GORGY RULA
Si Senator Robinhood Padilla ang special guest ni Korina Sanchez sa Korina Interviews na mapapanood bukas ng hapon, Linggo, December 18, sa NET25.
Sinadya ni Korina ang actor/politician sa tanggapan nito sa Senate Building, at doon ini-reveal ni Robin na hindi pala siya sumasakay ng elevator.
Naghahagdanan si Robin mula ground floor hanggang sa fifth floor sa kanyang tanggapan.
Pag-uusapan nila ang transition ni Robin mula sa pagiging action star hanggang sa number one senator noong nakaraang eleksyon.
Samantala, si Karla Estrada ang in-interview ni Korina last Sunday sa naturang programa at sa tono ng mga sagot niya, mukhang itutuloy niya ang pagpasok sa pulitika pagkatapos na hindi siya nakapasok sa Tingog Partylist dahil pang-third seat siya.
Pero tuloy pa rin si Karla sa naturang partylist at kasalukuyang Social Service Chief sa tanggapan ni Speaker Martin Romualdez.
Hindi naman daw isyu sa kanilang pamilya ang pulitika kahit magkasalungat sila ng sinusuportahan ng kanyang mga anak.
Sabi naman ni Karla, never daw nila itong pinag-usapang mag-iina.
“Hindi naging isyu or kung meron mang isyu, hindi napag-usapan. Para sa amin, aksaya sa panahon dahil ang mahalaga naman na mahal namin ang isa’t isa bilang pamilya.
“Kung ano man ang mga pananaw ay malaya kaming makakapili ng aming pananaw hangga’t hindi naman ito ikakapahamak ng aking mga anak, at hindi ko rin naman ikapapahamak, di ba?
“We never talked about politics, imagine? The entire campaign and up to now,” saad ni Karla Estrada.
JERRY OLEA
Pahayag pa ni Queen Mother, “Actually, even before, dahil hindi naman talaga kami pulitikong mga pamilya, di ba? Kami ay pamilyang malaya at matibay at nagmamahalan talaga.
“Malaya, matibay at malalim na nagmamahalan. At ang respeto sa akin ng mga anak ko ay iyan ay napatunayan na nang ilang beses.
“Puwede akong pagtawanan ng mga tao, huwag lamang sa harap ng mga anak ko. Dahil ang mga anak ko ay handang…handang…ngumiti na parang aso.”
NOEL FERRER
Masaya raw ngayon si Karla sa kanyang lovelife. Masarap daw ang umibig, at kailangang may katuwang daw siya sa kanyang pagtanda.
“Hindi ako napapagod sa kaiibig. Hangga’t tumitibok ang puso ko… maano ka talaga, e. Gusto ko talaga yung feeling na in love, may minamahal, may pakilig-kilig, inspirasyon.
“Lalo na ma-experience mo pag nagsilakihan na ang mga anak mo sina Pepe at si Pilar. Ay naku! Magdadrama ka talaga.
“Para sa akin talaga, importante na meron ka talagang kasamang tumanda,” sabi pa ni Karla.
O pag ibig na makapangyarihan… ikaw ba, may kasama ka na sa pagtanda?