JERRY OLEA
Mahigit apatnapung (40) artista ang pumirma sa Black Pen Day ng ABS-CBN Star Magic noong Hunyo 19, Sabado.
Nag-streaming iyon sa Facebook page at YouTube channel ng Star Magic, at umere noong Hulyo 4 ng 9:30 p.m. sa Kapamilya Channel at A2Z channel 11.
Kabilang sa mga pumirma sina Jake Ejercito, John Arcilla, Gigi de Lana, JC Alcantara, Kiko Estrada, Rans Rifol, Vance Larena, Maureen Wrob, Karina Bautista, Aljon Mendoza, at Jayda.
Pumirma rin sina Alyssa Muhlach, Sandino Martin, Marc Solis, Angeline Quinto, Kaila Estrada, Arabella Davao, Mary Joy Apostol, Zabel Lamberth, Paolo Gumabao, Luis Vera-Perez, Sela, Migo Manikan, Vitto Neri, at iba pa.
GMA ARTIST CENTER
Kung may Black Pen Day ang ABS-CBN Star Magic, meron namang Signed For Stardom ang GMA Artist Center (GMAAC) nitong Setyembre 5, Linggo, sa All-Out Sundays ng GMA-7.
Kabilang sa mga pumirma kahapon ng kontrata sa GMAAC sina Mark Herras, Ashley Ortega, Analyn Barro, Claire Castro, Sandro Muhlach, Saviour Ramos, Migs Villasis, Jose Sarasola, Pauline Mendoza, Therese Malvar, at Sherilyn Reyes-Tan.
Noong Agosto 20, bumitaw na si Manay Lolit Solis bilang manager ni Mark Herras, kaya Artist Center na lamang ang humahawak dito.
Tumatak sa atin si Ashley Ortega bilang hitad na si Marriam sa Legal Wives, si Analyn Barro bilang mahaderang kapatid ni Yaya Melody (Sanya Lopez) sa First Yaya, at si Claire Castro bilang anacondang kapatid ni Maita (Glaiza de Castro) sa Nagbabagang Lupa.
Si Sandro Muhlach ay dakilang panganay ni Niño Muhlach. Kasama siya sa pilot episode ng GMA Regal Studio Presents na "That Thin Line Between" sa Setyembre 11, Sabado, 8:30 p.m., sa GMA-7. Bida sa episode sina Ken Chan at Sanya Lopez.
Bahagi ng Instagram post ni Sandro pagkapirma, “I still remember the days I prayed for the things I have now. Thank you for all the support.”
Si Saviour Ramos ay anak ni Wendell Ramos. Lumabas siya sa "Neo & Omar" Episode ng Unlocked anthology ni Direk Adolf Alix Jr., na nag-streaming sa GagaOOLala. Kasali rin si Saviour sa BL series na Happenstance, na sa GagaOOLala rin ipinalabas, sa pamamahala pa rin ni Direk Adolf.
Ang basketbolistang si Migs Villasis ay nagbida sa Pinoy BL series na In Between: Sa Pagitan ng Kamusta at Paalam, sa direksiyon ni Briliant Juan.
Emote ni Migs sa Facebook, “Walang pagsidlan ng saya sa aking PUSO! Ngayon ang simula ng katuparan ng aking mga pangarap, dito sa loob ng bago kong tahanan na tumanggap sa akin ng buong puso.
"I bid farewell to the past and leave all the dramas behind and embrace what’s now and what awaits tomorrow because nothing and no one will get in the way of achieving my dreams.
"Sa aking pamilya — pagbubutihan ko po ito para sa inyo. Thank you po sa suporta nio sa kahit anong gusto kong marating…"
Ang model-turned-chef na si Jose Sarasola ay nag-umpisang mag-showbiz sa Pinoy Fear Factor (2008) ng ABS-CBN. Pinag-agawan siya nina Kiray Celis at Divine Aucina sa "Maid4U" episode ng Tadhana noong Setyembre 4, Sabado, sa GMA-7.
Si Pauline Mendoza ay nagbida sa panghapong teledrama ng GMA na Babawiin Ko Ang Lahat (2021).
Ang young actress na si Therese Malvar ay multi-awarded. Kinilala ang husay niya sa indie movies na Ang Huling Cha-Cha ni Anita (2013), Hamog (2015), Ilawod (2017), Distance (2018), at School Service (2018).
Si Sherilyn Reyes-Tan, nag-post kahapon sa Facebook, "Officially a Kapuso. It has been 22 years since I stepped on GMA ground. Started guesting in their shows before I became regular in Bubble Gang then Eat Bulaga! (TAPE inc). All Together Now (Ninong Edgar Mortiz thank you!) Bahay Mo Bato, Moms (QTV Hi Miss @ggslara) and the list goes on…"
Nagpasalamat si Sherilyn sa pagtitiwala ni GMA Films President and Programming Consultant to the Chairman and CEO Atty Annette Gozon-Valdes.
Sabi pa ni Sherilyn, "I am doubly happy as I am again under the care of the two people who first gave me the opportunity to fulfill my dream of being on Television, Mr. M and Tita Mariole.
"Yes they call me their original baby and For every milestone in Showbiz I never fail to thank them for the love they have shown me eversince…"
Si Mr. M o Johnny Manahan ay consultant ng GMAAC.
Siyanga pala, kabilang din sa mga pumirma kahapon sa GMAAC sina Vaness del Moral, Faye Lorenzo, Lucho Ayala, Luane Dy, Rain Matienzo, Martin Javier, Patricia Tumulak, Alexandra Yap, Julia Pascual, Lala Vinzon, at Denise Barbacena.
Kasama rin sa pumirma sina Shemee Buenaobra, Gab Yabut, Sebastian Pajarillo, Levince Sotto, Kimson Tan, Jamir Zabarte, Ashley Alcayde, Carlo San Juan, Lei Angela, Coleen Paz, Bryce Eusebio, Gabrielle Hahn, at Shanelle Agustin.
GORGY RULA
May isa pang batch ng mga artista ng Talent Development Management Department ang ipapakilala sa All-Out Sundays sa darating na Linggo, September 12.
Padami nang padami pa ito, dahil meron pang mga ipakikilalang mga bagong mukha hanggang sa character actors.
Mas madali kapag nasa TDMD ka dahil napa-prioritize ito kesa sa mga artistang hawak ng ibang managers. Sabi ng ilan, idea raw ito ni Mr. M. Pero sabi naman ng ilang nakatsikahan ko, matagal na raw itong pinlano ng GMA Artist Center. Ngayon lang nila naayos.
Maganda naman ang logo pati ang presentation sa AOS noong Linggo. Unti-unting napapansin ang ilan sa kanila, lalo na yung mga masisipag sa social media.
Sana, marami pa sa kanila ang ma-handle nang maayos at mabigyan ng chance na makilala kagaya nina Sanya Lopez, Ken Chan, Rita Daniela, at marami pa.
Ngayon ay sinisimulan nang i-groom at sinusugalan na sina Kelvin Miranda, Faith Da Silva, Claire Castro, pati sina Dave Bornea at Faye Lorenzo.
Marami pang mga bagong shows ang GMA-7, at malaki ang chance na mabigyan ng career ang mga baguhang artistang ito.
NOEL FERRER
Here’s to new beginning…
Isama na natin ang sinusuportahan ng Sunflowers na si Kyline Alcantara na kabi-birthday lang noong Setyembre 3, Biyernes.
Sana nga, dapat sa initiative na ito, hindi na sila tatawaging… Da Hu!