JERRY OLEA
Matapang ang pagganap ni Julia Barretto sa pelikulang Bahay Na Pula, kung saan leading men niya sina Xian Lim at Marco Gumabao.
Marami siyang ginawang “first” sa horror movie na idinirek ni Brillante Mendoza, at mag-i-streaming umpisa Pebrero 25, 2022, Biyernes, sa Vivamax.
“You know we’re growing old and we’re growing up, and if I wanna be really committed and passionate to my craft, it’s a jump that I have to take,” pahayag ni Julia sa presscon nitong Pebrero 21, Lunes ng gabi, sa Quezon City.
Ready na ba siya sa mature roles, kung saan may maaalab na eksena? O marami pa ring limitasyon?
Natigilan saglit si Julia bago sumagot, “Ahhm, I recently just did a film called Expensive Candy, and I think that’s another film that required a lot of courage and bravery.
“So, I feel like paunti-unti, ahhhm… nakakagawa na ako ng mga pelikula katulad ng mga ginawa ni Marco Gumabao. Ha! Ha! Ha! Ha! Hindi! Joke!”
Sumingit si Marco, “Actually, yung next question for me was kung nanibago ba ako sa mga ginawa ko rito. Actually, it was a whole new experience.”
Sundot ni Julia, “Ha! Ha! Ha! Ha! It’s a wholesome experience!”
Agad ding umayon si Marco, “It’s a very wholesome experience!”
Going back to Julia, anu-ano pa ang maio-offer niya? Hanggang saan lang ang pwede niyang gawin?
“Ayun naman po, ahhm, you know, it’s not always just about doing love scenes, and about doing things for the first time,” lahad ng young actress.
“It’s just always being brave and courageous and very… ahhm, I just wanna as much as possible be willing and be committed to the craft that I committed myself to.
“So, ayoko rin naman na masyadong magkaroon ng limitations. Kasi siyempre, parang binibigyan ko rin ng limitations yung mga taong nasa likod ng creative process ng pelikula.
“So, you have to give them that trust because they’re giving me the trust and malaking bagay kasi sa akin yung pinagkakatiwalaan ako. So, as much as possible, pinahahalagahan ko yun, iniingatan ko yun.
“So, yun talaga, tumatanda na rin ako, e. Wala na akong excuse na, ‘Ay! Ayoko!’ Hindi na cute kasi kung gawin ko pa yun.
"So, Marco is the goal!"
GORGY RULA
Sabi nga ni Julia, itong Bahay na Pula ang kinu-consider niyang first horror movie na nagawa niya.
Yung Block Z (2020) nila ni Joshua Garcia ay action-thriller daw yun at may pagka-fantasy dahil sa "zombie factor."
Kakaibang experience daw sa kanya na nagawa niya ang kakaibang style ng pagtatrabaho ni Direk Brillante Mendoza, at marami siyang natutunan. Kaya naman siguro nagawa ni Julia ang ilang daring scenes na hindi lang natin maidetalye at mabuting panoorin na lang.
Kung nagpaka-daring si Julia dito sa Bahay na Pula, sobrang wholesome naman dito si Marco Gumabao. Hindi man lang nasilayan ang katilam-tilam na abs ni Marco at ibang-iba ito sa mga nagawa niya.
“Like what Direk said, he wanted something different for my role dito sa pelikula namin,” pakli ni Marco.
Dagdag pa niya, “Ako naman, like what Julia said, hindi naman parating may love scene na magtanggal ng T-shirt, di ba? Of course, we want to… yun nga yung craft namin.
“Gusto namin ipakita kung ano yung maibigay namin na iba. So, yun. Thankful ako kay Direk, kasi siyempre he wanted to show another me, na hindi na yung normal na nakikita sa akin.”
Hindi naman daw ibig sabihin na hindi na siya maghuhubad ulit. Kapag may maganda talagang project, open siyang magpaka-daring na dati niyang ginagawa at baka mag-level up pa.
“I’m not saying na hindi na tayo gagawa ng ganun. Kasi siyempre, pag maganda yung project, if it’s really needed to the material, bakit naman hindi, di ba?” sabi pa ni Marco.
NOEL FERRER
It’s good that these young stars take a gamble sa mga kakaibang projects tulad nitong horror movie na Bahay Na Pula under Direk Brillante Mendoza.
Dito sila nagkakaroon ng exposure and experience in working with the best directors and their team.
Sana, hindi lang dadaan itong pelikulang ito like one of those horror movies, and may it really be a significant horror piece.