?
Seven consecutive weeks na itong nanguna sa takilya ng North America. Ito ang pinakamalakas na pelikula ng 2022, at nakipagsabong dito ang launching film ni Jeric Gonzales na Broken Blooms.
Apat ang nominasyon ng Avatar: The Way of Water sa 95th Academy Awards o Oscars — best picture, best sound, best production design, at best visual effects.
Ang 95th Oscars ay gaganapin sa Marso 12 sa Dolby Theater ng Los Angeles, California. May mapanalunan kaya rito ang Avatar: The Way of Water?
Ang worldwide gross ng Avatar: The Way of Water ay umabot na sa $2.117B. Pang-apat na ito sa talaan ng Worldwide Lifetime Gross (hindi adjusted sa inflation).
Kinabog nito ang global gross ng Star Wars: Episode VII - The Force Awakens ($2.071M).
Ang Top 3 sa listahan ng Worldwide Lifetime Gross ay Avatar ($2.924B), Avengers: Endgame ($2.799B), at Titanic ($2.194B). Ang Avatar, Titanic, at Avatar: The Way of Water ay pawang idibirek ni James Cameron.
Kaugnay sa ika-25 anibersaryo ng Titanic ay ipapalabas muli sa mga sinehan ang remastered edition nito.
Pebrero 8 ang pagpapalabas muli ng Titanic sa local cinemas. Magandang date movie ito para sa Valentine season!
NOEL FERRER
Maliban sa mga nabanggit na pelikula, isa sa kinaaliwan kong panoorin ulit sa Netflix this week lang ay ang pelikulang 100 nina Mylene Dizon, Eugene Domingo, at Tessie Tomas, sa direksiyon ni Chris Martinez.
Lahok ito sa Cinemalaya 2008.
At ang ganda lang niya talaga! Really life affirming at kahit ilang taon na ang nakalilipas, ang ganda pa rin!!!
Bravo!!!