NOEL FERRER
Nabulabog na naman ang ating industriya sa pagpanaw ng isa sa mga production staff at assistant director ng FPJ’s Ang Probinsyano na si Lyan Suiza ngayong Sabado ng umaga, Setyembre 4.
Cardiac arrest ang ikinamatay ni Lyan.
Ang lungkot lang dahil matapat siyang nagsilbi sa ABS-CBN Production.
Nakasama ko siya noon sa Martin After Dark. Sumuporta rin siya sa amin ni Direk Erick Salud sa aming Cinemalaya 2011 entry na Ligo Na U, Lapit Na Me.
On break sina Lyan sa lock-in taping ng FPJ’s Ang Probinsyano sa Ilocos Sur.
Habang ang mga kasamahan niya ay nag-e-exercise, bigla na lang daw nagpapatawag ng medic ang roommate ni Lyan. Hinimatay raw si Lyan.
Isinakay si Lyan sa ambulance, at nadala sa Gabriel Silang Hospital sa Vigan City. Maagap ang hotel dahil natimbrehan agad ang hospital.
Pagdating sa hospital ay inasikaso agad si Lyan, pero dead on arrival (DOA) na raw ito.
Agad nakapag-post ang malapit na kaibigan ni Lyan na si Direk Jojo Saguin sa FB niya ng “Tang *** naman! Bakit ikaw pa!!! Daming masasamang tao diyan.”
Hanggang sa bumuhos na ang pakikiramay ng mga kaibigan at kapamilya ni Lyan.
Nakikiramay ang PEP Troika sa mga naiwan ni Direk Lyan Suiza, kasama ng kanyang 10-year-old na anak.
Ramdam namin ang sakripisyo ng mga taong patuloy na hinaharap ang ating pandemya para maipagpatuloy ang trabaho.
GORGY RULA
Nakakalungkot ang ganitong balita, sa totoo lang.
Ang hirap na ngang masabak sa lock-in taping at dagdagan pa ng pangamba sa pagtaas ng COVID cases, may ganito pang pangyayari.
Di ba, naka-hold pa ang taping ng Ang Probinsyano dahil may mga nagpositibo pagkatapos nilang ma-second swab?
Hindi kaya senyales na rin itong tapusin na ang teleseryeng ito? Siguro, pagkatapos ng cycle ng taping nito ay mas mabuting ipahinga muna nila at palipasin ang malas.
Nakikiramay po kami sa pamilyang naiwan ng namayapang direktor.
JERRY OLEA
Nalumbay tayo sa pagpanaw ni Mahal noong Agosto 31, Martes.
Kinabukasan, Setyembre 1, Miyerkules, pumanaw ang aktor at fight director na si Richard Manabat.
Facebook post ni FDCP Chair Liza Diño ngayong Setyembre 4, Sabado ng tanghali, “COVID-19 is getting too close to home.
“We lost another colleague in the industry. Kuya Richard is a friend, and a co-actor in some of the films and stage plays I have done.
“We just talked a month ago because we assisted him to get his vaccination and he had his first dose last Aug 2 through our vaccination program. Hindi na umabot sa second dose.
“Nakikiramay po ako sa buong pamilya at mahal sa buhay ni kuya Richard. FDCP is already touch with the family to extend assistance through our Sagip Tala program with Mowelfund.
“Ingat po tayong lahat. To all productions, please double up on compliance to protocols. Review and reassess safe fillming plans para maminimize po natin ang lapses.
“Let's take care of each other at pangalagaan po natin ang kapakanan ng bawat isa.”
Isa sa labis na nalungkot sa pagpanaw ni Richard ay ang kapwa aktor na si Dido de la Paz, na may pinagdadaanan din.
Pakiusap ni Dido ngayong Sabado ng hapon sa Facebook, “Friends... please continue to pray for me. I am not ‘out of the woods’ yet.
“I experienced the worst night so far. Pain so severe, woke me up at 2am and kept me awake. As I have no medication I had to cryingly endure it.
“I have started to feel pain and discomfort from places I haven't felt pain before. I need medication but have no resources. I would gladly work even thru pain, but there is no work to be had.
“I'm so grateful to those kind hearts who responded to my plea of help. Food and basic needs of my family are no longer a dire emergency.
“My present battle against this invasive big C has stepped up and I have no bullets.
“Please continue to keep me in your prayers. If you feel you are being touched to extend financial assistance, please do so because I do need it badly as I believe I have now become part of the poverty line... (pls PM for details).
“God bless and keep you. GOD IS GOOD AND FAITHFUL ALWAYS! HE IS IN CONTROL!”
Tapos, heto ang nakarating sa ating balita mula Ilocos, sa set ng FPJ’s Ang Probinsyano.
At ang hanash ng isang kilalang talent manager tungkol dito… nakakawindang!!!