JERRY OLEA
Bagamat Kapamilya programs ang Top 2 sa National TV Ratings (Urban + Rural) ng Kantar Media noong Pebrero 29, Sabado, mas marami ang Kapuso shows sa Top 10.
Waging-wagi pa rin ang The Voice Teens: Season 2 na naka-27.5%, kontra sa Daddy’s Gurl na may 16.4%.
Naka-25.1% ang Maalaala Mo Kaya episode nina Sid Lucero at Gelli de Belen, kontra sa 18.8% ng Magpakailanman episode nina Andrea Torres at Benjamin Alves.
Naka-19.7% lamang ang Home Sweetie Home, kontra sa 20.3% ng Wowowin Primetime ni Willie Revillame.
Naka-14.1% lang ang It’s Showtime, kumpara sa 15.3% ng Eat Bulaga, at 16.4% ng Prima Donnas.
Naka-16.3% ang Pepito Manaloto. Naka-14.4% lamang ang Ipaglaban Mo, kontra sa 14.9% ng Tadhana.
GORGY RULA
Ang nakuha ko namang rating mula sa AGB-NUTAM noong nakaraang Sabado, February 29, ay naka-5.9% ang 24 Oras Weekend, at 4.9% ang katapat na Kuha Mo.
Sumunod ang Pepito Manaloto na may 8.7%, na naging katapat na ng TV Patrol na 6.4%. Sumunod sa Pepito Manaloto ang Wowowin Primetime na naka-10.4%.
Wagi pa rin ang The Voice Teens na 12.5% versus Daddy’s Gurl na 9.8%.
Winner din sa AGB ang Maalaala Mo Kaya na nakakuha ng 12.4%, laban sa Magpakailanman na may 11.6%.
NOEL FERRER:
So, wagi sa Kantar Media noong Sabado ang Eat Bulaga, Prima Donnas, Tadhana, Pepito Manaloto, at Wowowin Primetime.
For sure, wagi rin ang mga iyan sa AGB NUTAM.
Kung format-to-format ang tapatan, katulad ng ibang shows kapag Sabado—what if magkaroon ng Saturday edition ang Centerstage like The Voice Teens? Mas interesting kaya ang labanan?
Ang Centerstage ng GMA-7 ay hinu-host ni Alden Richards, habang ang The Voice Teens ng ABS-CBN ay pinangungunahan ng coaches na sina Lea Salonga, Sarah Geronimo, Bamboo, at apl.de.ap.