GORGY RULA
Inatake na naman ng sangkatutak na bashers sina Paolo Contis at Yen Santos pagkatapos manalo ni Yen ng Best Actress sa 45th Gawad Urian.
Read: On The Job: The Missing 8 sweeps 45th Gawad Urian; John Arcilla, Yen Santos win top acting honors
Kaagad-agad nag-post si Paolo sa kanyang social media account para batiin ang rumored girlfriend sa pagkapanalo nito.
Read: Paolo Contis, nag-post agad ng pagbati matapos magwaging Best Actress ni Yen Santos sa Urian
Halos magkasunod pa dahil may nakakuhang magkasama sina Paolo at Yen sa lobby ng Shangri-La EDSA.
Sabi ni Paolo, nag-check-in sa naturang hotel si Yen nung araw ng Urian dahil doon na ito nagpaayos kasama ang best friend niya. Sinamahan daw ang aktres ng kaibigan niya na dumalo sa Urian dahil nasa shooting noon si Paolo ng pelikulang Pangarap Kong Oscars.
Sa hotel daw natulog si Yen, at si Paolo naman ay 6 a.m. na-pack up sa shooting kaya doon na siya sa Shangri-La tumuloy para maki-breakfast kay Yen.
Nagulat ang ang aktor na tila laging may sumusubaybay sa kanya at nakukunan agad sila ng larawan.
Nung Linggo, November 20, ay 30th birthday naman ni Yen, at kasama niya si Paolo na nag-celebrate.
Read: Yen Santos celebrates 30th birthday with rumored boyfriend Paolo Contis
Hindi na binanggit sa amin ni Paolo kung saan sila nag-celebrate ng kaarawan ni Yen, pero nasa out of town daw sila.
Biniro ko si Paolo kung nag-out of town ba sila "as a friend." Pabiro rin niya akong sinagot ng “No, as best actress!”
Ipinost ni Paolo sa kanyang Instagram account ang pagbati niya kay Yen ng “Happy Birthday My Best Actress!”
Kasunod nito ay pinutakti na naman siya ng matinding bashing.
Sabi ni Paolo, nasasanay na siyang naba-bash, pero itong mga huli niyang natatanggap ay mga pagbabanta na. May death threats na ang ibang bashing sa kanila.
May ifinorward nga si Paolo sa akin na comment ng isang basher na sinabing "sana ma-murder" na raw ito. Meron ding nagku-comment na gusto na nitong mamatay sila ni Yen.
“Sino ngayon sa amin ang mas nagkakasala? Ever since naman never ko pinapansin ang mga bashers,” text sa akin ni Paolo.
Ito ang dahilan kaya tinanggal na muna ni Paolo ang comments section sa kanyang Instagram para wala nang kanegahan.
JERRY OLEA
OA iyong inaasam na matigok sina Yen at Paolo, huh?! Hindi pang-Urian ang ganun ka-hysterical na hanash!
Basta, masaya tayo para kay Yen sa best actress award niya para sa pelikulang A Faraway Land na pinagtambalan nila ni Paolo!
MABUHAY!!!
NOEL FERRER
The best weapon is always a good work!
Ituloy lang nina Paolo at Yen ang maganda nilang trabaho. Patuloy na gumawa ng magagandang pelikula at serye, at tatahimik din ang bashers nila!