GORGY RULA: Bukas, Hulyo 2, Martes, ang meeting ng taga-Film Development Council of the Philippines (FDCP) at ang Selection Committee ng ikatlong Pista ng Pelikulang Pilipino (PPP) sa theater owners.
Doon pa lang daw nila ipa-finalize ang final list ng limang finished films na kukumpleto sa walong entries ng PPP 2019.
Kaya sabi ni FDCP Chairperson Liza Dino, nagulat siya at lalo na ang mga taga-selection committee nang may lumabas na listahan ng limang pelikula gayong hindi pa raw na-finalize lahat ng entries.
Pahayag ni Liza nang nakausap namin nitong Hunyo 30, Linggo ng gabi, sa radio program namin sa DZRH, “Nagulat kami na may list na umiikot, nakakalungkot lang, di ba?
“We’re still in the middle of shortlisting films, so meaning, we’re still deciding on the final line-up.
“Kaya nakakalungkot na parang may finalists na lumalabas. Kasi, even when we were talking to the filmmakers and the producers, clear sa kanila na we’re in the process of shortlisting films.
“And we held them na parang I hope that you understand na meron tayong confidentiality agreement muna hangga’t hindi natin napa-finalize lahat.
“Kasi, sa amin naman manggagaling iyong final at malalaman at malalaman naman nila iyon. At ilang araw na lang naman.
“After ng Tuesday meeting, malalaman na nila iyon na sila na yung finalists.”
Hindi raw nila ma-verify kung sinu-sino ang mga nagkalat ng listahan ng finished films, kaya pag-uusapan pa raw nila kung ano ang puwede nilang gawin dahil first time itong nangyari sa kanila.
“I was talking to my selection committee, kasi sila mismo ang nakakita ng mga may list, may post. Sila mismo ang nalulungkot. Pero siyempre, we’re all discussing, e.
“Pinag-uusapan namin… isa iyon sa diniscuss ng selection... because it was very clear and everybody agreed na baka ma-penalize sila.
“Hindi namin alam on what form, kasi this is the first time that it happened to us.
“Of course, we don’t want for the film to suffer na kung sino man iyong na-shortlist na film.
“Pero iyong ano namin… hindi mo puwedeng i-tolerate na hindi mo nirerespeto iyong pinag-uusapan, di ba?
"Klarong-klaro, pina-oo namin sila, bawat isa sa kanila,” sabi pa ni Liza.
Tuloy pa rin daw sa July 11 ang announcement ng mga pelikulang kalahok sa ikatlong PPP na gaganapin sa Setyembre.
JERRY OLEA: Shout out ni Direk Joey Reyes sa Facebook nitong Hunyo 30, Linggo ng tanghali, “Now 2 of the finished films selected for Pista ng Pelikulang Pilipino 2019 are in hot water for BREACH OF CONFIDENTIALITY.”
Hmmn... ilan ba ang na-shortlist para sa five more slots ng ikatlong PPP?
Nauna nang i-announce ang first three official entries ng nasabing indie filmfest—Cuddle Weather, The Panti Sisters, at LSS.
Siyempre, hihintayin ng PEP Troika ang July 11 na araw ng paghahayag ng limang iba pang kalahok sa PPP 2019.
NOEL FERRER: Oh well, hihintayin natin ang announcement ng PPP final list sa July 11.
Sa kabilang banda, iyong pasok na first four entries sa 2019 Metro Manila Film Festival ay malalaman naman natin sa July 10.
Exciting times indeed for Filipino films!