GORGY RULA: Naalala ko na bukod sa Tawag ng Tanghalan ay sumali rin pala ang taga-Negros na si Carl Malone Montecido sa second season ng The Clash.
Dahil nag-trending ang video ni Carl na kumakanta sa isang videoke demo section ng isang mall, napansin na siya ni Sam Smith at iniimbitahan na siyang mag-guest sa programa ni Ellen DeGeneres sa Amerika.
Pero bago siya umapir sa Ellen, mauuna muna siya sa All-Out Sundays bukas, Pebrero 16.
Makakasama niya sa isang production number ang mga nakasabayan niya sa season 2 ng The Clash na sina Jeremiah Tiangco at Nef Medina, at ang taga-season 1 na sina Jong Madaliday at Garret Bolden, pati ang hosts ng The Clash na sina Julie Anne San Jose, Rayver Cruz, Rita Daniela, Ken Chan at ang judge nilang si Christian Bautista.
Kahit hindi pinalad itong tinaguriang Blind Balladeer ng Bacolod sa mga singing competitions na sinalihan niya, mas sikat siya ngayon sa mga nakatalo sa kanya.
JERRY OLEA: Siyempre, nag-uumapaw pa rin ang mga awit ng pag-ibig sa ASAP Natin ‘To bukas.
Manghaharana sina Xian Lim, Ogie Alcasid, Ian Veneracion at Aljur Abrenica. How sweet!
Magpapasiklab nang bonggang-bongga ang Philippines’ Most Streamed Female Artist na si Moira.
May moment ang singing champion na Juan Gapang, maging ang dancing champion na Kenyo Street Fam.
Mapuso ang kantahan ng Kapamilya moms na sina Regine Velasquez, Toni Gonzaga, Vina Morales at Jolina Magdangal.
More and more ang mga pasiklab at payanig para sa mga nagmahal, nasaktan at patuloy na nananalig sa pag-ibig!
NOEL FERRER: After all the Valentine concerts, tuluy-tuloy pa rin ang pang-aliw sa TV na libre.
At least, ang maganda niyan, may option ang mga tao depende sa taste nila.
Among the Valentine shows, puro superlatives at consistent ang magagandang reviews sa Regine-Sarah Unified na two-night gig sa Araneta Coliseum.
Sana maganda rin ang sales at review sa iba.